¹ Khandi abandu bandi bekha khurula Yudea nibekesia abakherwa, nibabola bari, nikali mbwe khasi okhebwa nga olwa omulukha kwa Musa kuboola, khasi onyala khuwonisibwa. ² Bulanu nga Paulo nende Barinaba bamala okhuingana nende okhurebana nende abandu bano, abakherwa bakhalakao mbwe Paulo nende Barinaba akari wabwe banine bachie Yerusalmu khu barume nende khubakhulindu khulwa lirebo elio. ³ Bo bulanu olwabarumwa khulukendo olwo nende likanisa nibabira akari wesialo siaFoinike nende Samaria, nibalandasia likhuwa elio eliokhununulwa khwa Banasiolo, nibakherisia abakherwa lukali. ⁴ Olwa bola Yerusalemu bengisibwa nende likanisa nende bakofu, nabo nibababoolera amakhuwa koosi aka Nasaye yakhola alala ninabo. ⁵ Arali emikanda kindi kia Bafarisayo kiali kiasubira nikiboola, mbwe "Bidakhikhana bakhebwe, nende khulagirwa khulinda amalako ka Musa. ⁶ Kho abarume nende abakofu beecha alala okhulingera mulikhuwa lino. ⁷ Ne nga bamala khuingana lukali Petero yasingira sirungi namala nababoolera, abaandu nende abakherwa, mumanyire mbwe okhurula chinyanga chia imberi Nasaye yalobola mweng'we mbwe Abanasialo babulire likhuwa lia mumunwa kwange, manu balisubire. ⁸ Ne Nasaye , omanyanga mioyo kia abaandu, yabarusiria obuloli nababeresia mwoyo mutakatifu kori sa olwa yaruberesia efwe. ⁹ Kata khaba khasi yakholakho ingabukhani yosi akari wefwe ninabo, niyosia mioyo kiabwe mubusubiri. ¹⁰ Bulanu khulwa sina mutema Nasaye, khulwa khura elijooki khu makoosi ka abeka, elia basefwe kose efwe khasi khwanyala khukinga?. ¹¹ Arali subira mbwe khubirira mubukosia bwa Omwami Yeso Kirisito khwakhaonisibwe, nga nibo. ¹² Lunyuma emikanda kioosi kiabulera nibabarekeresia Baranaba nende Paulo nibakhola akamangalimwa nende akokhuukisia aka Nasaye yakhola mubanasialo khubirira munibo. ¹³ Ne olwabali nibakhaba nende omulembe, Yakobo yakalusia naboolera abanadu nende abakherwa mumbulire. ¹⁴ Simoni yakhaboola imberi kori Nasaye yakendera Banasialo, mbwe anyole khulobola akari wabwe abaandu khulwa elira liaye. ¹⁵ Ne amakhuwa ka banabii kafukirisania nende ako , kori lwakandikwa . ¹⁶ Lunyuma wa makhuwa kano ndakalukha nange ndombakha khandi inyumba ya Daudi eyakwa as nange ndayemekha sirungi ¹⁷ Mbwe abaandu badonga bamukonye omwami, nende Banasialo boosi, aba lira liange lialangwa khunibo, aboola omwami okholanga kano koosi. ¹⁸ Kamanyikhane khu Nasaye ne mirimo kiaye khurula khuchaka khwe sialo. ¹⁹ Khu ako obukhalaki bwange nimbwe, khurabasandia bala abarula mu Banasialo abamukalukhanira Nasaye. ²⁰ Arali khubandikire, mbwe bekabule nende minasaye kia bifwanani, nende obuyirani, nende khulia ebindu bifwire khukhwemika, nende khulia mabanga. ²¹ Khubera Musa khurula khale mubuli lodookho yali nende abaandu bamuyala buli isabato kasomwanga musinagogi. ²² Bieecha biabakheresia abarume nende abakofu nende likanisa lioosi, okhubalobola baandu okhurula akari wabwe okhubaruma Antiokia alala nende Paulo nende Baranaba, bali Yuda elira lindi mbwe Barisaba nende Silas, abaandu bakhongo akari wa bakherwa. ²³ Ni babandikira chibarwa bari, abarume nende bakofu nende abakherwa babarumire makhesio abakherwa be siyunani mu Antiokia nende Shamu nende Kilikia. ²⁴ Khubera khubulire mbwe abaandu barula mwefwe babanyasisie nende amakhuwa kabwe, nibakosia emioyo kieng'we, ²⁵ nibaboola mbwe, mukhoyere mukhebwe, manu mulinde amalako: abakhwali nikhuraberesie amakhuwa ako khaba. Karulolekhera amalayi, ²⁶ nikhwakhabukanana alala mulichoomo elala okhuruma abaandu balobole khu eng'we nende abakherwa befwe Baranaba nende Paulo. ²⁷ Bulanu khwakharuma Yuda nende Silas abachia okhubaboolera amakhuwa kene ako nende omunwa. ²⁸ Khubera kalolekhe amalayi khu omwoyo mutakatifu nende khu efwe, mbwe khurabarakho omukuku arali kalia akakhoye kongane. ²⁹ Bulanu mulekhane nende inyama eyirusibwe nga esianmw khu minasaye kiebifwanani, nende amabanga, nende bindi ebiemikire, nende obuyirani nimulekhana nende ebio muchia okhola ebilayi mubeo. ³⁰ Ne basebulwa khubwao, beecha Antiokia nibakhamala okhubusia omukanda kwa baandu omukhongo alala bamala nibababeresia ibarwa iria. ³¹ Olwa basoma, basaangala khubera yababeresia omwoyo. ³² Khandi Yuda nende Sila, khubera bali banabii bachia imberi okhubaberesia omwoyo nende amakhuwa amangi, khandi nibanarakho esibalikho ³³ Ne bali nibakhabayo khulwa bikha biyera bafukirirwa nende abakherwa khubwao mumulembe, bakalukha khu bala barume ababaruma. ³⁴ Arali biakheresia sila khumenya ao. ³⁵ Naye Paulo nende Baranaba beecha bamenya Antiokia nibekesia nende khuyaala likhuwa lia omwami nende bandi abangi. ³⁶ Lunyuma lwa chinyanga Paulo yaboolera Baranaba khuche khandi khukendere abakherwa befwe mu buli lidokho lia khwayalamo elikhuwa lia omwami, khandi khulole nga bachiririra. ³⁷ Baranaba naye nakhalakao okhubukula Yokhana khandi owalangwa mbwe Mariko mbwe bachie ninaye. ³⁸ Arali Paulo yalola mbwe khasi nebilayi mbwe bachie ninaye, owabalekha khurula Pamfilia, manu khasi yachia ninabo khumirimo. ³⁹ Manu obuyingani bukhongo bwali akari wabwe, khuula nga balekhana buli mulala nachia khulwaye; Baranaba yabukula Mariko, nibamala nibanina imeli khucha Kipro. Naye Paulo yalobola Sila, nibabwao, nalamirwa nende abakherwa mbwe aberesibwe bukosia bwa Nasaye. Manu nachia khubirira Shamu nende Kilikia niyemekha makanisa.