¹ 0kwane ne kufundukulilwa kwe mwa Yesu Kristu okwo Mungu alamuha kubhalanzya bhazyana bhamwe magambo ago gekwendelwa kubhaho bhwangu, alagagema gamanike hakumutuma malaika wamwe hamuzyana wame Yohana. ² Yohana alapunwya bhukanilizya bhwe mwa Yesu kukila esyo alabhona kubhukanilizya bhwe mwa Yesu Kristu. ³ ali bhufuhulwe oyo akusomanga ne abho bhona bhakugimvwanga magambo ge bhufumbuzi obhwane ne kuikwata mihayo eyo ilandikwe omwone kulwekubha itungo lili hihi. ⁴ Yohana ha makanisa musamvu ago gali Asia; sigongo sibhe sihamwi ninu ne mpola kupuna wamwe oyo aliho ne kwoyo alakiza ne kumizo musamvu ezyo zili mubhutonzi bhwe itebhe lyamwe lye bhwami. ⁵ Ne kupuna mwa Yesu Kristu oyo ne mukanilizya mwaminifu, muzyalwa we kwandya we bhafwile, ne musugi we bhami bhe bhwelelo eyane, kwoyo alibhutusime nekandi ali bhutubhoholole kupuna mumabhi gitu kumagazi gamwe. ⁶ Alibhutugeme kubha bhwami ne bhagabhizi mwa Mungu Dada wamwe, kwawe liliyo ikuzyo sihamwi ne bhudula bhwelelo ne bhwelelo Amina. ⁷ Mulinge ekwizya ne malunde ne linso tyelyo lyona lilakamubhona, ne kwabho bhona abho bhalamusoma ne nganda zyona zye mubhwelelo zilakapondoka nkungwe kulwe kuwamwe ee Amina. ⁸ One ndi Alfa ne Omega, ekuyomba mukama Mungu, oyo aliho ne oyo aliho,ne oyo ekwiza oyo ne we bhudula. ⁹ One Yohana mudugu winu ne umwi we kusangila sihamwi ninu magalalo ne mubhwami ne kwiyomelezya okwo kuli muli Yesu; nali mu [kisiwa] sye Patimo kulwigambo lye Mungu ne kulwe bhukanilizya bhwe mwa Yesu. ¹⁰ Nali nisimbilile mukimwizo kulusiku lwe mukama, ndabha nomvwa numa yane silaka sye higulya kati sihembe. ¹¹ Silaka syayombanga oti ugandike musitabho ago wekubhona nekandi ugatume kumakanisa musamvu, kuzya Efeso, kuzya Simirina,kuzya Perigamo,kuzya Thiatra, kuzya Saridi, kuzya Laodikia." ¹² Ndabhanikebhela kulinga oti ne silaka syemwande esyo syayombanga none, ndabha napiluka ndabhona matala musamvu ge dhahabu. ¹³ Hakati yagone matala musamvu ndabhona aliho muntu webhwikole kati mwana we muntu, ali bhwambale nkanzo ndele yebhuhike mumagulu gamwe ne ali ibhohile mukobha gwe dhahabu musifubha syamwe. ¹⁴ Mutwe gwamwe ne misasi zyamwe zyali zyepe kati bhusufu nekati [theluji], ne minso gamwe gali kati lulabhi lwe mulilo. ¹⁵ Ngele zyamwe zyali kati shaba ye bhukulusibhwe munone, ne kati shaba ayo yili bhuhitibhwe mumulilo, ne silaka syamwe syali kati silaka sye minzi minki ago gekuselema lubhilo. ¹⁶ Ali akwatilile nsonda musamvu mukubhoko kwamwe kwe bhulyo, ne mumulomo gwamwe yalimo panga nogi ye bhunolwe habhili eno ne no, bhusyo bhwamwe bhwalabhagilanga kati mwangalazima gwizyobha. ¹⁷ Ndabha namubhona ndagwa hansi kumagulu gamwe kati muntu we bhufwe alankwata hamutwe ne kubhoko kwamwe alayomba oti utakobhaha one ndi wekwandya ne wekwihelezya. ¹⁸ Nekandi ndi muhanga nali nafwile otine ndi muhanga bhwelelo ne bhwelelo nekandi ndine nfugulo zye kufwa ne zye kuzimu. ¹⁹ Alilelo nugandike ago galiho nekandi ago alakabhaho hanuma yagane. ²⁰ [Siri] yezyo nsonda musamvu ezyo wali wazibhona mukubhoko kwane kwe bhulyo, ne kwesyo [sinala]sye tala musamvu sye dhahabu nsonda musamvu ne bhamalaika bhago makanisa musamvu ne tala musamvu ngenago makanisa musamvu."