¹ Iye Kuhani Mubomu achamba, "Mambo gano be neo garivyo?" ² Ye Stefano achamba, "Ndugu zangu na baba zangu sikizani: Mulungu wa utukufu we momborera baba yehu Burahimu, arihokala itsi ya Mesopotamia kabila kadza tsama pkenda Harani; ³ Achim'wambira, "Ombola kahiza itsiyo, na kahiza mbarizo, wenende hats itsi nindiyo konyesa mimi." ⁴ "Kisha achombola itsi ya Akaldayo, achisagala harani, achombola kuko baada ya kufwa babaye, Mulungu achimreha itsi ii ambayo m'wi m'wi munaishi vivi sasa. ⁵ Bai Mululungu kamupire mutu munjine yoyosi itsi ii, hata hatu ha kuvyoga lwayo. Ela achim'wahidi Burahimu idzaho kala were kana m'wana--kukala yunda mupa yo itsi ikale yapke, iye na chivyaziche. ⁶ Mulungu we nena naye vivi, kukala lukololwe be vandakala ajeni pka itsi injine, na vanda hendwa atum'wa na vateswe ni atu va itsi iyo pka miaka magana mane. ⁷ Mulungu achamba, mimi ninda hukumu itsi iyo ambayo vanda vahendya atum'wa, na baada ya gago vanda ombola na vanda niabudu hatu haha. ⁸ Kisha Mulungu achimupa Burahimu chilagane cha kutahiriwa, ndo Burahimu achikala baba wa Isaka na achimutahiri Siku ya name. Isaka achikala baba wa Jakobu, na Jakobu achivyala vavo kumi na airi ambao ndo baba zehu. ⁹ Pka sababu vavo atumia ehu vemonera wivu Yusufu vemuguza Misiri.Ela ye Mulungu be wekala ham'wenga naye. ¹⁰ Naye Mulungu wemomboza kahiza taabu za kpakpe zosini.Wemupa Josefu chibali cha kukubaliwa hamwenga na hekima mbere za Farao mufalume wa Misiri, naye achimuhendya akale mutawali wa itsi yosini ya Misiri na nyumbaye yosini. ¹¹ Bai kuchikala na nzala bomu kahiza itsi yosini ya Misiri na Kanani, pia na taabu nyinji, na vo baba zehu kava wezere kupata chakurya. ¹² Ela Jakobu arihosikira kukala kuko Misiri be kuna chakurya, wevahuma vo baba zehu safari ya kpanza. ¹³ Kahiza safari yao ya hiri, ye Josefu be wedzi manyisa pka vo nduguze, na jamii yosini ya ani Josefu pia ichimanyikana pka Farao. ¹⁴ Bai Josefu welagiza vavo nduguze vamurehe Jakobu babaye ham'wenga na jamii yosini yosini pia, ambao ni atu mirongo mifungahe na atsano. ¹⁵ Bai ye Jakobu achi- teremuka ko Misiri, iye Jakobu wefwa ham'wenga na vo baba zehu. ¹⁶ Zo maiti zao be zehalwa mupaka Shekemu zichizipka mbira iyo ambayo Burahimu wegula pka bei ya pesa ariyo gula kula pka vo ana va Hamori, kuko Shekemu. ¹⁷ Bai wakati wa yo ahadi uriho fika, ahadi ambayo Mulungu wemupa Burahimu, vo atu vezidi na konjezeka sana kuko Misiri. ¹⁸ Bai kuchidza mufalume munjine kuko Misiri asiye mumanya Josefu. ¹⁹ Ye mufalume achivakenga na kuvahenda mai vo baba zehu, achi-vaambira vava tsuhe vo ahoho atsanga ili va si ishi. ²⁰ Wakati uwo ye Musa achivyalwa, Nate wekala be no mudzo sana, achifubgwa nyumbani m'wa babaye pka miezi mihahu. ²¹ Musa ariho tsuhiwa, m'wana wa chiche wa Farao achimuhala, achimufuga akale here m'wanawe. ²² Musa achifundishwa hekima yosini ya Misiri, achikala to to to sana kahiza maneno na mahendo. ²³ Musa ariho fikisha miaka mirongo mine, achamua m'wakpe moyoni aombole ili akavalole nduguze ana va Israeli. ²⁴ Musa achona muisraeli mum'wenga yuna Tessa, Musa achimu-hehera na achimu rihizira chisasi iye ariye kala yuna onerwa, achimubiga ye mumisiri. ²⁵ Musa we fikiria kukala vo nduguze vanda elewa kukala Mulungu yudzi vapa wokofu kuchirira mikonoye, Ela kava elewere kamare. ²⁶ Siku ya hiri-ye achivao-omborera kaheri, variho kala vana bigana, na arihokala yuna vapatanisha, we vaamba, "Hem'wi ndugu zangu, m'wi m'wi be mu ndugu, be mbona Mina kosana? ²⁷ Ela iye ariye kosa munziwe, achi muzarau ye Musa, achim'wamba, " Nani write pkika mubomu wehu ili waamue dzulu yehu? ²⁸ Jee! unamala unolage here vivyo urivyo molaga iye Mumisiri dzana? ²⁹ Musa achi chimbira kpa neno riro, achenda kala Bali ya ujeni kahiza itsi ya Midiani, na achivyala ana airi va chilume kuko. ³⁰ Hata miaka mirongo mine iriho fika, malaika wa Bwana we momborera kahiza nyika ya murima wa Sinai kahiza m'wenje wa Moho, chitsakani. ³¹ Wakati Musa ariho won a wo moho, we shangazwa no maono gago, na arihokala yuna sonjera hehi ili alole tototo, sauti ya Bwana ye m'weha. ³² Ichi m'wamba, "Mimi