¹ Kususiana na huduma kwa ajili ya aumini ni vidzo kwangu kuvaandikira. ² Namanya kuhusu shauku yenu, ambayo nedzivumira kwa atua Makedonia. Nivaambira kukala Akaya yekala tayari hangu mwaka uriochira. Hamu yenu udzivenjiza moyo anjiao kuhenda. ³ Sasa nidzivahuma ndugu ili kwamba madzivuno gehu kwenu gasikale ga bule, na ili kwamba mugekala tayari, here nirivyovamba mudekala. ⁴ Hanjine, kala mtu wa Makedia achidza hamwenga nami naavapate kamudzakala tayari, fugeona haya- sinem chochosi kuhusu ninwi- kwa kukala mujasiri sana kahi yenu. ⁵ Vivyo neona vidzo kuvasihi ndugu kudza kwenu na kuhenda mipango mapema kwa ajili ya zawadi murioahidi. Ii ni vivyo ilizikale tayari here baraka ni si here chitu chirichoamriwa. ⁶ Azo niriri, mtu anyalaye vichache pia andagua vichache, na yeyosi anyabaye kwa lengo ra baraka andagua baraka. ⁷ Bei na chila mumwenga aombozaye here apangavyo moyoni mwakwe. Bai asiomboze kwa huzuni au kwa kulazimiswa. Kwa kukala Mulungu nikumuhenza ye aombozaye kwa furaha. ⁸ Na Mulungu anaweza kuizidisha baraka kwa ajili yenu, ili kwamba chila wakati, kahi za mautu gosi, muweze kupata vyosi muvihitajivyo. Ii ndakala ilikutemba, muweze kuzidisha chila hendo ridzo. ⁹ Nihere irivyoandikwa, "Wetapanya utajiriwe nakuwomboza kwa masikini. Hakiye ya dumu hata milele." ¹⁰ Naye aombozaye mbeyu kwa munyali, na mkahe kwa ajili ya chakurya, pia womboza na kuzidisha mbeyu yenu kwa ajili ya kunyala. Iye andonjeza mavuno ga haki yenu. ¹¹ Mundatajirishwa kwa chila namna ili kwamba muweze kukala ataratibu. Ii indareha shukurani kwa Mulungu kuchirira siswi. ¹² Kwa kuhenda huduma ii sio tu inaguta mahitaji ga aumini pia nikuzidisha mahendo manji ga shukurani kwa Mulungu. ¹³ Kwa sababu ya kupimwa kwenu na kuhakikishwa kwa huduma ii, pai mundamulika Mulungu kwa kutii na urithi wenu wa injili ya masihi. Pia mundamlika Mulungu kwa unyenyekevu wa karama yenu kwao na kwa chila mumwenga. ¹⁴ Vanavatamani na vanavoya kwa ajili yenu. Vanahenda vivi kwa sababu ya neema bomu ya Mulungu iriyo dzulu yenu. ¹⁵ Shukurani ziikale kwa Mulungu kwa karamaze zisizoelezeka.