¹ Kingo bata tuguchu kobrojige Jeiso kogeny alamalyet eng' araraita ne bo Tiberia. Ak kiborjige ko u ni: ² Kingo mi tugul, Simon Petero ak Tomas ne kigiguure Didimo, ak Nathanael ne bo Kana eng' Galili, ak werikab Sebedi, ak aeng' alak che bo alamalyet. ³ Koleji Simion Petero icheget, "kawe aram Njirenik." ak koleji chun alak agiche, "kibendi tugul." Koba anyun kolany moingetab beko, ago manam kiy eng' kemounoto. ⁴ Ago kingo eech, kotonon Jeiso eng' tabanda, ago manai alamalyet kole Jeiso. ⁵ Koleji anyun icheget, "murenichu tiginen, otinye kiy ne oame?" Kowol kole "oolo". ⁶ Ak kileji iche, " owirji regereiwot ne kiname njirenik komostab tai ne bo moinget, si onyoru njirenik." Kowirji anyun ak mata komemuch kochuut amu changintab njirenik. ⁷ Komwachi age ne bo alamalyet no to ne kichame Jeiso Petero koleji, "Kiptaiyat nito," Kingogas anyun Simon Petero kole Kiptaiyat, kolaach kotit 'amu kimi ach ingor' ak kowirjige araraita. ⁸ Ago kibwa chun alage che bo alamalyet kobunu moinget ne mining' amu kima ko loen eng' tabanda, ago ki olo bo kagwautik bogol aeng' che bo eut, kichuutu regereiywondonoto kogagonyi njirenik. ⁹ Nyoto anyun kingoit tabanda, kogeer eng' yoto mat ne bo nesenik ak kiwatanat njiriot eng' yoto, ak makatiat. ¹⁰ Koleji Jeiso, "oibu njirenik alak chun korame raa." ¹¹ Kolany Simon Petero moinget ak kochuut regereiwot konyo taban, konyitat njirenik che eechen, Bohol agenge ak konom ak somok. Ak nga nda ki chang' njirenik mising', ko magerer regereiwondonoto. ¹² Koleji Jeiso iche, "obwa oamisie ak ma kany age tugul eng' alamalyet koteebe kole, "I ngo" amu king'et kole inendet ko Kiptaiyat. ¹³ Konyo anyun Jeiso ak konam makatiat ak kogochi koboto njirenik agiche. ¹⁴ Nyito ko ne bo somok koborjinige Jeiso alamalyet kogagong'eet inendet komongu eng' che kibek. ¹⁵ Kingo kagoamis anyun, koleji Jeiso Simon Petero, "Simon weritab Joana, tos ichamo kosiir chu?" Koleji inendet, "ee Kiptaiyandani, ing'et ile achamin." koleji, "bai arekyu." ¹⁶ Koleji kogeny ne bo aeng', "Simon weritab Joanna, ichamo?" koleji Petero, "ee Kiptayandani, ing'et ile achamin." koleji Jeiso, "iyage kechirekyu." ¹⁷ Koleji ne bo somok, "Simon weritab Joana, ichamo?" Kochol Petero amu kamwochi ne bo somok koleji, "ichamo?" Ak koleji, "Kiptaiyandani, ing'et tuguk tugul, ing'et ile achamin." Koleji Jeiso inendet, " bai kechirekyu. ¹⁸ Amwaun Iman, iman, ale kingo ta iminig', ko ki laksejinige, ak iwendi ole imoche, ago tun keositu, iitoi eunekuk ak kolaakseun age ak komutin ole memoche." ¹⁹ Komwa ni kobortoi ole teptoi meet ne ke konyite Jehovah, ak kingo kagomwa nito, koleji Petero, "rubwa." ²⁰ Koweigei Petero ak kogeer nyoto bo alamalyet he chame Jeiso, korube ne kotiiege tegetab Jeiso eng' amisietab koskoleng' ak koleji, " Kiptayandani, ng'o inendet ne ng'wekten?" ²¹ Kigeer Petero inendet ak koleji, "Kiptayandani, yoe nee chichi?" ²² Koleji Jeiso, "ng'ot amach kotebi agoi tun anyo, image nee? Rubwa inye." ²³ leitage anyun ng'olyondoni tupchosiek kole mamee chichoto. Ago kima mwochi Jeiso inendet kole mamee ago kileji, "ng'ot amach kotebi agoi tun anyo image nee?" ²⁴ Nyito anyun ko nyoto bo alamalyet ne baorianjini tuguchu ak ne kisirei tuguchuto ak keng'et kele, bo iman baornatenyi. ²⁵ Ago mi kogeny tuguk alak che chang' che kiyai Jeiso che nda kisirei age tugul, alen nda ma eme ng'weny bukuisiek che kata kisirjini.