no Mulungu wa babazo, Mulungu wa Burahimu, na Mulungu wa Isaka, na Mulungu wa Jakobu, Musa achi tetemeka, na kawezere kulola wo moho kaheri. ³³ Bwana achi m'wambira, "Vula virahuvyo maguluni m'wako, pka kukala hath haha wemireho be no itsi takatifu. ³⁴ No Jeri nidzi gaona mateso ga atu angu varivo Misiri, nasikira kulumira pkao, nami nidzitima ili niva-omboze. Bai ninda kuhuma wende ko Misiri. ³⁵ Musa iye variye mukahala, vachamba, "Nani ariye pkika mubomu na m'wa muli wehu? Ndo iye ariye hum'wa ni Mulungu akale mubomu na mokoli, pka mukono wa iye malaika ariye mombo rera pkenye chitsaka. ³⁶ Iye nde Musa ariye vaomboza Misiri, achihenda maajabu na ishara kuko na kahiza bahari ya Shamu, na kahiza nyika, muda wa miaka mirongo mine. ³⁷ Musa iye ndiye ariye vaambira aiziraeli, " Ye Bwana Mulungu wenu yunda vaenu rira nabii, kahiza ndugu zenu, here mimi, be musikireni iye. ³⁸ Iye ndiye Musa variye kala naro kanisa ko nyika ham'wenga Nate malaika ariye gomba naye kahiza murima wa Sinai,kisha ham'wenga navo baba zehu,na iye ndiye ariye hochera maneno ga uzima ili ahupe fwi fwi. ³⁹ Ela, vo baba zehu be kava henzere kumusikiza Musa, Ela vachimukahala, na pka mioyo yao vachuya Misiri. ⁴⁰ Vachi-m'wambira Haruni, "Hutengezere milungu vandio hutangulia, maana ye Musa ariye homboza kahiza itsi ya Misiri be kahumanya ridziro mupata kuko. ⁴¹ Pka vivyo vachitengeza ndama Siku zizo, na vachomboza sadaka pka yo ndama, na vachi hamirwa no so kazi za mikono yao. ⁴² Bai ye Mulungu achitsukirwa na achivaricha ili vaabudu jeshi ra mulunguni, here irivyo andipka pkenye vyuo vya manabii, "Jee! M'we nombozera Mimi go matoleo na sadaka, into miaka mirongo mine kahiza nyika, hem'wi nyumba ya Iziraeli?. ⁴³ Nam'wi m'we tsukula hema ra moleki, na nyenyezi za mulungu wa Refani, vizuka murivyo vihenda ili kuvi abudu, nami be kinda va tsamya nivahike kure kutsupa Babeli. ⁴⁴ Vo baba zehu vekala na hema ra ushahidi ko nyika, here vivyo arivyo lagiza iye ariye gomba na Musa, kukala aitengeze yo hema sawa sawa na vivyo arivyo yona yo hema. ⁴⁵ Baadaye, vo baba zehu pka tsini ya Joshua he hochera yo hema na vachiyenjiza pkenye urithi wao, kahiza mataifa ambago gago Mulungu we gainga mbere za baba zehu, mupaka Sikh za Daudi. ⁴⁶ Ambaye wepata mbazi mbere za Mulungu, naye achimuvoya Mulungu wa Jakobu amutengezere nyumba ya ibada. ⁴⁷ Ela were ni Solomon ariye dzenga yo nyumba ya Mulungu. ⁴⁸ Ela Iye ariye dzulu be kamala kahiza nyumba iriyo tengezwa pka mikono ya mutu, here vivyo agombavyo nabii. ⁴⁹ Mbingu ni chihi change cha enzi, na dunia ni hatu ha pkwika magulu gangu, be ni nyumba yani mundiyo nidzengera? yunaamba ye Bwana, au ni hath hiho mino nindiho oya? ⁵⁰ Jee! se mikono wangu urio henda gano gosini? ⁵¹ Hem'wi atu murio na dingo nyomu, musio tahirwa mioyo wala masikiro, wakati wosi be Mina mukahala Roho Mutakatifu, here baba zenu varivyo henda, nam'wi be ni vivyo vivyo. ⁵² Ni hiye kahiza manabii ambaye kateserwe ni baba zenu? Navo ve vaolaga vavo vario lomba habari za kudza pka iye Mwenye hachi, ambaye m'wi m'wi sasa mudzikala asaliti-ie na muchi molaga. ⁵³ Atu m'wi m'wi murio hochera sharia pka lagizo ra ye malaika, musibwire. ⁵⁴ Bai wakati vo atu va baraza variho sikira gago maneno, mioyo yao yesha, na vachimusagira meno ye Stefano. ⁵⁵ Ela iye Stefano achikala yudzodzala Roho Mutakatifu, achikaza matsoge kulola dzulu Mulunguni, achona wo utukufu wa Mulungu, na ye Jesu wemire mikono wa kurya wa Mulungu. ⁵⁶ Achamba, "Lolani! Naona mbingu zidzi fuguka na ye M'wana wa Adamu wemire mikono wa kurya wa Mulungu. ⁵⁷ Vo atu va to baraza be vachizia masikiro gao na vachibiga kululu pka sauti na vachi muhurukira pka nia m'wenga. ⁵⁸ Vachi muburuta konze ya wo mudzi, vachi mubiga mawe ye Stefano, navo mashahidi vachika nguo zao maguluni ha chijana mum'wenga ariye ehewa Sauli ⁵⁹ Bai variho kala vana mubiga mawe ye Stefano, were ye Stefano be yuna voya, achamba, "Bwana Jesu, hochera roho yangu. ⁶⁰ Achibiga magoti, achirira pka sauti Bomu achamba, " Bwana vava atu usiva tarire dambi ii. Na ariho gomba gaga ye Stefano achikata roho.