¹ matukhu mati nikakhavira yesu yambukha natsia khuluveka lundi lwinyanza ya Galilaya, yalangwa inyanza ya Tiberia. ² shituma shikali shia vandu vamulonda, shichila vali valoli vilolishitsu vievie, kuli yali nahonyinyi vandu valwala. ³ yesu yatikulukha khu shikulu niyikhala hasi nende vechi veve. ⁴ Litukhu liu mulukha kwa pasaka ya vayahudi liali nilili himbi khutukha. ⁵ Lwa Yesu yahenza nalola shituma shia vandu vanyishi nivitsanga havundu ha yali nali yareva Filipu, khunyala khukula hena mikati chia vandu yava vosi vanyala khulia.? ⁶ khandi yavola likhuva lienelo khuluchelitsa Filipu, shichila mwene yali umanyi shindu shiatsanga khukhola. ⁷ Filipu yamuchipa,"tsidinari tsimia tsivili, shitsinyala khukula mikati chia vandu yava vasuchila tawe. ⁸ Mulala khu vechi veve walangwangwa Andereya, nali amwavo Simoni Petro yavola ⁹ mwana wishiyayi ali hanu ni mikati chiranu chialombwa khu ishahiri nende tsisutsi tsvili, navutswashichinyala khutukha vandu vanyishi tawe. ¹⁰ Yesu yavola , voleli vandu vikhale hasi, havundu henaho hali hamela vunyasi vunyishi . vandu vasatsa venavo vikhalaho vosi tsihelefu tsiranu. ¹¹ Yesu yavukula mukati, nasanditsa nyasaye khandi nakavila vandu vali nivikhaleho khandi yakhola malala mele khutsisutsi, ma vandu nivakavulilwa mu vunyishi khuli venyanga. ¹² lwa vali nivakhalia nivakhikura yavolela vechi veve, vunjelitsi matonye ki shiukhulia karikale, khu khuvuli khwononyinyakhu shindu shiosi." ¹³ Vavunjelitsa matonye ki mikati chiali nichirikale chialombwa khu ishayiri, nichitsula mihinda likhomi na chivili, vandu nivakhamala khulia. ¹⁴ Lwa vandu valola shiloleshitsu shia yesu yali nakholi, vavola, nikilikali, uyu naye muprofeti wenyekhanga ave niyitsanga mushivala. ¹⁵ Lwa yesu yamanya vandu venavo venyanga khwitsa khumuvukula nitsingulu khumwamihitsa yilukha natsia mu shikulu wanyala khuva wonyene. ¹⁶ Lwa khulukolovo khwatukha vechi va yesu vakholomokha nivitukha khu inyanza. ¹⁷ Vinjila muliaro, nivambukha inyanza khukalukha mulitala lia kaperenamu vutukhu vwatukha, navutswa yesu yali nashili khukalukha khuvo. ¹⁸ Matsi karanga khuhilikana lwa imbutsa inditoho yaranga khuhutsa. ¹⁹ Lwa vali nivakhakhisundakhu tsikilomita tsiranu khandi ishirini noho salasini, valolaa yesu nachendanga khu matsi, khandi nali himbi khutukha khuliaro vatechela. ²⁰ Navutswa yavavolela, ninzi, muvuli khuria. ²¹ Khu lienya liavo va mwinjilitsa muliaro navutswa liaro liatukha vwangu khuluchinga havundu havali nivatsitsanga. ²² Litukhu lialondakhu, vandu vali nivarikalekhuluveka lundi lwi inyanza vamanya ni liaro lilala lionyene liali nilirikale khandi vamanya yesu shiyali nanini mu liaro halala na vechi veve tawe navutswa vechi veve vali nivaruliyo vonyene. ²³ Maro khandi kali nikaruli tiberila kitsa, nikasinjila himbi havundu ha shituma shiali vandu vali nivalilenje mukati ku mwami yesu yali nasanditsi ²⁴ Lwa vandu valola, yesu nende vechi veve