¹ Ak eng betutab somok, ko kimi katunisiet eng Kana ne bo Galili, ak kimi oloto akine kametab Jeiso. ² Kiga kigurji katunisiet Jeiso agine koboto alamalyenyi. ³ Kingoro divaik, kolenji kametab Jeiso inendet, makotinyei bik divak. Koleji Jeiso inendet , chebiosoni kitingege nee ak inye? tomo koit sainyu. ⁵ Kimwochi kamet otwogik koleji, "kiy age tugul ne kamwowok, oyai". ⁶ Ak kimi yoto terenik lo che eechen che bo beek, ako bo koik kou bitetab katililetab yahutik, kiyamege age tugul ak debeisiek mut nta ko lo. ⁷ Koleji Jeiso ichek, "onyit beeko terenichoto," kiinyit anyun mising. ⁸ Ak kileji, "osilu ak oibchi bounintetab tumto, ak kiipchi anyun". ⁹ Ak ye kingochamcham bounintetab tuumdo beek che kagoek divaik amanai ole kabunu (ago kinget otwogik che kisile beek) kogur anyun bounintet santet. ¹⁰ Ak koleji, "igoitoi chi tugul divaik che onyinyen korok, ak ye kagoee biiko mising, kogon che ma onyiny, ako kaikonor inye divaik che onyiny agoi nguno." ¹¹ Taunet nito ne bo kaborunoikyi ne kiyai Jeiso eng Kana ne bo Galili; kiibortoi torornatenyi, ak kiyan inendet alamalyenyi. ¹² Kingobata nito kochortage kwo Kabernaum, koboto kamet ak che tupcho ak alamalyenyi agiche, ak kobeni oloto betusiek che matia. ¹³ Ak kigarik Paska ne bo yahutik, ak kitogosta Jeiso Jerusalem. ¹⁴ Ak kinyor kotebyei eng hekalut icheket che kialdoi eik, kechirek ak cheptugenik, koboto walik ab silingisiek. ¹⁵ Ak kiyai kipcharitit ne bo rogoonik che kisach, ak koon komanda eng hekalut, koboto kechirek ak eik, ak koranda silingisiek che bo walik ak koabuch mesosiekwai. ¹⁶ Ak kilechi icheget che kialdoi cheptugenik, "oib tuguchu koba eng yu; amoyai gotab Babanyu koek ole oyae mungaret." ¹⁷ Ak kinyonji kabwatet alamalyenyi ne kigisir kele "ama ngetkongda agobo gongung". ¹⁸ Ak kiwolji anyun yahudik Jeiso koleji, "nee kabarunet ne iborwech ( iboru) amu iyae tukuchu?" ¹⁹ Kowolji Jeiso kolenji "ong'em hekaluni si angeet kogeny eng betusiek somok." ²⁰ Kile anyun Yahudik, kigiteech hekaluni eng kenyisiek artam ak lo, tos ing'eet inye eng betusiek somok?. ²¹ Ako kingalali inendet agobo hekalut ne noto ko bortanyi. ²² Ye kingong'eet anyun inendet komong eng che kibek, kobwat alamalyenyi kole kiga komwachi ichek ng'olyondonoto ak kiyan sirutiet ak ng'olyot ne kigamwa Jeiso. ²³ Ye kimi Jerusalem eng igorta nebo betutab Paska, koyan bik che chang eng kainenyi kogeere kaborunoik che kiyai. ²⁴ Ago kima chamdage Jeiso amu kinget biko tugul. ²⁵ Ak kima mage kiy kobaorian chi agobo chito age, amu kinget inendet kito ne mi chi orit.