¹ Bai iriho-amulwa kukala indahubidi husafiri pka madzi muhadi Italia, vemulavya Paulo na afumbwa anjine, pka shikari mubomu munjine wa jeshi ra Chirumi, aehe-waye Julio wa chikosi cha Agustani. ² Huchipanda meli kula Adramtamu, ambayo were isafiri kanda kanda ya pwani ya Asia. Vivyo be huchenjira baharini, na Erasto kula Thessalonike ya Makedonia achenda ham'wenga nafwi. ³ Siku ya hiri meli ichema kahiza mudzi wa Sidoni, ambaho Julio wemuhendera udzo Paulo, na achimuruhusu ende pka asenae ili ahochere zawadi. ⁴ Kulaiza haho huchuya baharini kusafiri, huchizunguluka chisiwa cha Kipro ambacho were china-chiga peho, pka sababu peho were be inahuchinga. ⁵ Baada ya kusafiri kahiza madzi grigo hehi na Kilikia na Pamfilia,huchidza Mira, mudzi wa Lisia. ⁶ Kuko iye Julia achona meli ilayo Alekzandria, ambayo were isafiri Italia, achihupandisha iyo. ⁷ Baada kusafiri pore pore pka Siku nyinji,be huchifika pka taabu sana hehi na Nido, yo peho yekahala kabisa kutsupa na njira iyo,vivyo huchisafiri kanda kanda ya Krete, huchi-chiga yo peho, kuno ni Krete na kuno ni Salmone. ⁸ Huchisafiri mo pwani pka ugumu, mupaka huchifika hatu ha-ehewaho Bandari mbidzo, ambayo i hehi na mudzi wa Lasi. ⁹ Hwere hudzihala muda mure sana, hata wo muda wa kufunga pka Ayahudi were uchira, na pka vivyo were ni hatari pkenderera, ndo Paulo achihu-hadharisha. ¹⁰ Achamba, "Mabwana, mimi naona safari ii hwendere-rayo be indakala na madhara na hasara nyiji, se pka mizigo tu ya meli, ela maisha gehu pia. ¹¹ Ela ye shikari be achimusikiza mubomuwe na ye mubomu wa meli, kuriko go mambo gadzigo-newa ni Paulo. ¹² Na pkasaabu banari iratu were kaifaa hukale wakati wa peho, anji-ao vachamba baha huke hwende Foinike, chikala be inde wezekana, na kukala kuko wakati wa peho nayo ni bandari ya Krete, nayo ikahi-kahi ya vuri na maomborero ga dzua, na m'waka na maomborero ga dzua. ¹³ Na peho ya m'waka iriho-anza kuvuma vichahe, vo madereva vachona kupata varigo-tarajia, vachuka na vachisafiri karibu na Krete pwani pka pwani. ¹⁴ Baada ya muda muchache, kusi ichivuma pka nguvu hali ya chikukuzi, yehewayo Eurakilo. ¹⁵ Meli iriho-bgwirwa na ichishindwa ni chikukuzi, huchiiricha na huchisukum'wa tu. ¹⁶ Na huchi-chira malo hehi na chisiwa chitite chehewacho Kauda, huchijeza kuipkeza meli ho dzulu ya chisiwa ela pka shida. ¹⁷ Na variho-ipkeza, vachihumira misaada, vachii-zulia meli pa kuchiza nyubgwe tsini ya yo meli, navo be vachogoha vasidze vaka-bgwirwa ni madimbwi garigo mo kana-kanda, vachiteremusha vyandarua, na vacholea tu. ¹⁸ Na pkakukala hwere hubibgwa sana ni chikukuzi, siku ya hiriye vachanza kuitsuha yo shehena mo baharini. ¹⁹ Siku ya hahu vachitsuha vyombo vya yo meli, pka mikono yao enye. ²⁰ Dzua wala mwezi be kazone-kanire pka siku nyinji, na chikukuzi chichi-hubiga kaheri, bai huchikata tamaa ya kutia. ²¹ Na varihokala