¹ Musitabo siange esiamberi esiandakhola, ewe Theophilo, ebia Yeso yachaka okhukhola nende okhwekesia, ² okhuula khunyanga eya yabukulwa akulu, namalire okhubirira mu rokho omutakatifu okhuberesania amalako khubarumwa abo abayali namalire okhulobola. ³ Abomwene khandi yelolosia omwene lunyuma olwo khusandisibwa khwaye niyekesia nende ebilolero ebingi nalolekha munibo echinyanga amakhumi kane, nalomaloma khukobwami bwa Nasaye. ⁴ Nabukanane nabo alala, yababoolera mbwe murarula Yerusalemu dawe, khuula sikha sielilakano lia Nasaye ngolwa yaboola, "mwaulira khurula khwesie ⁵ okhubera obwadieri Yokhana yabatisia nende amachi; arali eng'we muchia okhubatisibwa nende rokho mutakatifu imberi wechinyanga chindiidi. ⁶ Ne ngolwa bali nibebusisie alala, nibamureeba, nibaboola bari, omwami onabakalusiria Israili oburuki bulanu? ⁷ Naye nababoolera ari, khaba khasi nibieng'we okhumanya ebikha kose echinyanga chia baaba yara mubunyali bwaye. ⁸ Arali munanyoola amaani, rokho mutakatifu namalire okhubechakho; ne munaba abakholi bange Muyerusalemu nende mubayaudi nende Samaria nende muchimbeka chioosi echiomusialo. ⁹ Ne namalire okhulomaloma makhuwa kano koosi, ne nibasiri nibalingeranga, nabukulwa mumalesi akulu okhurula muchimoni chiabwe. ¹⁰ Ne ngolwa balingera nibomisiriakho echimoni mwikulu ngolwa yaniina akulu, lingera, abandu babiri bema ambi ninabo mubiefwalo ebilafu. ¹¹ Boosi nibaboola eng'we abandu ba Galilaya, mbwesiina mwemere nimuomisie echimoni Cheng'we akulu mwikulu?Yeso mulala uno abukhulwe khurula khweng'we nachia mwikulu, yakhakalukhe khandi ario ngolwa mubwene nachia mwikulu. ¹² Manu nibakalukha Yerusalemu okhurala khulugulu olulangwa mbwe Oliveti oluli ale wolukendo olwa chinyanga chisasaba okhurula Yerusalemu. ¹³ Ne nibamalire okhwingire mukari nibaniina munyumba eya akulu, owa bali alala Petero, nende Yakobo, nende Yohana, nende Anderea, nende Philipo nende Tomasi, Matulumayo, nende Matayo nende, Yakobo omwana wa Alufayo, nende Simoni owa Siloti nende, Yuda omusiani wabwe Yakobo. ¹⁴ Bano boosi bachiririra mubulala, mumasayo nende okhwekanira, nende abakhasi nende Maria ng'ina Yeso, nende abaana babwe. ¹⁵ Muchinyanga echio Petero nasingira akari wa abeka, manu naboola, boosi alala obukhumi bwa meera kabwe bali imia ndala nende amakhumi kabiri. ¹⁶ Abakheerwa bikhoyera amaandiko kano kolerere, aka rokho omutakatifu yalomaloma okhubirira mumurumwa waye Daudi mukhuchaka okhulondana nende Yuda, owabemirira balia abamubukula Yeso. ¹⁷ Okhuba yali alala nafwe, khandi yali nabukule esimeka esiobukhalabani bwaye. ¹⁸ Bulanu omundu uno yakula omukunda nende amatongolo akechiimbi, nakwa narundukha nakabukhanamo akari, amala kaye nikedikha. ¹⁹ Nikamanyikha mubandu boosi abamenya Yerusalemu; ngolwa omukanda okwo kulangwa mululimi lwabwe oluboola mbwe, Aceldanma, "nikhwo okhuboola mbwe omukunda okwa mabanga." ²⁰ Okhubera kandikwa musitabo esia chisabuli mbwe, 'lekha obumenyo bwaye burabao, khandi omundu yesi aramenyamo'; khandi obulame bwaye omundu undi abukule. ²¹ Bulanu khulwa abaandu bano abali nafwe, ebikha ebia omwami Yeso yabechanga nafwe, ²² okhuchakira khububatisi bwa Yokhana okhuula khubikha ebia yabukulirwe khuchia akulu okhurula khwefwe, okhuula mulala abakhwe amafura abe mulala khulwa obuloli obwokhulamukha khwaye. ²³ Manu nibalobola babiri, Yosefu owalangwa Barisaba, owa elira liaye likhulundu lialangwa Yusito, nende Matiasi. ²⁴ Nibasaba, nibaboola, ewe omwami; omanyire emioyo ekia abaandu boosi, yekesia nikali mbwe bano babiri balobolwe? ²⁵ mbwe babukule esimeka esiomulango nende oburume, obwa Yuda anyale okhuchia mubweyango bwaye. ²⁶ Nibakhuba ikura; ikura nimukwira Matiasi, nabalwa alala nende abarumwa ekhumi na mulala.