¹ Ndaberesibwa elikada eliokhwekhonyera kori nga indaukhi eyokhupimira. Ndaboolerwa mbwe " Rula ochie okeree ikhekalu ya Nasaye nende obwaali, nende balia abenamiramo. ² Arali orakera olwande lweliida elierwanyi weikhekalu, okhubeera liberesibwe khubanasialo:Bachia okhuseena lidookho litakatifu mubikha bia mioosi makhumi Kane nende kibiri. ³ Njia okhuberesia abaloli bange babiri obunyala bwokhulakula ebikha ebiechinyanga ilifu ndala echimia chibiri nende amakhumi kasasaba, nibafwalire echingubo echiamagunia. ⁴ " Abaloli bano nimisaala kibiri ekia misabibu khaandi nebichibi bibiri ebiema imberi womwami wesialo. ⁵ : Omuundu yeesi nachia okhubanyasia, omuliro kurula muminwa kiabwe nikunyasia abasuku babwe. Yeesi odakha khubanyasia bili mbwe yerwe mungira yino. ⁶ Abaloli bano bali nende obunyala bwo khwikala likulu mbwe ifula yirakwa mubikha ebiabalakula. Bali nende obunyali bwokhukalukhania amaachi kabe amabaanga, nende okhukhuya esialo khu buli ingeri yamanyakhano bulibikha bioosi ebiabadakhiramo. ⁷ Ebikha ebia bachia okhuba nibamalire obuloli bwabwe, isolo ilia yirula muliina elibula esiakamo inakhola eliyie khunibo. Achia khubakhira nende khubeera. ⁸ Emibiri kiabwe kichia okhukona khungira yelidokho likhongo eya murokho ilangwa mbwe Sodoma nende Misiri owa Omwami wefwe yabambwa. ⁹ Khulwa chinyaanga chidaru nende situndu abaandi okhurula munjinjibulo echie chimbia, echisungo nende buli sialo bachia okhuliingera emibiri kiabwe kifwire khulwa echinyaanga chidaru nende esitundu,khaandi sibanafukirirwa okhusiikha emibiri kifwire. ¹⁰ Balia abamenya musialo bachia okhusangaala khulwa nibo nende okhulaya, nibaruma ebianwa khulwo khubeera abanabii babiiri abo abasandia abamenya musialo. ¹¹ Arali lunyuma lwe chinyaanga chidaru nende situndu emiuya kio bulamu khurula khu Nasaye kichia khubengiramo nabo bachia okhweema khu makulu kabwe. Ne Oburi bukhoongo buchia khwingira mubalia abababona. ¹² Lunyuma bachia khubulira idoboosi ikhoongo khurula mwikulu niyibabolera iri, " Mwiche eno!" Nabo bachia okhuniina akulu mwikulu mulilesi, ebikha bia basuku babwe babalingera. ¹³ Mubikha ebio khuchia okhuba nende okhurengerekha okhukhoongo okhweliloba, khaandi elala khwekhumi elia lidokho lichia okhukwa. Abaandu echilifu saba bachia okhwiirwa mukhurengerekha, ne balia abachia okhudoong'a abalamu bachia okhuria nibaberesia Nasaye wo mwikulu oluyaali. ¹⁴ Wuuwi eya khabiri ibirire. Lingera! Wuuwi eya khadaru yiicha lwangu. ¹⁵ Olunyuma malaika wasaba yakhuba olwika lwaye, ne chidoboosi chikhoongo chialomaloma mwikulu nichiboola chiri, "Obwami bwomusialo bumalire khuba obwami bwomwami wefwe nende obwa Kirisito waye. Achia okhuruka obumeri nende obumeri. ¹⁶ Olunyuma abakofu amakhumi kabiri nende bane abaali nibekhaale khubisaala ebiobumeri imberi wa Nasaye,bakwa asi khubweni bwabwe ,nibamwinamira Nasaye, ¹⁷ Nibaboola bari, " Khukhubira orio, Omwami Nasaye mukhoongo, oliwo khaandi owabao,khaandi ochia khubaao,okhubeera wabukula obunyala bwao obukhongo noruka. ¹⁸ Ne ebialo biasinyikha,khaandi elirima liao liulire,nende ebikha biabafu,mbwe bakhalakirwe,nawe oberesie omurungo abakholi bao Banabii,nende khubatakatifu,nende khubalia abarichanga elira liao,abadidi nende abakhongo;nende okhubasasia balia abanyasia esialo. ¹⁹ Khaandi ikhekalu ya Nasaye yekulwa mwikulu, ne mukari mwayo lialolekha elisanduku elie lilakano liaye: naye khwaliwo nende echimieesu,nende echidoboosi,nende okhwadulukha,nende okhurengerekha okhwesialo,nende ifula ikhoongo eyamakina.