¹ Ndinaunvua bantu balanda nangue pakatikenu pali bukambue bubiipiisie busi libwakitika pa bantu basimamine leza. Ndinaumua nangue umo pakati kenu aliwalaaka na muka se! ² Ati emwe, mukitimukwitasia? Mune mupalile kufiitua, kabili mupalile kumu kumba ozo muntu akitile evio pakati kenu. ³ Anzi kine nsili pamo nenu ku mubili, ndi pamo nenu ku mutima. kabili ni nene kumoozo muntu namupingula kaka mu liina lyakua mulopue wetu Yesu pantu ndi ne ali pamo nenu. ⁴ Lumulimwa kolongghana mu liina lyakua mulopue Yesu ni ne ndinaya nali pamo nenu mu mutima kansimu burinde bwakua mulopue wetu Yesu, ⁵ Mupaane Ukapisuke ozo muntu kuli satana, evi mibeele yakue ya kimubili inoonue mane mutima wakue ukapusuke busiku bwa bupinguzi. ⁶ Tekuti mwitasie pantu mumanine nandilo ilandile nague, " Ntukumusi inini iliyatutumuna bunga bonse bukandiitue." ⁷ Kansi fumie ntutumusi ya bibalo, evi muye mwaswetele, kabili muye mwalinga mukate isibiikitueko ntukumusi. Ni evi ivimuli pantu kristu, Pasaka wetu ni waa peenue kale pa mulandu wetu ⁸ Nipakako, tekuti tukike nsikunkulu yetu ya mikate iliko ntutumusi ya kale ntutumusi ya bibalo ni bubi. Inzi tukitensi kunkulu ya mikate isiliko Ntutumusi, mutima uswetele ni wa kisinka. ⁹ Mu lupapulo lunaamilembeele naamya nine nangue tekupwane na bakende. ¹⁰ Nsilandile nangue tekupwane na baritu bonse ba mu keno kyalo balibakila bukende ni kwiba, ao bali bapupa mikisi pantu kibenge evio nga mwaafumine nu kyalo. ¹¹ Kindimukulanda ni keki: Mwemue temupalile kupwana na muntu emwene kuba mukristu keku wali mukende au mvitani ao mupupi wa mikisi no mubeepezi ao kyakolua ao kabooko. kabilitekulie na muntu wa ozu musango. ¹² Tew Mulandu wane kupingula bantu basizumiine. Pantu leza mwine i waaakaba pingula ¹³ Ali mwemue temuvinda kupingula bazumizi nenu? Malembo alia landa evi,"Kumbe mubi pakatikenu,"