¹ Mimi Paulo, mwenye navauza kwa unyenyekevu na upore wa masihi. Mimi ni mpore hasa nichikala mbere zenu, Ela nina ujasiri kwenu hasa nichikala kure nanwi. ² Navavoya ninwi kukala, wakati nichikala hamwenga nanwi, simala kukala jasiri wakati nichivapinga vo ambao vafikiria kukala fwaishi kwa hali ya chimwiri. ³ Kwa kukala hatachikala fwatsembera kahi za mwiri, kafupigana viha kwa hali za chimwiri. ⁴ Kwa kukala silaha furihumirazo kupigana si za chimwiri. Badalaye zina nguvu za chimulungu za kubananga ngome. Zausa kamore midundu iangamizayo. ⁵ Pia fwabananga chila chenye uwezo na kudzenula chinyume cha nguvu za Mulungu. Fwarihenda mateka chila azo kahi za kumtii masihi. ⁶ Na funapata utayari wa kuadhibu chila hendo risiro ra kutii, maro a utiifu wenu undihokala kamili. ⁷ Lolani cho chiricho vyalwa mbere yenu. Kala yeyosi washawishika kukala iye ni wa masihi, hebu na adzikumbushe yemwenye chamba vyo arivyo ni wa masihi, vivyo ndivyo na siswi furivyo. ⁸ Hata fuchidzivuna chidogo- zidi kuhusu uwezo wehu ambao Bwana arigoomboza kwa ajili yehu kuvajenga ninwi ela si kuvabananga, sindona haya. ⁹ Simala riririonekane kukala navalisha ninwi kwa barua zangu. ¹⁰ Kwa viratu baadhi ya atu nikwamba, "Baruaze ni kali na zina nguvu, ela chimwiri yumanzwemonzwo. Manenoge kagasitahili kusikizwa." ¹¹ Hebu atu a hali iyo vaeleweni kukala, chofunenacho kwa barua fuchikala kure, ni sawasawa na vyo hundivyo henda fuchikala haho. ¹² Kafwenda kure sana here kudzikusanya enye habu kudhihalanisha enye na vo abao ni kudzisifu enye elevachidzipima enye na chila mumwenga vavo ni kudziona kavana alaili. ¹³ Siswi hata vivyo kafundadzivona kuchira chasi. Badalaye fundahenda vivyo tu ndani ya mihaka ambayo Mulungu wefupimira siswi, mihaka ifikayo ukure here wenu urivyo. ¹⁴ Kwa kukala kafudzizidishirire enye hurhovafikira ninwi. Fwekala a kwanza kufika ukure here wenu kwa injili ya masihi. ¹⁵ Kafudza dzivuna kuchira mihaka kuhusu kazi za anjine, Badalaye funa tumaini here imani yenu ikulavyo na kukala eneo rehu ra kazi rindapanulwa sana, na bado ni ndani ya mihaka ya jeri. ¹⁶ Funakuluhiro kwa riri, ili fuweze kuhubiri injili hata kwenye maeneo zaidi yenu. Kafundadzivuna kwa kazi ihendwayo kahi za sehenadzwa nyinjine. ¹⁷ "Ela yeyosi adzivunaye adzivune kahi za Bwana." ¹⁸ Kwa kukala seiye adhianulaye mwenye nikwenulwa, isihokala ni iye Bwana andiyemwenula.