¹ matukhu karanu nikakhavira, Anania mkali wa vasalisi yakholomokha natsia na vasakhulu valala nende wasomela malako teritula valolekha imbeli wa gavana, nivayala Paulo. ² yalangwamu, materitula naranga khumuyala navola, lola liamiha liolio liu vusitsa lia khulera milembe khumatukhu manyishi, khandi likalukhana lilahi linyishi likholekhanga khukhonya shivala shieru. ³ khwinjilitsa kenako shia havundu hosi khandi khukhusanditsanga khase khosi. ⁴ navutswa shimbukula vwiyangu vunyishi tawe, khusayanga nuyanza uve nu mwoyo mulahi khandi uhulishitsi murwimbi ka khuvolanga. ⁵ khumali khunyola ndi munduyu nu mutamanu khuvira shichelo nu mundu uranjitsanga shileche muvayahudi shia havundu hosi mu shivala khandi neye mwimilili wa mkanda kwa vanazare. ⁶ khandi yachelitsa khwononyinya litembeli, nu khumukumila. khwaviritsa khumukhalachila khulondokhana khu malako keru vene. ⁷ navutswa mwimilili wa vasikali lusina yatukhaho na mbukula nitsingulu tsii shiliru nukhumurulitsa mumikhono cheru. ⁸ khulwa yako. Yohana lilako vandu vamuyalanga vatushi imbeli wowo niva unyala khurunishitsa mundu uyu ulanyola katoto khulondokhana khu vindu vichilanga nu khumunyala. ⁹ wayahudi viyunga mu makhuva kachila nayalwa, nivavola kosi ni katoto. ¹⁰ khulwa yako, gavana yaha Paulo vwiyangu alomolome, ma navola manyi vulahi ndi khumihika minyishi khandi ndi nuvuyanzi khuvola makhuva kanje ku khwishinga imbeli wowo. ¹¹ niva unyala khurunishitsa mwene, ulanyolandikhuli matukhu likhomi na kavili kashili khuvirakhu khurula ninzala khusala mu yerusalemi. ¹² vandu yava shivanyola nimbangalitsa na mulilomoloma nu mundu wosi mu litempeli noho nimbwananga mulilu mu shituma shia vandu mubasinagogi, noho havundi handi hosi mu litala likali tawe. ¹³ shivanyala khwivalakhu vulahi vwene shivune shichilanga nivanzala nunundi tawe. ¹⁴ navutswa mbuchilili imbeli wowo sala khu nyasaye wa vakuka veru, lwa injila yu mwami yamanyikha, ya vavola nu vulehi suvira khandi mushia shindu shiosi shihandikwa mlilako khandi vu vitabu via vaprojeti. ¹⁵ ndi ni lisuvila lilala mu nyasaye, khuli venavo vali nalio vene, khalitsa khuva nilisimukha khurula mulikhutsa khurosi valahi na vatamanu. ¹⁶ ninzi njelitsanga khase khosi mu tsimgakani tsianje tsiu makari khukhola vulahi imbeli wa nyasaye nende vandu ¹⁷ khulwa miaka minyishi natsiyo khuhilila vandu vamanani vishivala shianje isadaka nende vihanwa. ¹⁸ lwa nali nikholanga kenako mu litembeli nindi mutakase, shinanyolwa mushituma nikholalanga shileche tawe, nikhali khwali nende vayahudi varula mulusomo lwa Asia. ¹⁹ navo venyekha vave nivalolekha imbeli wowo vanzale, niva vanyala khuvola sshindu shitamanu, shia valola nikholanga. ²⁰ noho leshi vandu vali hanu yava vene vavole vutamanu vwa valola nikholanga, lwa nasinjila imbeli wi shikhalo. ²¹ nikakhali shindu shilala shia nalanjililila, lwa nalila nasinjila imbeli wavo nimbola, shichila lisimukha lia vakhutsu nashio shichilanga nikhalachilwa imbeli wenyu. ²² Navutswa Felikisi, yali nu vucheli vunyishi khulondokhana khu injila yu mwami yamanyinya, yasinjilitsa shiyalo navola, lwa mwimilili wa vasikali Lusia atukha, nakanakana khu vindu vichilanga nivakhuyala. ²³ Yahana lilako khu mwimilili wa vasikali,Paulo alindwi, navutswa amuvohololekhu hatiti, khandi ahuchilili valina veve vamuhe shia yenyanga. ²⁴ Matukhu mati nikakhavira gavana Felikisi yatukhaho nu mukhali wewe Durusila wali nali muyahudi, yarumana Paulu alerwi imbeli wavo manamuhulishitsi khuli yalomolomanga khulondokhana khu lisuvila mu yesu kristo ²⁵ Lwa Paulu yatsilila khwivala makhuva khu likhola liu vulunji, khwilinda munjila inddayi, khandi khandi litukhu liu khukhalavhilwa Felikisi yaria navola"luvwele nuyanza rula hanu nakhulanga ninyoli vwiyangu. ²⁶ Yali nilisuvila isaa yeneyo Paulu alamuha asoya yali wamenya namulanga shia khase khosi, alomolome naye ²⁷ lwa miaka chivili chiali nichiakhavira, paroko Felisto yakholwa gavana havukono ha Felikisi. Felikisi yalekha Paulu muchelashichila yenyanga khuyanzinztsa vayahudi.