¹ Kingo laany Boaz kwo ormarijetab nganaset ak kotebi ng'weny eng' yoto. Ko kinyo chichoto bo oret ne legit noto kiwae Boaz. Ak kileji, "nyo yu ornyo." Kiwo anyun chichoto ak kotebi ng'weny. ² Ki guur Boaz boisiek taman che bo nganaset ak koleji, "Obuur eng' yu." Kobuur anyun icheket. ³ Kileji anyun Boaz chitab oret ne legit, "Aldoi Naomi ne kikowechge eng' eetab Moab koret ne ki bo tupchenyo Elimelek. ⁴ Koabwat amwaun ale al koronoto eng' taitab bichu ibuuri eng' yu ak eg' taitab boisiekab bikyu.' Ngot imach ityaach, imwoiywo sa nai. Ago ngot komemuchi, imwoiywo sa nai, amu mami age ne ityaachi kobatenenen, ak aarubin." Ak kiwol kole, "Atyiachi." ⁵ Ki testai kole Boaz, "Eng' betut ne iale koronoto Naomi, ko iale Ruth cheoabaindet agine, osotiotab ne ki kome,, si kobiit ilolji maat ne ki kome eng' bortenyi." ⁶ Kile chichoto bo oret ne legit, "Mamuchi atiokchige, ngayai ko u noto amuchi ang'em boratenyu. Ip imandab katyaget ne kata atiachi kobunjin, amu mamuchi atyaach." ⁷ Ki u ni piteet ne ki mi Israel agobo katiaget ak agobo waleet.Si ke kimit kayanjinet, ko ki cheru chito kweiyondenyi ak kogoochi chitaab kokwenyi. Ki piteetab baornatet eng' Israel noto. ⁸ Koleji anyun Boaz chichoto bo oret ne legit, "Aljigei," ak kicher kweiyondenyi. ⁹ Kileji Boaz boisiek ak biko tugul "Oi baorinik ra ole kaal eng' eutab Naomi tuguuk tugul che ki bo elimelek, ak tuguuk tugul che ki bo Malon ¹⁰ Kogeny, ko kaal Ruth chemoabindet ne ki osotyotab Malon, koek osotyonyu, si kobiit alaalji maat eng' porotenyi inendet ne kime, si ma bet kainenyi eng' tupchosiekyi ak eng' kurgeetab oldanyi. Oi baorinik rani." ¹¹ Kile anyun biko tugul che ki mi ormarichet koboto boisiek, "Ki baorinik. Ngoyai Kamuktaindet ne Toror kwondo ne kanyo kong'uung' koigei Rael ak Leah, choto aeng' che ki teech gootab Israel. Iegu ne nyolu eng' Ephrata ak iegu ne taagunot eng' Bethlehem. ¹² Ak eng' keswuek che tun koonin Kamuktaindet ne Toror eng' kwonyi, ko ngogergeit kong'uung' ak gootab Peres ne ki sikyi Tamar Juda." ¹³ Kimut anyun Boaz Ruth, ak kiek osotiondenyi. Kituiyoge ak inendet ak kogochi Kamuktaindet ne Toror komanach, ak kosich werit. ¹⁴ Kileji kwonyik Naomi, "Iberurot Kamuktaindet ne Toror. ne ma bokokten eng' betuni ametinye chitab oret ne legit kwalin. Ngotok kainenyi eng' Israel! ¹⁵ Egu inendet ne wegun sobondo ak koek ne riibin eng' osindag'ung', amu osotiotab wering'ung', ne chamin, ne kaigai eng' inye kosiir weriik tisab, ko kasich lekwet." ¹⁶ Ki nam Naomi lekwet, ak kotiny eng' tegeenyi, ak kiek inendet cheplakwet. ¹⁷ Ki toochi kainet kwonyigab kokwet, kole, "Kogesikyi Naomi werit." Ki guure kainenyi Obed. Inendet kwandab Jesse, kwandab Daudi. ¹⁸ Chu anyun ko ortinwegab Peres: Ki sich Peres Hesron, ¹⁹ kosich Hesron Ram ak kosich Ram Aminadab, ²⁰ KIsich Aminadab Nason, kosich Nason Salmon, ²¹ ki sich Salmon Boaz, kosich Boaz Obed, ²² kisich Obed Jesse, ak kosich Jesse Daudi.