¹ Muloombe liyaansana lya va mwaavo mwisuuvira lyitsyanyinye khumenya haakari heenyu. ² Mukhiviriri khuva vu khwinjiritsa vaandu vali vacheni mu tsingo tsyeenyu. Khwaliho na vaandu valala vakholaanga ndyo, na mulinjiltsa lyaavo lya vacheni vanyoola ni vinjilitse tsingerosi vuchira khumanya. ³ Mwitsukhitse yavo va vohwa mucheera, khuli mwavohwa halala navo mushivoho shyavo mu muviri mulala mulinyakhana lyaavo. ⁴ Khutuukha lyihirana lyu muundu mukhali nu muundu musaata liheerwe luyali na vaandu voosi; khaandi vaandu vahirana vave vu khusuuvirana veene khu veene , shichira Nyasaaye aliitsa khukhalachira vaandu vakholaanga miima mitaamaanu chyi shyifwavu khaandi vakholaanga vuheyi. ⁵ Mukhava vu khuyansirira tsisenti likali mulimenya lyeenyu mba; muve vu khusuuvirira mu shya muli nashyo.Nyasaaye yavoola, "Shyinyala khumulekha munye anoho khumwivala taawe." ⁶ Khali ndyo khunyala khuva ni lisuuviriltsa nu kuvoola, "Mwaami Nyasaaye naye mukhonyi waanje, shyinyala khurhia mba.Ni shiina shyu muundu anyala khukhola?" ⁷ Mwitsukhitse yavo vamwimiriraanga, yavo vamwirwaatsira likhuuva lya Nyasaaye, nu khuheense limala lyi licheenda lyaavo nu khweeka khu lisuuvira lyaavo. ⁸ Yeesu Kristo naye mulala mwere, wa mokolova, nuunundi, khaandi mihika ni mihika. ⁹ Mu khakoyanyinywi na vuli meechitso macheni nu ku khu koritswa. khaandi ka mwakhamanya taawe.Nu vulahi nu khunyooli tsingulu mu myooyo khurhula khu tsimbavasi tsya Nyasaaye, shyi tsinyala khuva tsirhula khu shyukhulya , shyivula vukhonyi khu vaandu vakalondaanga ¹⁰ Vasaaliisi vakholerhaanga mihiinsi havundu ha Vayahuuti vasaalilaanga, vavula vunyali vu khulya shiindu shyoosi shyu mulukha khu vwaali vweerhu. ¹¹ Mukali wa vasaaliisi voosi wa vayahuuti alerhaanga masahi kyi mirhuku Havuundu Hatakatiifu Heene, khukholera mulukha kwu khurhulitsaho vwooni navutswa miviri chyu mulukha chyisaambirwa irwaanyi ihale weene khurhula mu maheema ka vaandu vamenyamu. ¹² Khu lwa yako Yeesu khaandi yakhutsira ihale weene irwaanyi wi litaala likali khunihitsa vaandu khuvirhila mu masahi keeke mweene. ¹³ Lekhi khutsi khuye irwaanyi ihale weene khurhula mu maheema ka vaandu vamenyamu, khaandi khusaange naye tsisoni tsya yavirhilamu. ¹⁴ Litaala likali lya khunyala khumenyamu matukhu koosi, livulakhuho khulirova khunu; navutswa khuli ni lyeenya lyi litaala likali, khulindiriraa yero lyitsaanga. ¹⁵ Lekhi khutsyaanyinye khumwitsoominya Nyasaaye vuli khase khoosi, khuli mulukha kwi shihaanwa shyeerhu shyivirhira mu Yeesu --ni shili shihaanwa sha makhuuva kyi lituunda lyi minwa cheerhu kachilaanga khwiyama naye Mwaami. ¹⁶ Muvule khwivirhira khukhola malahi nu khukhonyana vya muli navyo veene khu veene, shichira milukha khuli chyeene yecho nachyo chyiyaansitsa Nyasaaye. ¹⁷ Muloonde malako ka vimiriri veenyu, khaandi mukhole kavenyaanga mukhole.Valindaanga myooyo chyeenyu, vuchira khuhuluukha, shichira navo valiitsa khuvoolera Nyasaaye khuli vakholaanga mihiinsi chyaavo.Niiva mulaloonda malako kaavo, valiitsa khukhola mihiinsi chyaavo nivasaangalaanga, navutswa vuchila khuvelelitswa; kahichira vavule khuva nu vukhoonyi khu munye. ¹⁸ Mutsyanyinye khu khusaalirakhu, khwamanya ndi tsinganakani tsyeerhu tsyu mukari ni tsindahi, shichira khwikoombaanga khu matukhu koosi khukhola kali malahi. ¹⁹ Muvooleraanga nu muyaansa mu saalirekhu nu mwooyo mulala, nikanyalikha Nyasaaye na yaansa angalukhitse khu munye vwaangu yuvu. ²⁰ Nyasaaye uchilaanga mireembe ni chyivaho, wisimukukhitsa khurhula mu vakhutsu Mwaami weerhu Yeesu Kristo, Mwayi Mukali wa makoondi, khuvirhila mu masahi ka hambanyinyaanga lilakano li mihika ni mihika, ²¹ amuhe vuli shiindu shyoosi shilahi, khu mukhole lyeenye lyeelye; khaandi akhole mu khutse ka muyaansintsaanga mweene khuvirhila mu Yeesu Kristo; utukhira khuheerwa vukhumi mihika ni mihika! Amina ²² Navutswa mutsuvaa vamweerhu, mwikhutsire mwikhuuva lyu khutsuvwa:shichra muhaandiikire mukhuuva matiitiiti, ²³ Mu manye uyu amweerhu weerhu Timoteo umali khuvohololwa; na alava na tuukha vwaangu, ndalolalana na munye halala naye. ²⁴ Mu vasheritse vimiriri veenyu voosi khaandi vaandu voosi vatakatiifu va Nyasaaye.Yavo vali Italia vamusheritse. ²⁵ Tsimbavasi tsive na munye voosi. Amina ( Kave ndyo).