¹ Eng' taunet ko kimi ng'olyot ak kimi ng'olyot ak Jehovah, ak ki Jehovah ngolyot. ² Kimi inendet ak Jehovah eng' taunet. ³ Kigiyai tuguk tugul eng' inendet, ak kimagiyai kiy age tugul ne kiga keyai ne kima yai inendet. ⁴ Kimi sobondo eng' inendet, ak ki lapkeiyetab biko sobonoto. ⁵ Ak iluu lapkeiyet ing' tuinto, ak kima iterter tuinto lapkeiyonoto. ⁶ Kinyo chi ni kiyook Jehovah, ni kigiguure Joana. ⁷ Kinyo chichoto koek baoriat, si kobaorianji lapkeiyet, si kobit koyan biko tugul amu inendet. ⁸ Kima ko lapkeiyonoto inendet, kobate kinyo si kobaorianji lapkeiyonoto. ⁹ Kimi lapkeiyet ne bo iman ne nyoni ng'weny, ni kwengjini chi tugul. ¹⁰ Kimi ng'weny inendet, ak kigiyai ng'weny ing' inendet ak kima nai ng'weny inendet. ¹¹ Kinyonji chechi,ak kima taach inendet bichoto chii. ¹² Ako tugul chi kitaach inendet, ko kiigochi kamuget koek legukab Jehovah, choto che iyani kainennyi. ¹³ Icheget che kigisich, ama eng' korotik nda eng' magetab borto,nda eng' magetab chi, ago eng' magetab Jehovah. ¹⁴ Ak kiek ng'olyot borto, ak komeny kwenunyo ak kigigeer torornatennyi, torornatet ne bo ne kigisich inegei kobun Kwanda, ne nyitat kororindo ak imanda. ¹⁵ Kibaorianji inendet Joana ak kogurso kole," Inendet ni, ne kiamwoitoi ale, inendet ne rubko ko egu nebo tai eng' ane, amu ki bo tai inendet eng' ane". ¹⁶ Amu kigitaach ache tugul che bo nyienyi, ak korororindo eng' korororindo. ¹⁷ Amu kigigon ng'atutiet eng' Musa. Ako kibwa korororindo ak imanda eng' Jeiso Kristo. ¹⁸ Mami chi ne kigogeer Jehovah kong'ete; kobate kigong'ang'wech inendet werit ne kigisich inegei ne mi teget ab Kwanda. ¹⁹ Ak ni baornatetab Joana, ye king'oyok Yahutik tisiik ak Lawik kobwa kong'ete Jerusalem si kotebe Joana koleji, "i ngo inye?" ²⁰ Ako kimwa inendet Johana ama tiiyo, kole inendet ko ma Kristo. ²¹ Ak kitebe inendet koleji nee anyun? Elija? ak kile, ma inendet. I maotiontonoto? ak kile, "achicha". ²² Ak kileji anyun inendet, i ng'o inye? si kobit keibchi wolunet icheget che kaiyokwech. Imwoe ile i ng'o inyendet?. ²³ Ak kile a i kutitab chi ne kursei eng' surkwen, olitit oretab Kiptaiyat kou ye kimwa maotiot Isaiah. ²⁴ Ak icheget che kigagiyok ko bo Parisaik, ²⁵ Ako kitebe icheget inendet, koleji, "Kaine anyun si i batisianisiei, ama i Kristo, nda Elija, nda maotiondonoto?" ²⁶ Kowolji Joana bichoto koleji, abatisianisie beko ago tononi eng' kwenung'wong' age ne mong'et. ²⁷ Inendet ne rubwo ko chamat kondo amanyoljina atiach anokab kweonikyi. ²⁸ Kiyaogis tuguchuto eng' Betania, Jordan komosin,ole kibatisanisie Joana. ²⁹ Eng' betut ne kirube, kogeer Joana Jeiso konyonjini, ak kole, ogeero Aruet ne bo Jehovah ne ibei tengektab ng'weny, ³⁰ Inendet ni ne kiamwa ale, rupwo chito ne egu ne tai eng' ane amu ki bo tai eng' ane. ³¹ Kima ang'et ane inendet, ago si kobit kibarta inendet eng' Israel, anyo anyun amu noto abatisianisie beko. ³² Ak kibaorian Joana kole, "kiageer tamirmiriet kowolu eng' Kipseng'wet kou cheptuget, ak kotebe inendet. ³³ Kima ang'et inendet ago inendet ne kiyokwa abatisane beko, ko inendet ne kimwaiwa kolejo, chichoto igeere kochorchinige Tamirmiriet ak kong'et, Konoto ne ibatisane Tamirmiriet ne Tilil. ³⁴ Ak kiageer, ak abaorian ale nito ko weritab Jehovah". ³⁵ Kogeny eng' betut ne kirube ko kitononi Joana ak alak aeng' che bo alamalienyi, ³⁶ Ak ye king'ogeer Jeiso kowendoti, kole, "ogeero, aruet ne bo Jehovah!" ³⁷ Kogas alamalaichoto aeng' kongalali ak korup Jeiso. ³⁸ Ak kigusgong' Jeiso ak kogeer icheget korupu, ak kole ochenge nee? ak kiwolji koleji "Rabbi" ( ye kiwech ko konetindet), imenye ano? ³⁹ Koleji icheget, obwa si ogeer. kibwa anyun kogeer ole menyei, ak kotebi ak inendet betunoto; Ki olobo sait taman. ⁴⁰ Agenge eng' aeng' ne kigas Joana kongalali ak korup inendet, ko ki Andrea ne tupcho ak Simon Petero. ⁴¹ Kisib konyor Simon ne tupcho tuwai, ak koleji inendet kagenyoru Mesia ( yekiwech ko Kristo). ⁴² Kiimutyi inendet Jeiso ak kigeer Jeiso inendet, ak koleji, "i Simon weritab Joana. ta kegurenen Kepa "( yekiwech ko "Petero"). ⁴³ Kimach anyun Jeiso kwo Galili eng' betut ne kirube, ak kinyor Pilipu ak koleji "rubwa." ⁴⁴ Kibo Pilipu Betsaida, ng'anasetab Andrea ak Petero. ⁴⁵ Kinyor Pilipu Natanael ak koleji, kagenyoru inendet ne kisir Musa eng' Ng'atutiet ak maotik, Jeiso ne bo Nasaret, weritab Josep. ⁴⁶ Ak koleji Natanael, inendet, "tos imuchi kiy age tugul ne kararan kobun Nasaret?" Koleji Pilipu inendet, nyo si igerjige. ⁴⁷ Kigeer Jeiso Natanael konyonjini inendet, ak kole, "ogeer o, Israelindet iman, matinye kenisiet." ⁴⁸ Koleji Nataniel inendet, kenaena nee?, kowolji Jeiso koleji, ye katom kogurin Pilipu ye kemi Mokoiywet kel, ko kageerin. ⁴⁹ Kowolji Natanael koleji, "Rabbi, i weritab Jehovah, i laitoriatab Israel!" ⁵⁰ Kowolji Jeiso koleji, iyani amu kamwaun ale, kaagerin ye kemi mogoiwet kel?, tatun igeere tuguk che echen che sirei chu. ⁵¹ Ak kimwachi inendet kolechi, amwaun "Iman iman ale, tatun ogeere kipseng'wet koyatoksei ak kolonye Malaikaisiek ab Jehovah ak kowolu weritab chi".