¹ Kingo bata tuguchu kobrojige Jeiso kogeny alamalyet eng araraita he bo Tiberia. Ak kiborjige ko u ni: ² Kingo mi tugul, Simon Petero ak Tomas ne kigiguure Didimo, ak Nathanael ne bo Kana eng Galili, ak werikab Sebedi, ak aeng alak che bo alamalyet. ³ Koleji Simion Petero icheget, "kawe aram Njirenik." ak koleji chun alak agiche, "kibendi tugul." Koba anyun kolany moingetab beeko, ago manam kit eng kemounoto. ⁴ Ago kingo eech, kotonon Jeiso eng tabanda, ago manai alamalyet mole Jeiso. ⁵ Koleji anyun icheget, "lagochu, otinye kiy ne oame?" Kowol kole "oolo". ⁶ Ak kileji ichek, " owirji regereiwot ne kiname njirenik komostab tai ne bo moinget, si onyoru njirenik." Kowirji anyun ak mata komuch kochuut amu changintab njirenik. ⁷ Komwachi age ne bo alamalyet no to ne kichame Jeiso Petero koleji, "Kiptaiyat nito," Kingogas anyun Simon Petero kole Kiptziyat, kolaach kotit 'amu kimi ach ingor' ak kochorjige araraita. ⁸ Ago kibwa chun alage che bo alamalyet kobunu moinget ne mining amu kima ko loen eng tabanda, ago ki olo bo kakwautik bogol aeng che bo eut, kichuutu regereiywondonoto kogagonyi njirenik. ⁹ Noto anyun kingoit tabanda, kogeer eng yoto mat ne bo nesenik ak kiwatanat njiriot eng yoto, ak makatiat. ¹⁰ Koleji Jeiso, "oibu njirenik alak chun korame raa." ¹¹ Kolany Simon Petero moinget ak kochuut regereiwot konyo taban, konyitat njirenik che eechen, Bohol agenge ak konom ak somok. Ak nga nda ki chang njirenik mising, ko magerer regereiwondonoto. ¹² Koleji Jeiso ichek, "obwa oamisie ak ma kany age tugul eng alamalyet koteebe kole, "I ngo" amu kinget kole inendet ko Kiptaiyat. ¹³ Konyo anyun Jeiso ak konam makatiat ak kogochi koboto njirenik agiche. ¹⁴ Nito ko ne bo somok koborjinige Jeiso alamalyet kogagongeet inendet komongu eng che kibek. ¹⁵ Kingo kagoamis anyun, koleji Jeiso Simon Petero, "Simon weritab Johana, tos ichama kosiir chu?" Koleji inendet, "ee Kiptaiyandani, inget ile achamin." koleji, "bai arekyu." ¹⁶ Koleji kogeny ne bo aeng, "Simon weritab Johanna, ichama?" koleji Petero, "ee Kiptayandani, inget ile achami." koleji Jeiso, "iyage kechirekyu." ¹⁷ Koleji ne bo somok, "Simon weritab Johana, ichama?" Koarogen Petero amu kamwachi ne bo somok koleji, "ichama?" Ak koleji, "Kiptaiyandani, inget tuguk tugul, inget ile achamin." Koleji Jeiso inendet, " bai kechirekyu. ¹⁸ Amwaun iman, iman, ale kingo ta iminig, ko ki laksejinige, ak iwendi ole imache, ago tun keositu, iitoi eunekuk ak kolaakseun age ak komutin ole memache." ¹⁹ Komwa ni kobortoi ole teptoi meet ne ke konyite Jehovah, ak kingo kagomwa nito, koleji Petero, "isubwa." ²⁰ Koweigei Petero ak kogeer noto bo alamalyet he chamei Jeiso, korube ne kotiiege tegetab Jeiso eng amisietab lagat ak koleji, " Kiptayandani, ngo inendet ne ngwekten?" ²¹ Kigeer Petero inendet ak koleji, "Kiptayandani, yoe nee chichi?" ²² Koleji Jeiso, "ngot amach kotebi agoi tun anyo, image new? Isubwa inye." ²³ Kiyom anyun ngolyondoni tupchosiek kole mameei chichoto. Ago kima mwachi Jeiso inendet kole mameei ago kileji, "ngot amach kotebi agoi tun anyo image nee?" ²⁴ Nito anyun ko noto bo alamalyet ne baorianjini tuguchu ak ne kisirei tuguchuto ak kenget kele, bo iman baornatenyi. ²⁵ Ako mi kogeny tuguk alak che chang che kiyai Jeiso che nda kisirei age tugul, alen nda ma eme ngweny bukuisiek che kata kisirjini.