vavulaho, vinjila mu maro kenako nivatsia khukhava yesu mu litala lia kaperenamu. ²⁵ Lwa vanyola yesu nali khuluveka lwi inyanza,vamureva mwechitsi, isaa shina ya watukha hanu? ²⁶ Yesu yavachipa, muvolelanga, mukhavanga inzi navutswa shikanyala khuva shichila mwalola viloleshitsu tawe, navutswa shichila mwalia mikati numwikura. ²⁷ Mukhakholi mihinzi khulu khunyolashiukhulia shionekhanga tawe, navutswa mukhole mihinzi, khulu khunyola shiukhulia shihananga vulamu vwi mihika ni mihika yishi nashio shiukhulia shiu mwana wu mundu amuha munyi, shichila nyasaye, uli tata wamala khukamilisha. ²⁸ Nalwo lwa vandu venavo vareva yesu, shina shia khunyala khukhola, khu khutsililili khukhola mihinzi chia nyasaye. ²⁹ Yesu ya vachipa, muhinzi kwa nyasaye yenyanga mukhole, ni khusuvila mu woyo wa yaruma. ³⁰ Navo vamureva, nishiloleshitsu shina shiunyala khukhola, khu khushilole khandi khusuvili muyivi ni muhinzi shina kukhola. ³¹ Vakuka veru valia manna mu shiangalangwi, khuli mahandiko matakatifu kavolanga, yavaha mukati kwa valia khurula mwikulu. ³² Yesu yavavolela, muvolelanga kilikali shiali musa wamuha mukati khurula mwikulu tawe, navutswa tata wanje naye amuhetsanga mukati kwa toto khurula mwikulu. ³³ Mukati kwa nyasaye ni woyo warula mwikulu khandi ahananga vulamu khu vandu mu shivala. ³⁴ Navo vamuvolela, mwami umenye nu khuhetsanga shia khase khosi mukati kwenoko. ³⁵ Yesu yavavolela ninzi mukati kuhananga vulamu , mundu witsa khwinzi shianyala khuhulila inzala tawe, khandi mundu wasuvila mwinzi shianyala khuhulila vuluhu tawe. ³⁶ Navutswa namuvolela mumali khulola inzi, nikhali shimunyala khusuvla tawe. ³⁷ Mundu wosi wa tata wanje yamba alitsa khwitsa khwinzi, khandi mundu ulitsa khwinzi, shinyala khumukhunga tawe. ³⁸ Shinarula mwikulu khwitsa mushivala khukhola lienya lianje mwene tawe, navutswa lienya lia woyo wanduma khole. ³⁹ lienya lia nyasaye wanduma lili mbuli khukoritsakhu khali mulala khu yavo vosi vayamba, navutswa visimushitsi vosi khurula mu likhutsa khulitukhu liu khumalilikkha. ⁴⁰ Lienya lia woyo wanduma, livolanga woyo wosi ulolanga mwana khandi asuvila muye alitsa khunola vulamu vwi mihika lwa nilimwisimushitsa khurula mu likhutsa litukhu liukhumalilikha. ⁴¹ Nalwo lwa vayahudi varanga khung'ung'una shichila lwa navoli,"ninzi mukati kwarula mwikulu." ⁴² khandi varevana vene, uyu shiali yesu mwana wa Yusufu, mundu wakhwamanya tata wewe nende mama wewe" khuvarevanga munjila shina vitsa khurula mwikulu?" ⁴³ Yesu yavachipa leshi khung'u ng'una vene. ⁴⁴ mundu avulakhuho unyala khwitsa khwinzi tata wanduma nakhamuleri khwinzi, khandi ninzi ulitsa khumwisimushitsa khurula mulikhutsa litukhu liukhumalilikha. ⁴⁵ kahandikwa mu vaprofeti 'shia mulala alitsa khwechitswa na nyasaye, shia mundu wosi uhulilanga likhuva lia tata, khandi yeka khurula khuye naye witsanga khwinzi. ⁴⁶ munu avulakhuho walola tata, nikhali woyo warula khu nyasaye naye