¹ Sitabho sye bhokoo bhwemwa Yesu Kristo mwana we mwa Daudi mwana we mwa Ibrahimu. ² Ibrahimu ali isye we mwa Isaka, ne Isaka isye we mwa Yakobo ne Yakobo isye we mwa Yuda ne bhaduguye. ³ Yuda ali mwana we mwa Peresi ne Sera mwa Tamari, Peresi isye we mwa Hezironi ne Hezeroni isye we mwa Ramu. ⁴ Ramu ali isye we mwa Aminadabu Aminadabu isye we mwa Nashoni ne Nashoni isye we mwa Salimoni. ⁵ Salimoni ali isye we mwa Boazi mwa Rahabu Boazi isye we mwa Obedi mwa Ruth, Obedi isye we mwa Yese, ⁶ Yese ali isye we mwa mwami Daudi. Daudi ali isye we mwa Sulemani mwa muka Uria. ⁷ Sulemani ali isye we mwa Rehoboamu, Rehoboamu isye we mwa Abia Abia isye we mwa Asa. ⁸ Asa ali isye we mwa Yehoshafati, Yehoshafati isye we Yoramu ne Yoramu isye we mwa Uzia. ⁹ Uzia ali isye we mwa Yothamu, Yothamu isye we mwa Ahazi, Ahazi isye we mwa Hezekia. ¹⁰ Hezekia ali isye we mwa Manase, Manase ali isye we mwa Amoni ne Amoni isye we mwa Yosia. ¹¹ Yosia ali isye we mwa Yekonia ne bhakuluye aho bhalabha bhasolwa kuzya Babeli. ¹² Ne ahabali bhamaze kusolwa kuzya Babeli, Yekonia alabha isye we mwa Shatieli, Shatieli abhangukuye we mwa Zerubabeli ¹³ Zerubabeli ali isye we mwa Abiudi, Abiudi isye we mwa Eliakimu ne Eliakimu isye we mwa Azori. ¹⁴ Azori ali isye we mwa Zadoki, Zadoki isye we mwa Akimu ne Akimu isye we mwa Eliudi. ¹⁵ Eliudi isye we mwa Elieza, Elieza isye we mwa Matani ne Matani isye we mwa Yakobo. ¹⁶ Yakobo ali isye we mwa Yusufu mulume we mwa Mariamu hoyo kuhitila awe Yese alazyalwa oyo ekulagwa Kristo. ¹⁷ Vizyele vyonane kufumilila mwa Ibrahimu kuhika mwa Daudi vyali vizyele ikumi ne vine, ne kufumilila kusolwa kuzya Babeli kuhika mwa Krisitu vizyele ikumi ne vine. ¹⁸ Kuzyalwa kwe mwa Yesu Kristu kwabhanga oti ninawamwe Mariamu alalehibhwa ne Yusufu ne aha bhalibhasyali kubha halumwi alamanikakubha oti alibhutimbe habhuudula bhwe Mwizo Mutakatifu. ¹⁹ Yusufu musumbawamwe ali buntuwe (haki) atalasima kumupondeka nsonimbele ye bhantu alakobha kubhuleka bhwilehibhwabho mubhwibha. ²⁰ Ahoabhanga mukwiganika agonemiganiko Malaika we mwa Mukama aliza musiloti alamubhwila oti," Yusufu mwana we mwa Daudi utakobhakumusola Mariamu kubhamukazi wako kulwekubha bhutimbe obhoalinamwo nbhwekufuma mubhudula bhwe Mwizo Mutakatifu. ²¹ Akubhuta mwana mugosya ne ulamwilike izinalwamwe Yesu kulwekubha akubhasahulula bhantu bhamwe ne mabigabho." ²² Aganegona gabha otine kuhikilizya muhayo ogwo gulayombwane Mukama kuhitila nzilaye muhangizi kuyomba. ²³ Mulinge mwanike alabhebhutimbe ne alabhute mwana mugosya ne bhalamulangane izinalwamwe Imanueli"-- mukulazyakubhaoti Mungu alisihamwinitu. ²⁴ Yusufu alahalamuka kufuma mutulo nealagema katiomwo malaika we mwa Mukama omwoalamubhwilila,ne alamusola Mariamu kubha mukaziwamwe. ²⁵ Nekandi atalagonanage nololusikulumwi kuhika aho alabhaabhuta mwana mugosya ne alamwilika izina lyamwe Yesu.