¹ Ak eng' betut ne bo tai ne bo wikit ko karon emet, kobka kererit koibu nyamdutik che kiga kochob. ² Ak kinyor ko kagemilda koita eng' kererit. ³ Ak kichut kererit orit ak manyor bortab kiptaiyat Jeiso. ⁴ Ak kingab komi kotobtobensot agobo noto ogeero kitononsot eng' ye legit icheget murenik aeng'u che tinye ngoroik che lile bich. ⁵ Ak kingo to kocholsot chepyosok kong'urukcho kotorjini togochikwai ng'weny, koleji icheget, "amu nee so cheng'e che sabsot eng' oritab che kikobek? ⁶ Ma komi yu, kakong'eet, onan kito ne kimwawok yo kita komi Galili, ⁷ kole kanyol kendeno eunekab bikab tengekto, weritab chi ak kigartat , ak kong'eet eng' betutab somok." ⁸ Ak kinaan anyun ng'alekchi ⁹ ak kiwechge kobunu kererit ak komwaji tuguchu tugul icheget taman ak agenge ak biko alak tugul. ¹⁰ Ki Maria magdalena ak Joan, ak Maria kametab Jacobo, ak chepyosok alak che kobotoge, che kimwachi che kiyoktoi tuguchuto. ¹¹ Ak kiu ng'alekwai tangoi eng che kiyoktoi, ago ma iyan icheget chepyosok. ¹² ak king'eet petero ak kolabat ole mi kererit, koit ak kole geero mi ngoroik che nyikisen ichegei, ak kiwo kokwong'oti agobo tuguk che kago yaagis. ¹³ Ak geero, kiba biko aengu eng' icheget kokwet ne kigure Emmau, ne kima ko loo mising' ki mailisiek somok kong'etee Jerusalem. ¹⁴ Ak kingololjige tugul agobo ng'alechuto tugul kiyaagis ¹⁵ Ak kingo ta kong'alaljinatege ak kotebege, korikchi Jeiso icheget ak koba tugul. ¹⁶ Ago kigerogis konyekwai si manai inendet. ¹⁷ Ak kileji Jeiso icheget, "nee ng'alechu omwachinotige akwegee obendi?" ki tononio anyun eng' yoto konereksot. ¹⁸ Ak kiwolji age eng' icheget ne keguure Kleoa, koleji, "tos ii inye too eng' Jerusalem si menai tuguk che koyaagis oloto eng' betusiechu?" ¹⁹ Ak kileji icheget, "nee tuguchuto?" Ak kileji tuguk che kiyaak agobo Jeiso ne bo Nasaret ne ki maotiot ne ki ki eng boisiet ak ng'olyo eng' taitab Jehovah ak eng' biko tugul, ²⁰ ak kou ole kingoito tisiik che eechen ak bounikcho kiruokchi kiruoget ne bo meet ak kigartat. ²¹ Ago kigitinye kayanet kele inendet ne itiachi Israel. Wei ak koboto choto tugul ko betutab somok rani kong'ete kobata ngalechuto. ²² Ak kagonech chepyosok alak che kigimi tugul kekwong' ole ki mustaita kererit. ²³ Ak kinga mato konyor bortanyi , kobwa kole kamongji icheget, malaikaisiek che kamwa kole inendet. ²⁴ Ak kaba alak kererit che kami kobotech. , konyor kou noto ko u yo kiga mwa chepyosok, ago ma geer inendet. ²⁵ Ak kileji anyun bichoto, "ochei we abusanichu ak ko nyalulen mugulelwek che mayani tuguchu tugul che kiga komwa maotik. ²⁶ Kima kosikchini Kristo konyalil eng' tuguchu si komang'ji torornatenyi? " ²⁷ Kitoi kong'et Musa ak maotik tugul ak kiiarorji icheget eng' sirutik tugul ng'alek agobo inendet. ²⁸ Ak kingorikta kokwetole kibendi, ko yaige Jeiso ne mache kosirto. ²⁹ Ak ki kimkim inendet koleji, "iyanech itebi ak ache amu karikta koimen ak mache koratarat." ak kiwo go kotebi tugul. ³⁰ Ak ye kingo kagotebi ng'weny tugul koamisie, konam makatiat koberur, kobutul ak kogochi icheget. ³¹ Ak kiyotogis konyekwai, konai inendet, kobetyo eng' taing'wai. ³² Ak king'eetyo eng' sainata kowektage. ³³ Ak king'etyo eng' sainata kowektage Jerusalem; ak kinyor taman ak agenge ko keruruchge ak che ki mi koboto icheget, ³⁴ kole, "kang 'et Kiptaiyat iman, ak koborjige Simon." ³⁵ Ak kimwachi ngalek che ka yaak eng' oret, ak ko u yo kagonyit inendet kobutuli makatiat. ³⁶ Ak kingo ta kong'alale tuguchu, kotonon Jeiso inendet eng' kwenung'wai, ak koleji icheget, "ngotebi kalyet eng' akwe." ³⁷ Ago kiorogenio ak koyweis, ak kibwati kole kageer tamirmir. ³⁸ Ak kileji icheget, "kocholji nee?"Amu nee si kong'eet kereretab met eng' mugulelwekwok? ³⁹ Ogeer eunekchu ak kelyeckchu, ole anee, nito. Onam ak ogeer amu matinye tamirmiriet borto ak kowoik, kou yo ogeere atinye. ⁴⁰ Ago kinga komwa ni kobarji icheget eunekchi ak kelyekchi. ⁴¹ Ak ki tomo koyan icheget amu boiboiyet, ak kwong'et. Koleji icheget Jeiso, "otinye kiy ne kiame eng yu?" ⁴² Ak kigochi kebebertab injiriot ne kigibo eng' beko, ⁴³ ak kinam ak koam eng' taing'wai. ⁴⁴ Ak kileji icheget, "chu ko ng'alekchu che kigamwawok yo kingo tami kobotok, ko u yo kinyol kosulda tuguk tugul, che kigisir eng' ng'atutik che bo Musa, ak eng' Maotik ak eng' tienwogikab kolosunet agobo ane." ⁴⁵ Koyat anyun ng'omnatosiekwai si kobit konai sirutik. ⁴⁶ Ak kileji icheget kigisir ko u noto kele, nyoljini Kristo konyalil ak kong'eet kogeny eng' che kigobek eng' betutab somok. ⁴⁷ Ak keamdaat eng' bororiosiek tugul sigunet ak nyoetab kaat ne bo tengekwogik eng' kainenyi, kotoune Jerusalem. ⁴⁸ O ii akwe baorinik eng' tuguchuto. ⁴⁹ Ak ogeero, ayogu kayamisetab Kwandanyu kotebi eng' akwe. Ago otebi okweget eng' nganaset agoi kilaakwok kimnatet ne bunu tororot." ⁵⁰ Ak kindochini Jeiso agoi tun koit Betania. Ak kinamji barak eunekyi ak koberur icheget. ⁵¹ Ak kingo ta koberuri, kobagach icheget anyun ak kikimut kwo kipsengwet. ⁵² Ak kiilos inendet ak kowektagei Jerusalem eng' boiboiyet ne o. ⁵³ Ak kimi kotugul kapkorosut kolosu ak koberuri Jehovah.