¹ Hanuma ndabhona malaika akutikila kupuna mwilunde akwatilile lufungulo lwehalina linantabha ne nkalilo ne munyololo mukulu mukubhoko kwamwe. ² Alaikwata eyone nzoka nzoka ye kale eyo ikulanganagwa ibilisi ne syetani, alamubhoha mwaka sihumbi simwi. ³ Alaitagila eyo nzoka mulina linantabha ne nkalilo, alalyegeka alalitulilaho igufuli higulya yahe, atiza kubhabhehagula bhanamahanga kandi, kuhika ihike eyone myaka sihumbi ilakabha yahika, hanuma alakatagilwa kwitungo idone. ⁴ Hanuma ndabhona matebhe ge syami, abho bhali bhagikalile ngenabho bhali bhuhebhwe bhudula bhwe kuhukumu, nekandi ndabhona bhwikalo bhwabho bhali bhakatilwe mitwe kulwe bhukanilizya bhwe kumukanilizya Yesu ne kwigambo lye mwa Mungu, nekandi bhatalamulamya munandimu sihamwi ne sanamu yamwe nekandi bhalakema kwanukula lumanilo habhusyo bhwabho nolo hakubhoko kwabho nabhe bhalisangizya ne Yesu bhalatema mwaka sihumbi. ⁵ Bhafwile abho bhalasaga bhatalisangizya mubhuhanga mpaka aha zilahika myaka sihumbi okwane nge kuzyoka kwe mbele. ⁶ Webhufuhulwe ngenoyo alakazyoka kuzyoka kwe kwandya lufu lwe kabhili lutali ne nguzu kubhantu abhane bhalakabhaho bhagabhizi bhe mwa Mungu ne bha kristu bhalakatema nage myaka sihumbi. ⁷ Myaka sihumbi zilakabha zyamala syetani alakabhohololelwa kupuna mukubhohwa kwamwe. ⁸ Alakapuna helu kubhabhehagula bhana mahanga mapande ane ge bhwelelo ,Gogu ne Magogu kubhabhilinga halumwi kulwe nsola, nabhe bhalakabha bhinki kati musenga gwe munyanza. ⁹ Balazya higulya ye bhwelelo bhalaigitilila nkambi ye bhazumya syalo esyo silibhusimwe, alahe mulilo gulapuna mwilunde gulabhayabhazya. ¹⁰ Syetani oyo alabhabhehagulaalatagilwa munyanza ye mulilo ne sibhiliti omwo ndimu ne mufumbuzi we bhubhehi bhali bhamazile kutagilwamo, nabhe bhalakagalazibhwa bhwile ne izyobha bhwelelo ne bhwelelo. ¹¹ Hanuma ndabhona itebhe lye syami lyepe noyo ali ikalisye higulya yahe, bhwelelo ne ilunde lililuka hale ne bhusyo bhwamwe nekandi zitaligelaho. ¹² Ndabhabhona bhebhufwe bhakulu ne bhado bhimilile bhutonzi ye itebhe lye syami vitabho vilafundukulwa, nekandi sitabho sindi silafundukulwa nasye nge syebhuhanga, bhebhufwe bhalapandika hukumu kati omwo yilandikilwe mukati ye vitabho kati omwo vigemo vyabho vyali. ¹³ Nyanza ilabhapunwya bhebhufwe abho bhali mukati yayo,lufu ne kuzimu navye vilabhapunwya bhebhufwe abho bhali mukati yabho nabhe bhalapandika hukumu kati omwo vigemo vyabho vyali. ¹⁴ Lufu ne kuzimu vilatagwa munyanza ye mulilo olwane nge lufu lwekabhili nyanza ye mulilo. ¹⁵ Olo izina lye tyoyowona litaligela bhwandike musitabho sye bhuhanga ngenaho alatagilwa munyanza ye mulilo.*