¹ Kimongji ak kobun kwenutab Jeriko. ² Ak keero, kimi chi ne kigigure Sakayo ne ki ne o eng taagikab aisurut ak ki mogorio ³ Ak kicheng'e kogeer Jeiso, ak konai kole ng'o inendet, ak kimaimuch amu tuiyet amu kinwach. ⁴ Ak kilabat kondoe ak kolany mogoiywet barak si kogeer amu kigas kole bunu oranata. ⁵ Ak kingoiit Jeiso yoto, kochil ketoto ak kiger inendet Sakayo, ak koleji, tiem woluamu rani arue kong'ung. ⁶ Ak kiwol eng chokchinet ak kotaach inendet eng boiboiyet. ⁷ Ak kingogeer bichoto kongunynguny tugul, kole kawa kotebi eng gotab chito ne kiptengekcho. ⁸ Ak kitonon Sakayo akkoleji Kiptaiyat, keero kiptayandani, akochini kibananok kebebertab tugukchu, ak ngoto mi chi age tugul ne kiaibe kiy eng kenisiet awekchini konyil angwan. ⁹ Ak kileji Jeiso kagonyo sarunet rani goi, amu weritab Abram agine inendet. ¹⁰ Amu kinyo weritab chi kocheng ak kosor ne kia kobet. ¹¹ Ak kingoto kogase tuguchu, kitees ak komwa kalewenet, amu kilegit Jesrusalem, ak kibwati icheget kole toogu bounatetab Jehovah eng baanata. ¹² Kimwa anyun kole, kimi chi anyun ne togunot eng emonoto ne kiwo ole loo bo konaam bounatet kobunji ak kowechke. ¹³ v 13 Ak kiguur otwogikchi taman ak kogochi robiisiek taman, ak koleji oripwo agoi tun awechke. ¹⁴ Ago kisaas inendet bikab emenyi, koyokto ng'olyot korube inendet kole makimache chichi koboiywech. ¹⁵ Ak kingowechke kogeny, kakonam bounatet kiguur inendet otwogikchi tugul che kigochi robiisiek , asi konai kole kinyor age tugul ata eng boisiet ne kiyai. ¹⁶ Kinyo ne bo tai ak kole , kiptaiyandani, kinyor robiisiekuk robiisiek alak taman. ¹⁷ Ak kileji inendet kiyai ne ko kararanit amu kiyai ne mie eng kito ne mining, kagonin kokwatunwek taman ibou. ¹⁸ Ak kinyo ne bo aeng ak kole kiptaiyandani robiiisiekuk ko kinyor robiiseiek muut alak. ¹⁹ Ak kileji nyoto agine bou kokwatunwek muut. ²⁰ Ak kinyo age ak kole kiptayandani , aranyi robiiyeng'ung, ne kia konorun komie, ²¹ amu kiaiywein , amu ii chi ne korom , inemu ne ngoto kimende ngweny , nda ko iges che kima igol. ²² Koleji anyun inendet, aruogun agobo ne kemwa eng kuting'ung inye otwogindeni ya kiigen ile ai chii ne korom, anemu ne ngoto kimande ngwony ak agese che kima agol. ²³ Kiyainee anyun si mende robiisiekchu ole kiwalawali , nda kaanyoru ko kaitu koboto che kitesakis. ²⁴ Ak kimwochi icheket che kitonondos eng ole legit , osare inendet robiisiek ak ogachi inendet ne tinye robiisiek taman. ²⁵ Ak kileji icheket inendet, Kiptayandani, tinye inendet robiisiek taman. ²⁶ Amwawok ale chi age tugul ne tinye kigochiniago inendet ne matinye, kesore mbo ne tinye. ²⁷ Ago omutu anyun bunikchutu chuget kobka yu che machameaboi asi obar eng tainnyu. ²⁸ Ak kinga komwa ko u nyoto, kwo kondo kolonye kotokchinige Jerusalem. ²⁹ Ak kinga kagorikchi Betpage ak Betania, eng tulwet ne kiguure tulwetab emitik, koyokto aeng che ki kayoktoikchi, ³⁰ koleji oba agoi oiit kokwet ne mi taing'wong ak ngoiit ogeer nmoitab sigiriet ne ratat ne tomo kolany chi, otiach ak ogetu. ³¹ Ak ngoto teebenak chi age tugul , kole kaiine asi otiachi? Oleji anyun makchinige kiptayat. ³² Koba anyun che kiga kiyokto ak konyor ko u ye kiga mwachi inendet icheket. ³³ Ak kingo to kitiachi moitab dsigiriet koleji bikab kobo , kaiiine asi otiach moitab sigiriet? ³⁴ Ak kileji makchinige kiptaiyat. ³⁵ Ak kikweri kwo ole mi Jeiso ak kiitochi ngoroikwai eng moata bo sigiriet, koketyi Jeiso ak kolany Jeiso barak. ³⁶ Ak kingo wendi koiito ngoroikwai eng oret. ³⁷ Ak kingorikchi tegeiyatab tulwetab emitikkotoi tuiyet tugul nebo kayoktoik koboiboitu ak kolos Jehovah eng kutit ne o agobo boisionik tugul che bo kamuktaet che kiga kogeer. ³⁸ Kolen iberurot laitoriat ne nyonii eng kainetab kiptaiyat! kalyet eng kipsengwet ak barak ne toror. ³⁹ Ak kileji parisaek alak che bo tuiyet inendet , kanetindoni ker kong koyoktoikuk. ⁴⁰ Ak kiwolji koleji, amwowok ale ngoto ko sisyo chu koboldos mbo koik. ⁴¹ Ak kingorik kogeer kokwet ak korirji, ⁴² kolen nda kengen eng betuni , tuguk che bo kalyet! Ago nguni ko kagoung'ogis eng konyekuk. ⁴³ Amu bwani betusiek che tun teechei buniguk kererusiek eng komoswek tugul ak kekerjin go eng komoswek tugul. ⁴⁴ Ak kiwirji ngweny ak leguguk che mi orengung ama bagagun mbo koita agenge ne mi baragutab age amu kima inai betutab rutoitong'ung. ⁴⁵ Ak kiwo kapkorosut orit ak koonda chw kialisie ak che kioldoisie, ⁴⁶ koleji icheket kigisiir kele , egu gonnyu gotab saet, ago kaoyai koek kebenetab chorik. ⁴⁷ Ak kiinetisie betut age tugul eng kapkorosut. Ak kicheng tisiik che echen ak sirik ak che toogunotin eng biko kebar inendet. ⁴⁸ Ak manyor kito ne kiimuchi koyai amu kepchini it biko tugul inendet mising