¹ Ak eng betut ne bo tai nebo wikit ko kariroon emet, kobwa kererit koibu nyomdutik che kiga kochob. ² Ak kinyor ko kagemilda kota eng kererit. ³ Ak kichut kererit oriit ak manyor bortab kiptaiyat Jeiso. ⁴ Ak kingab komi kotobtomentos agobo nyoto ogeero kitonondos eng yo legit icheket murenik aengu che tinye ngoroik che lile bich. ⁵ Ak kingo to kocholdos, kong'urukcho kotorjini togochikwai ngweny, koleji icheket amu nee so chengee che sabdos eng oritab che kikobek? ⁶ Ma komi yu, kakong'eet, onnan kito ne kimwawok yo kito komi Galili, ⁷ kole kanyol kendeno eunekab kikab tengekto, weritab chi ak kigartat , ak kong'eet eng betutab somok. ⁸ Ak kinaan anyun ng'alekchi ⁹ ak kiwechke kobunu kererit ak komwaji tuguchu tugul icheket taman ak agenge ak biko alak tugul. ¹⁰ Ki Mariamagdalena ak Joan, ak Maria kametab Jacobo, ak chepyosok alak che kobotoge, che kimwachi che kiyoktoi tuguchuto. ¹¹ Ak kiu ngalekwai tangoi eng che kiyoktoi, ago maiiyan icheket chepyosok. ¹² ak king'eet petero ak kolabat ole mi kererit, koit ak kole geero mi ngoroik che nyikisen ichegei, ak kiwo kokwong'oti agobo tuguk che kago yaagis. ¹³ Ak geero, kiba biko aengu eng icheket kokwet ne kigure Emmau ne kima ko loo mising ki mailisiek somok kong'etee Jerusalem. ¹⁴ Ak kingololjige tugul agobo ng'alechuto tugul kiyaagis ¹⁵ Ak kingo ta kong'alaljinatege ak kotebege, korikchi Jeiso icheket ak koba tugul. ¹⁶ Ako kigerogis konyekwai si manai inendet. ¹⁷ Ak kileji icheket, nee ng'alechu omwachinotige akwegee obendi? ¹⁸ ak kiwolji age eng icheket ne keguure Kleoa, koleji, tos ii inye too eng Jerusalem asi menai tuguk che koyaagis oloto eng betusiechu? ¹⁹ Ak kileji icheket, nee tuguchuto? ak kileji tuuk che kiyaak agobo Jeiso ne bo Nasaret ne ki maotiot ne ki ki eng boisiet ak ng'olyo eng taitab Jehovah ak eng biko tugul, ²⁰ ak kou ole kiingoito tisiik che eechen ak bounikcho kiruokchi kiruoget ne bo meet ak kigartat. ²¹ Ago kigitinye kayanet kele inendet ne itiachi Israel. Wei ak koboto choto tugul ko betutab somok rani kongeete ngaa kobata ngalechuto. ²² Ak kagoneech chepyosok alak che kigimi tugul kekwong ole ki mustaita kererit. ²³ Ak kinga mato konyor bortanyi , kobwa kole kamongji icheket, malaikaisiek che kamwa kole inendet. ²⁴ Ak kaba alak kererit che kami kobotech. , konyor kou nyoto ko u yo kiga mwa chepyosok, ago ma keer inendet. ²⁵ Ak kileji anyun bichoto, ochei we abusanichu ak ko nyalulen mugulelwek che mayani tuguchu tugul che kiga komwa maotik. ²⁶ Kima kosikchini Kristo konyalil eng tuguchu asi komangji torornatennyi? ²⁷ Kitoi kongeet Musa ak maotik tugul ak kiiarorji icheket eng sirutik tugul ngalek agobo inendet. ²⁸ Ak kingorikta kokwet , ole kibendi, kaegei inendet ne mache kosiirto. ²⁹ Ak kikimkim inendet koleji iyanech itebi ak che amu karikta koimen ak mache koratarat, ak kiwo go kotebi tugul. ^{32 30} Ak ye kingo kagotebi ngweny tugul koamisie konam makatiat koberur, kobutul ak kogochi icheket. ³¹ Ak kiyotogis konyekwai, konai inendet kobetio eng taingwai. 32 Ak king'eetyo eng sainata koweektagee. ³³ Ak kingeetyo eng sainata koweektage Jerusalem; ak kinyor taman ak agenge ko keruruchke ak che ki mii koboto icheket, ³⁴ kole kangeet kiptaiyat iman, ak koborjige Simon. ³⁵ Ak kimwachi ngalek che kayaak eng oret, ak ko u yo kagonyit inendet kobutuli makatiat. ³⁶ Ak kingo to kongalale tuguchu, kotonon Jeiso inendet eng kwenung'wai, ak koleji icheget ingotebi kalyet eng akwe. ³⁷ Ago kiorogenio ak koiweis, ak kibwati kole kageer tamirmir. ³⁸ Ak kileji icheket kocholji nee? Ak amu nee si kongeeto kereretab met eng mugulelwekwok? ³⁹ Ogeer eunekchu ak kelyeckchu, ole anee, nyito. Onam ak ogeer amu matinye tamirmiriet borto ak kowoik, kou yo ogeere atinye. ⁴⁰ Ago kinga komwa ni kobarji icheket eunekchi ak kelyekchi. ⁴¹ Ak ki tomo koyan icheket amu boiboiyet , ak kwonget. Koleji icheket Jeiso otinye kiy ne kiame eng yu? ⁴² Ak kigochi kebebertab injiriot ne kigibo eng beko, ⁴³ ak kinam ak koam eng taing'wai. ⁴⁴ Ak kileji icheket, chu ko ng'alekchu che kigamwawok yo kingo tami kobotok, ko u yo kinyol kosulda tuguk tugul, che kigisir eng ng'atutik chebo Musa, ak eng Maotik ak eng tienwogikab kolosunet agobo ane. ⁴⁵ Koyat anyun ng'omnatosiekwai asi kobiit konai sirutik. ⁴⁶ Ak kileji icheket kigisir ko u nyoto kele, nyoljini Kristo konyalil ak kong'eet kogeny eng che kigobek eng betutab somok. ⁴⁷ Ak keamdaat ent bororiosiek tugul sigunet ak nyoetab kaat ne bo tengekwogikeng kainennyi kotoune Jerusalem. ⁴⁸ Oii akwe baorinik eng tuguchuto. ⁴⁹ Ak ogeero, ayogu kayamisetab Kwandannyu kotebi eng akwe. Ago otebi akweket eng nganaset agoi kilaakwok kimnatet ne bunu tororot. ⁵⁰ Ak kitokosta kondochini Jeiso agoi tun koit Betania. Ak kinamji barak eunekchi ak koberur icheket. ⁵¹ Ak kingo ta koberuri icheket kobagach icheget anyun ak kikimut kwo kipsengwet. ⁵² Ak kiilos inendet ak koweektage Jerusalem eng boiboiyet ne o. ⁵³ Ak kimi kotugul kapkorosut kolosu ak koberuri Jehovah.