¹ Mu matukhu kavirha Nyasaaye ya lomoloma mu vunyiikhi khu va kuuka veerhu khuvirhila mu vaporofeti; ² navutswa mu matukhu kwu khumalilikha kanu , alomolome khu khutse khuvirhila mu Mwaaana weewe, wa yarhoovola khunyoola vuli shindu shyoosi mu matukhu khwu khumalilikha.Khuvirhila muye, Nyasaaye yaloomba likulu ni liirova . ³ Mwaana yang'ang'a vulavu vwu vukhumi vwa Nyassaye; khaandi naye lyikoondo lya tooto lyi lyiiva lya Nyasaaye, uliindaanga likulu ni lirova khuvirhila mu tsingulu tsi likhuuva lyeelye.Ni yakhahaana injira yu khasamiiha vaandu voosi khurhula mu vwooni vwaavo, yayikhala mwikulu khu mukhono muluunji kwu Mwaami Nyasaaye.' ⁴ Mwaana yaloombwa khuva nu vunyali vunyiikhi khuvirha tsingerosi, khuli lyiira lya Nyasaaye yamuha lyilyi ni tsingulu tsinyiikhi, khuvirha miira kaavo. ⁵ Ni ingerosi shiina ya Nyasaaye yavoolera khu,"Yiwe uli Mwaana waanje; khu rhula nuunundi ninse Paapa woowo.'Anoho Nyasaaye yavoolera khu khaandi ingerosi yoosi,"Ndava Paapa weewe Naye aliitsa khuva Mwaana waanje?" ⁶ Navutswa lwa Nyasaaye ya rhuma Mwaana weewe mukhuluundu mu shivala, ya voola, "Nuvulahi tsingerosi tsya Nyasaaye tsyoosi khu saala khuye." ⁷ Navutswa khuloondekhana khu tsingerosi yavoola, "Nyasaaye akholaanga tsingerosi tsyeetsye khuva khuli vushiind khaandi varhumikhi veeve khuva khuli tsiimemo tsyu muliro." ⁸ Navutswa khuloondekhana khu Mwaana, yavoola"Yiwe Nyasaaye, shisako shyu vwaamiihi vwo shyiliho mihika ni mihika Wamiihaanga vaandu voovo khuloonde- khana khu vwakyirikali. ⁹ Wayaansa lyikhola lyu vuluunji khaana wayambakhana viindu vitaamaanu.Nako kachiraanga Nyasaaye , uli Nyasaaye woowo khuvekhaa makurha khaandi khu khola khuva nu vuyaansi vunyiikhi khuvirha valina voovo voosi." ¹⁰ Yavoola khaandi, "Mwaami Nyasaaye, niiva waloonga musiinji kwi liirova khurhula mulirhaanga, khaandi nuloomba likulu khu makhono kooko. ¹¹ Viliitsa khukorha, navutswa yiwe ulatsiririra khuvaaho; vyoosi viliitsa khusakhula khuli tsinguvu. ¹² Uliitsa khuviliinga liinga khuli ikaansa, khaandi vilikalukhana khuva khuli tsinguvu. Navutswa yiwe ulatsiririla khuva mulala mweere, khaandi vulamu vwoovwo vuliitsa khu tsiririra khu vaaho mihika ni mihika." ¹³ Navutswa Nyasaaye yali na shiri khuvoolerakhu ingerosi yoosi khu tsingerosi tsyeetsye: "Yiwe yikhala khuluveka lwu mukhono musaatsa kwaanje, khutuukha lwa khukuurhila vatsuku voovo, nu khuvavikha haasi hi vileenje vyoovyo.?" ¹⁴ Tsingerosi ni shiina ? Ni mirooho chyirhumikhirhaanga Nyasaaye, khaandi atsirhumaanga khutsya khukhoonya vaandu, vali ni lyeenya lyu khuhonyinywa.