¹ Yabhanga aho Yesu amalakubhutwa mubethelehemu ye bhuyahudi munsiku zye mwami Herode bhantu bhebhusome kuufumilakiyayehale bhalahika Yerusalemu bhakuyomba oti, ² "Alihahe oyoabhutilwe mwa miwe bhayahudi? Kulwekubha tulaibhona nsondayamwe eyokiya nifwelelo twizile kumwisenga. ³ mwami Herode alabhaomvwaagomaga mbo alapinihalasihamwi ne Yerusalemu yona. ⁴ Herode alabhabhilinga bhukulu bhonane bhe bhagabhizi sihamwi ne bhandisi bhe bhantu, alabhabhuzya mukubha oti angu Yesu Krisitu akubhutilwa hahe?" ⁵ Bhalamubhwila oti Mubethelehemu ye Bhuyahudi, mukubha oti ngomwo ilandikilwa ne muhangizi. ⁶ Nobhe Bethelehemu mu nsi ye Yuda utalimudo mubhami bhe Yuda kulwekubha kufumilila kuwako alakiza mwami oyo alabhangalile bhantubhane Israeli." ⁷ Nahe Herode alabhalanga abho bhantu bhasomi mubhwibha ne alabhabhuzya mukubha oti ne makanzasi munomuno eyone nsonda iligela? ⁸ Alabhalagila kuzyayo bhethelehemu alabhabhwila oti nemuzye ne bhwengelele muzyemumubhone oyomwana abhutilwe olomulakubha mwamala kumubhona mundetele mpola none nzyeyo nzye mwisenge." ⁹ Yaliahabhamala kumwivywa oyo mwami bhalakwata nzila kuzya nelugendo lwabho ne nsonda eyo bhalibhaibhwenekiya ilazya mubhutonzi bhwabho ilazya kwimilila aho ayo mwana aliabhutilwe. ¹⁰ Ahabhaibhona eyo nsonda bhalihalala bhwihalale bhukulu muno. ¹¹ Nabhebhalingila munumba bhalamubhona oyomwana ali abhutilwe, nekandi bhalamubhona ne nina Mariamu bhalinama bhalamwisenga, bhalabhoholola ntangala zyabho bhalamufuha dhahabune bhubani, ¹² Mungu alabhakemezya musiloti kubha bhatakusubha mwa Herode kandi, nabhe bhalasubhamunsi yabho nahe bhalahita nzila indi. ¹³ aha bhamalakuvwayo malaikawemwamukama alizamwa Yusufu kuhitila musiloti alamubhwila oti bhuka umusolemwana sihamwinenina mwilukile Misri muzyemwikale eyone kuhika ahondakabha nabhabhwila, kulwekubha Herode akubhukizya kumukobha oyo mwana amukenagule. ¹⁴ yalimubhufuku obhwone Yusufu alahalamuka alamusolamwana sihamwine nina bhalabha bhilukila Misri. ¹⁵ Yusufu alikala Misri kuhika aho Herode alabha avulala, esyane silahikilizya esyo mukama ali ayombile kuhitila muhangizi, oti mkufumilila Misri namlangile mwanawane." ¹⁶ Herode aha abhonakubha agailzibhwa nabho bhantu bhasomi alasyahala muno. Nawe alalagliza oti bhihagwe bhana bhagosya bhonane abho bhalimo mu Bethelehemu bhekubhukila myika ibhili nekuhikila oyoazyelwe bhulelo, mukubha oti alapimila makanza ago aliamazilekuyombanabho bhasomi. ¹⁷ Nge ahogukabhagwahikilzibhwa ogwo muhayo gulayombwa ne muhangizi Yeremia. ¹⁸ silaka kufumilila lamah, nkungwinkulumuno Raheli ekulililabhanabhamwe ne alakema kuhulisibhwa kulwekubha atakubhabhonakandi." ¹⁹ yabhanga aha Herode amala kuvulala malaikawemwamukama alamubhwila Yusufu musiloti eyo Misri alayombaoti. ²⁰ bhukaumusole mwanasihamwinenina muzye munsi ye Israeli kulwekubha abhobhakobhangabhuhangabhwemwana bhavulazile. ²¹ Yusufu alabhuka alamusola mwana sihamwi ne nina ne bhaliza munsi ye Israeli. ²² Aho alabhaimvwamukubhaoti Erikilau alimwami munsi ye Yuda aho ali isye Herode alobhahakuzyayo kulwekubha Mungu alamubhwila ne kumubhonwyamusiloti alabhukakuzya lwande lwe galilaya. ²³ nealazyakwikala musyalo esyosyalangangwa Nazaleti. eyane ilahikilizya esyosyali syamazilekuyombwa ne bhangizi oti alakalangwa munazaleti.