¹ Ne Petero nende Yokhana bachia alala mukhekalu bikha bia khulaama, saa tisa. ² Ne omusacha mulala omulema okhurula mukhwibulwa khwae yakingwangwa, nareerwa khusiribwa esia ikhekalu esilangwa mbwe esilayi, okhusaba ebiaanwa khubalia abengira mukhekalu. ³ Olwa yalola petero nende Yokhana nibali ambi okhwingira mukhekalu, yabasaba esianwa. ⁴ Naye Petero, nende Yokhana nibamulingeera lukali mumoni nibamuboolera bari, rulingere, ⁵ Naye nabarekeresia, nalindirira okhunyolakho sindu okhurula khunibo, ⁶ Ne petero naboola, ifesa nende idakhabu khasindi ninanayo, arali esiandi ninasio nisio esiakhuberesia. Mulira elia Yeso Kirisito owa Nazareti singira okeende. ⁷ Namubuusia khu mukhono omusaacha, namusingisia, abwene awo amakulu kaye nende ebikumba ebie bibonge biaye nibinyola amaani. ⁸ Naye naduma niyeema, nakeenda, niyengira alala ninabo mukhekalu, narumaruma, namufumia Nasaye, ⁹ Ne abaandu boosi bamulola nakeenda nibafumia Nasaye. ¹⁰ Nibamanyirisia mbwe niye owekhaalenge nasaba ebianwa khusiribwa esilayi esieikhekalu; ne nibaukisibwa nende okhukanakana esiali nisiekholekhe khu niye. ¹¹ Ne ngolwa omuundu omulema owali naonere yaba yedirire khu Petero nende Yokhana,abaandu boosi, beerukha okhubalonda mulubuchiro olwalangwa mbwe olwa Sulemani, nibauka muno. ¹² Ne ngolwa Petero yalola, yabakalusia abaandu abo ari, eng'we abaandu ba Israili, mbwe sina mwesindukha khukano? Mbwe sina okhurukhayisiriakho echimoni; korifwana khulwa obunyala bwefwe,kose obutakatifu khukhola omuundu uno akeende? ¹³ Nasaye wa Ibraimu nende Isaka nende Yakobo, Nasaye owa basefwe, amukingulire Omwana waye Yeso; owa mwarusia, nimumwekana imberi wa Pilato, ngolwa yali nafukirire okhumulekhula mbwe abweo. ¹⁴ Arali eng'we nimumwekana omutakatifu khandi omulungifu nimwenya muberesebwe omwiri. ¹⁵ Nimwera Omwami wobulafu, owa Nasaye yalamusia okhurula mubaafu, nafwe khuli abaloli. ¹⁶ Ne eliira liaye khubirira mubusubiri elira liaye likhola omuundu uno okhuba nende amaani, owa mulola khandi, mumumanyire; owa, obusuubiri obuli ninaye bumuberesia obulamu mubwichufu imberi weng'we mwesi ¹⁷ Ne bulano, abakheerwa, manyire mbwe muburamanya mwakhola lino, ngolwa abaruki beng'we bosi bokhola ¹⁸ Arali ebiindu bila, ebia, Nasaye yayala okhurula khale khumunwa kwa banabii baye boosi, mbwe kirisito achia okhusandisibwa, akoseresie ario. ¹⁹ Mwekanire eng'we bulanu, manu mwekalukhanie, mbwe echiimbi chieng'we chirusibweo,mbwe chinyaanga echiokhusangasibwa nichakheche okhurula khukhubao okhwa omwami. ²⁰ Ne anaruma Yeso Kirisito, owamwayalirwa mukhuchaka. ²¹ Owa elikulu likhoyere khwingiisia okhuula ebikha ebia okhukhola ebindu biosi obuyakha, ebia Nasaye yalomaloma okhubirira muminwa kia banabii baye boosi abatakatifu okhurula mukhuchaka khwesialo. ²² Okhubeera Musa obwadieri yaboolera basefwe, Omwami Nasaye weng'we achia okhubakingulira omunabii okhurula mubasiani beng'we, kori esie; owa munabulira mubindu bioosi ebia achia obaboolera eng'we. ²³ Ne bia khabe, mbwe buli omwoyo okurakhabulire omunabii oyo,kuchia okhusasibwa okhurula akari wa baandu. ²⁴ Kario, abanabii boosi okhuchakira khu Samueli nende bala abalondakho ngolwa bangi balomaloma, boosi bayala makhuwa ake chinyanga chino . ²⁵ Eng'we muli abaana aba banabii, nende abelilakano elia Nasaye yakhola nende abasefwe, naboolera Ibriamu ari, okhubirira mu imwo yao echinjibulo chioosi echie sialo sino chiakhaberesebwe echikhabi. ²⁶ Nasaye namalire okhumukingula Omwana wae Yeso, yamala amurume khweg'we imberi ,mbwe abaanire chikhabi khulwa khubakalukhania buli mulala khweng'we okhurula muchiimbi.