¹ Ndaberesibwa likada eliokhwekhonyera kori nga indaukhi yokhupimira. Ndabolerwa mbwe " Rula ochie opime ikhekalu ya Nasaye nende obwali, nende bala abenamirangamo. ² Arali orapima olwande lwe liida lierwanyi we ikhekalu, khubeera liberesibwe khu baandu be bialo. Bachia khuseena lidookho litakatifu mubikha bi miosi makhumi Kane nende kibiri. ³ Njia khuberesia baloli bange babiri obunyala bwo khulakula bikha bie chinyanga 1260, nibafwalire amagunia. ⁴ " Abaloli bano ni misaala kibiri ekia misabibu khandi nibichibi bibiri ebiema imberi wo mwami we sialo. ⁵ Omuundu yesi nachia okhukhalakao obunyasia, omuliro kurula muminwa kiabwe nikunyasia abasuku babwe. Yeesi odakha khubanyasia bili mbwe yerwe mungira yino. ⁶ Abaloli bano bali nende obunyala bwo khwikala likulu mbwe ifula yirakwa mubikha ebiabalakula. Bali nende maani kokhukalukhania maachi kabe mabaanga nende okhukhuya esialo khu buli ingeri yelikhubake buli bikha bioosi ebiabadakha. ⁷ Ebikha bia bachia khuba nibamalire buloli bwabwe, isolo yila eyirula mulina libula siakamo anakhola eliyie khubo. Achia khubakhira nende khubeera. ⁸ Emibiri kiabwe kichia khukona khungira yelidokho likhongo eya mukhekerania lilangwa mbwe Sodoma kose Misiri owo mwami wabwe yabambwa. ⁹ Khulwa chinyaanga chidaru nende situndu abandi khurula munjinjibulo chie chimbia, chisungo nende buli sialo bachia khurusia obufukirirwi bwo khurebwa mungani. ¹⁰ Bala abamenya musialo bachia khusangaala khulwa nibo nende khulaya, nibarumanira ebianwa khulwo khubeera abanabii babiiri abo ababasandia abali bamenya musialo. ¹¹ Arali lunyuma lwe chinyaanga chidaru nende situndu emiuya kio bulamu khurula khu Nasaye kichia khubengiramo nabo bachia khwema khu makulu kabwe. Oburi bukhoongo buchia khwingira mubala abababona. ¹² Lunyuma bachia khubulira idoboosi ikhoongo khurula mwikulu niyibabolera yiri, " Mwiche eno!" Nabo bachia khuchia akulu mwikulu mulilesi, ebikha bia basuku babwe babalingera. ¹³ Mubikha ebio khuchia khuba nende khurengerekha khukhoongo khweliloba, khandi lala khwe khumi lia lidokho lichia khukwa. Abaandu chilifu saba bachia khwirwa mukhurengerekha, ne bala abachia khudoonga balamu bachia khurisibwa nibaberesia Nasaye wo mwikulu oluyaali. ¹⁴ Wuuwi eya khabiri ibirire. Lingera! Wuuwi eya khadaru yicha lwangu. ¹⁵ Olunyuma malaika was saba yakhuba olwika lwaye, ne chidoboosi chikhoongo chialomaloma mwikulu nichiboola chiri, "Obwami bwo musialo bumalire khuba obwami bwo mwami wefwe nende obwa Kirisito waye. Achia khuruka bumeri nende bumeri. ¹⁶ Olunyuma abakofu makhumi kabiri nende bane abali nibekhale khubisaala bio bumeri imberi wa Nasaye bakwa asi khuliloba abene, obweni bwabwe nibuguname asi, ne benamira Nasaye. ¹⁷ Babola bari, " Khukhubira orio, Omwami Nasaye, omuruki wa akulu wa bioosi, ewe oliwo nende ewe owaliwo, khulwo khuba wabukula amaani kao makhoongo nende ochaaka khuruka. ¹⁸ Ebialo biasinyikha, arali oburima bwao bwichire. Ebikha biulire khu bafu okhukhalakirwa nawe okhuberesi bakholi bao abanabii ebianwa, abasuubira nende bala abali nende buri bwe liira liao, boosi babiri abarakhoyera siindu nende abamaani. Ne ebikha biao biulire ebiokhunyasia bala ababere nibanyasia sialo." ¹⁹ Olunyuma ikhekalu ya Nasaye mwikulu yekulwa ne elisanduku lie lilakano liaye liabonekhana mukari mwe ikhekalu yaye. Khwali nende chinjeserie chio bulafu, esioka, khwadulukha khwe likulu, khurengerekha khwesialo nende makina keyifula.