vadzikala muda mure bila kurya, Paulo achema kahi-kahi yao, achamba, "Anaalume, were munisikize mimi na musuke kuko Krete, na kupata matatizo gaga na hasara ii. ²² Sasa mimi navapa ushauri, kalani na moyo mubomu, pka kukala kahana hata mutu mum'wenga, kahi kahi yehu andiye angamika, ela ii meli tu. ²³ Pka kukala usiku uu warero malaika wa Mulungu, ambaye nina-muvoya na mimi niwapke, yudzema hehi nami, ²⁴ akanambira, "Usogohe Paulo, ni lazima weme mbere za Kaisari, kisha Mulungu be yudzikupa atu vosini vasafirio ham'wenga nawe. ²⁵ Bai anaalume changamukani, pka sababu nam'wamini Mulungu, kukala, gandakala vivyo vivyo here nidzivyo ambirwa. ²⁶ Ela kahuna budi hwahipke pkenye chisiwa chim'wenga chaho. ²⁷ Hata usiku wa kumi na ine urihofika, huriho-kala huna tsukulwa ni peho kuku na kuko kahiza bahari ya Andria, here usiku wa manane, vo madereva vachona kukala huhehi na itsi kavu. ²⁸ vachitsuha bildi vachipata pima ishirini, vachenderera chidogo vachitsuha bildi kaheri na vachipata pima kumi na tsano. ²⁹ Vachikala na wasi wasi husidze hukabgwira pkenye mawe mabomu, vachitsuha nanga ine za tezi, vachivoya kuche. ³⁰ Na vo madereva variho-mala kuchimbira ili vairiche yo meli, vachiitimisha meli baharini here vanamala kutsuha nanga za omo. Paulo achivaambira akida na shikari, "Vava vasihokala ndani ya meli be kamundaweza kavativya. ³² Bai vo shikari vachizikata zo nyubgwe za ro dau, vachiricha yolee. ³³ Na kurihokala kunacha, Paulo achiva-rai vosini varye chakurya, achamba, "Rero be ni siku ya kumi nane, kutariza na kulolera, kamudzarya chitu chochosi. ³⁴ Bai navavoya murye chakurya, maana indakala ni vidzo pka afya yenu, maana kahana hata lujere lwa chitswa cha mum'wenga wenu andiye angamika. ³⁵ Ariho marigiza gago achihala mukahe, achishukuru Mulungu mbere zao vosini achiumega na achanza kurya. ³⁶ Kisha vosini vachichenjira nguvu na vachirya enye. ³⁷ Na fwi fwi huriokala mo ndani ya meli, ni atu magana mairi na mirongo mifungahe na sita ³⁸ Variho shiba, vachi-ihunguza shehena ya meli, vachitsuha ngano baharini. ³⁹ Kuriho-cha, kavamanyire yo itsi, ela veona lwamba, vachambirana vai-remeze yo meli kuko, chikala indawezekana. ⁴⁰ Vachizitsuha zo nanga mo baharini, ham'wenga na kulegeza nyubgwe za usukani, na vachika chandarua chitite ili vabgwire yo peho, na vachenda ko pwani. ⁴¹ Ela vachifika hatu habgwirana bahari mbiri, na meli icholea, ichigama isitukuke, na yo sehemu ya mbere ya meli ichivunzika pka nguvu ya maimbi. ⁴² Shauri ra vo shikari were ni kuvaolaga vo afumbwa, mutu asojerere na kuchimbira. ⁴³ Ela akida achimala kumutivya Paulo, achivazulia, asihende here vdzivyo panga, achilagiza vavo vawezao kojerera, veenjire pkanza baharini, vende itsi kavu. ⁴⁴ Na vo vadzio sala, vano dzulu za mbao na anjine dzulu za vitu vinjine vya meli. Na atu vosini vachifika to to to itsi kavu salama.