wonyene walola tata. ⁴⁷ muvolelanga mundu usuvilanga naye uli nu vulamu vwi mihika ni mihika. ⁴⁸ Ninzi mukati kuhananga vulamu. ⁴⁹ vakuka venyu valia maana mushiangalangwi khali ndio vakhutsa. ⁵⁰ Navutswa yuku nakwo mukati kwarula mwikulu kwa mundu anyala khulia avuli khukhutsa. ⁵¹ Ninzi mukati kuli mwoyo kwarula mwikulu , niva mundu alitsa khulia mukati yuku, alatsilila khuva mwoyo mihika ni mihika, mukati kwambananga shichila vulamu vwa va ndu mushivala ni mbili kwanje." ⁵² khulwa yako vayahudi varanga khuhangalitsana vene khu vene nivavola" mundu uyu yakhakhuha munjila shina mbili kwekwe khuli?" ⁵³ Yesu yavavolela , muvolelanga kilikali numukhalia mmbili ku mwana wu khandi mung'wi masayi keke, shimuli nu vulamu mu munyi tawe. ⁵⁴ Woyo wosi uliakhu mmbili kwanje khandi ang'wi masayi kanje ali nu vulamu vwi mihika ni mihika, khandi nitsa khumwisimushitsa khurula mulikhutsa khulitukhu liukhumalilikha. ⁵⁵ Mmbili kwanje ni inyama yatoto khandi masayi kanje nikukhung'wa katoto. ⁵⁶ Woyo wosi uliakhu mmbili kwanje khandi ang'wi masayi kanje alatsilila khuva mwinzi ninzi mwene muye. ⁵⁷ Khuli tata ali mwoyo wanduma khandi ndi mwoyo shichila tata khu mundu ulia khu inzi alatsililila khuva mwoyo shichila inzi. ⁵⁸ Yuku nakwo mukati kurula mwikulu, shikuli khuli mukati kwa vakuka venyu valia nivakhutsa tawe, navutswa mundu ulitsa khuliakhu mukati yuku alatsililila khuva mwoyo mihika ni mihika. ⁵⁹ Yesu yavola likhuva lienelo niyechitsanga mulisinagogi mu litala lia kaperenamu. ⁶⁰ Vanyishi khu vechi va Yesu lwa vahulila navolanga ndio vavola," liechitso yili ni litinyu muno nivina unyala khulihuchilila. ⁶¹ Navutswa Yesu yamanya mu mwoyo kwekwe vechi vilililanga khulondokhana khu likhuva lienelo yavareva, "kamboli kanyala khuva kamunyashitsanga mu mioyo.? ⁶² Nikave karina lwa mulola mwana wu mundu nakalukhanga mwikulu mwa yamenyanga? ⁶³ Roho naye uhananga vulamu, tsingulu tsiu mmbili tsivula vukhonyi vwosi. makhuva kamuvolele nako kachilanga numunyola Roho nende vulamu. ⁶⁴ Navutswa vandu valal vali mu munyivakhasuvilanga tawe,Yesu yali wamanya khurula muliranga mundu ulitsa khuvula khusuvila khandi ulitsa khumutsama. ⁶⁵ Yesu yatsilillila khuvavolela yishi nashio shivune shichila nimuvolela mundu avulakhuho unyala khwitsa khwinzi niyakharumwa na tata. ⁶⁶ khuranjila lwenolo, valala khu vechi va Yesu vakalukha inyuma nivambana khuchenda. ⁶⁷ Yesu yareva vechi vene, khali munyi mwenyanga khunzivala. ⁶⁸ Ssimon petro yamchipa, mwami nivina wa khutsiakhu? nivi uli na makhuva kahananga vulamu vwi mihika ni mihka. ⁶⁹ Lekha khusuvili khandi khwakhamanya nunundi nivi mutakatifu warula khu nyasaye. ⁷⁰ Nalwo lwa Yesu yavareva, shinamurovola likhomi na vavili. navutswa mulala khu munyi wakwa ibilisi. ⁷¹ Yesu yalomoloma makhuva khulondokhana khu Yuda isikarioti mwana wa Simoni. khali niva Yuda yali mulala khu vechi likhomi na vavili, naye wali natsitsanga khutsama Yesu.