¹ . Nasaye mubikha ebikabukhane, mungira chaikabukhane yalomaloma nende abasefwe khubirira mubanabii. ² . Muchaanga chiobumaliriikhi chino alomalome ninafwe khubirira mumwana kwaye, owayalobola okhuba mulaamirwe webiindu bioosi, okhubirira muye yaloonga ebialo. ³ . Oli obulafu bwoluyaali lwaye, nende esifwanani siaye, nadiririre ebiindu bioosi mulikhuwa lia maani kaye, omwene niyali narusisieyo ebionono biefwe , yekhala asi khumukhono musaacha okwobunyali bwaye obwaakulu. ⁴ . Nibimalire okhukholwa okhuba ebilayi lukali okhukhira abamalaika, okhuba okhubirira mubulaamirwe yanyoola eliira lilayi okhira nibo. ⁵ . khulwo okhuba niKhubamalaika sina abayamala yaboolerakho mbwe, "oli Omwana wange, inyaanga ino khwibuule? Ne khandi ndaba khuniye ndaba Samwana, naye Omwana khwesie? ⁶ . Ni khandi narera omwibulwe wamberi musialo, aboola mbwe abamalaika boosi ba Nasaye bamwinamire. ⁷ . Ni khubamalaika aboola ari, ''Okholaanga abamalaika baye Rokho, nabo abakhalabani baye omuliro kwaakha'' ⁸ . Naye khumwana aboola ari, esisaala siao sioburuki, ''Ewe Nasaye, sinabao buli lwoosi''. Eyindausi yobulungikhi niyo indaukhi eyobwami bwao. ⁹ . Ewe wakheera obulungikhi ne wasiula obubi, Khu kario Nasaye wao yakhurakho amafura keisangaalo khukhira abasio. ¹⁰ '' Niewe Omwami, mukhuchaaka ewe warao omuse kwesielo ne elikulu nemirimo kiamikhono kiao. ¹¹ Nachio chichia khunyasikha,nawe khuchirira khandi chichia khukofula kori ngeingubo. ¹² Ochia khuchifumba kori ingubo khandi bakhakalukhanisibwe ngeingubo , arali ewe onadoong'a sa orio , khandi emiaka kiao sikilibwa.'' ¹³ . Ni malaika sina owa Nasaye yaboolerakho ebikha biosi ari , ''Ikhaala khumukhono kwange musaacha okhuula kori njia khura abasuku bao mumakulu kao ? ¹⁴ . Boosi sinimioyo kikhalabananga, ekiarumwa okhukhalabanira abali balaamirwe bobuwonia?