¹ Esilolero sikhongo siabonekhana mwikulu: omukhasi owafunikhwa nende eliuba ne nali nende omwosi asi wa makulu kaye ne olusiimbi lwa ching'ining'ini ekhumi na chibiri chiali akulu womurwe kwaye. ² Yali nende inda ne nalira khulwa amachuni akokhwibula khulwa obuchuuni bwo khwebolola. ³ Ne esilolero sindi siabonekhana mwikulu: lingala khwali nende okuyukha kukhongo okwakhanyu okwali nende emirwe saba nende echinjika ekhumi, ne khwali nende echisiimbi saba khumirwe kiayo. ⁴ Omukhinga kwayo kwang'uluula esimeka sia khadaru silala esia ching'ining'ini mwikulu ni nichisukunwa asi mu sialo. Okuyukha nikwema imberi owa omukhasi owali ambi khwibula, mbwe ebikha bia yebula kunyale okhumulia omwana waye. ⁵ Yamwibula omwana, omwana owa esisiani owakharuke ebialo biosi khu eyilaukhi ye ichuma. Omwana waye yabukulibwa akulu khu Nasaye nende khu sisaala siaye esio buruki. ⁶ Ne omukhasi yerukhira musichiimi abundu wa Nasaye yali narekekhe khulwa niye mbwe anyole khukholerwa khulwa chinyanga elifu ndala echimia chibiri nende amakhumi kasasaba. ⁷ Bulanu khwali nende Eliiyie mwikulu. Mikaili nende abamalaika baye nibakhuyana nende okuyukha kula: ne okuyukha kukhongo nende abamalika baye nibakhuyana boosi. ⁸ Araali okuyukha khasi kwali nende amaani akayera okhukhira. Khulwako Khasi khwaliwo khandi ndobweyango mwikulu khulwa nikwo nende abamalaika bakwo. ⁹ Okuyukha kukhongo - injukha iria eyekhala eyilangwa esikhieno kose sitani obachanga esialo silamba nasukunwa asi musialo ne bamalaika baye nibasukunwa asi alala naye ¹⁰ Ne nimbulira eidoboosi ikhongo khurula mwikulu: bulanu obuwonia bwichire, amaani nende obwami bwa Nasaye wefwe, nende obunyala bwa Kirisito waye. khulwa okhubeera omusitaki owa abaana befwe yasukunwa asi obasitakanga imberi wa Nasaye wefwe esidere nende esiro. ¹¹ Bamukhira khu mabanga aka omwana we likondi nende khulikhuwa lia obuloli bwabwe, olwa okhuba sibakheera lukali obulamu bwabwe okhula okhufwa . ¹² Khulwako mwekhoye, eng'we likulu nende boosi abekhalanga mukari mwalio. Araali uuwi khusialo nende inyanja khulwo khubeera omukhieni yekhere khu eng'we. Yechule nende lirima liingi khulwa okhuba amanyire mbwe ali nende ebikha bidiidi. ¹³ Ebikha bia okuyukha kwamala kusukunwe asi musialo kwa mulonda omukhasi wali niyebule omwana owesisiani. ¹⁴ Araali omukhasi yaberesibwa amabaya kabiri aka ingosia ikhongo mbwe anyoole khuburukha okhuula abuundu yali narekekherwe khulwa niwo eria muluumira abuundu owayakhanyaliirwa okhulindwa khulwa ebikha, esitundu sia echindaalo abundu owa irakhanyala khula injukha eyo. ¹⁵ Yachukha amachi khurula mumunwa mwayo nga omwalo mbwe akhole imbumbuyeka eya omwoloberesia. ¹⁶ Araali sialo siamukhonya omukhasi siafunula omunwa kwasio nikumira omwalo okwayafuucha injukha okhurula mumunwa kwayo. ¹⁷ Ne okuyukha nikumusinyikhira omukhasi naye narula nende okhukhola eliiyie nende olwibulo lwaye lwoosi - bala abaria amalako ka Nasaye nende okhudiira obuloli khulondana nende Yeso kirisito. ¹⁸ Ne okuyukha nikwema akulu wa omusenye khulukuku lwa inyanja.