1 Fanui ugikanisa ra Antiokia, nare guna aoni na aalimu. Nare Barnaba, Simioni(nare guetranwa Nigeri). Lukio na Kirene, Maneni(monyadughu neatriketri saghami wama Herode motrongeri wamokoa), bna Sauli. 2 Nare vomorumba Bwana na ufunga, Mwahu Mweru agahanya, "Vabaghui umpeo Barnaba vina Sauli, vehende mwemo nare navaetranea." 3 Ighondo nare Kanisa afunga, uomba, na ueka meghono awe gunto aantu avai, vavareka viende. 4 Gwahiyo Barnaba vina Sauli vamoghembie Mwahu ne Mweru navegagungutra uenda uu Seleukia; Ufuma kuko vegahenda muhenjo ubahari uenda ugesiwa ga Kipro. 5 Nare vomuji wa Salami, vegahanya ukhani wa Mungu uma sinagogi aa Ayahudi. Pia nare vina Yohana Marko ginya monyoareya wawe. 6 Nare vaenda ugesiwa gong'e ga Pafo, vegahanga montu fulani moroghi, Moyahudi muoni wauegheghe, rina rakwe nare Ber Yesu. 7 Moroghi uyui nare veetrambe remwedu vina Liwali Sergio Paulus, nare montu monyo ihaa. Montu uyui agavareka Barnaba vina Sauli, gwa soko nare uhitaji ughemba ughani wama Mungu. 8 Lakini Elima"moroghi uyoo"(oi ndio rina rakwe ginya nare rahanyiywe) agavaghua; aagasoya umoferokeya liwali uyoo afume uguhuvei. 9 LakiniSauli nare guetranwa Paulo, narewiijuwe na Mwahu Mweru, wamoghamecha miho 10 na wahanya "Veve mwana wama Ibilisi, uijuywe na aina yong'e auegheghe na ugharao. Veve omove wakela aina a haki. Utrijukoma uiferokeya njea yama Bwana, niighokie, aha ujudaha na? 11 Fanui rava, moghono wama Bwana wegunto ako, na ujuhendeka utriona. Utrijureona yova gwa muda" mara emwedu ighungo na kitri vegagua gunto ama Eliamas; agaandia uzunguka hafo naneguomba antu vemotrongerie njea. 12 Baada aliwali uona intu neragighea, agahuvea, gwa soko agasangaywa na mafundisio uhusu Bwana. 13 Paulo na marafiki vakwe vahenda muhenjo umaje ufuma uu Pafo na vaghea Perge uuu Pamfilia. Lakini Yohana agavareka nawasuka Yerusalemu. 14 Paulo vina jamaa wakwe vahenda muhenjo ufuma Perge na vaghea Antiokia aa Pisidia. Kuko vegaenda itriku ra Sabato navaeghaa fang'e. 15 Baada osoma seria na aoni, atrongeri va sinagogi agavatromea ketri guhanya, "Monyadughu, mwese moketri ketri otia moyo antu afai, hanyi" 16 Gwa hiyo Paulo agaemeka nawafungea moghono; wahanya, "Aghosia va Israeli na antu nemomotii Mungu, treghei. 17 Mungu waantu va Israeli agavahonwa va tratra vitru na uvahenda antu nevaingi nareveghee ung'e aa Misri, na gwa moghono wakwe uhumbuwa agavatrongeria unji akwe. 18 Gwa meagha arobaini agavaghemeya ugijangwa. 19 Baada uyavira mataifa saba ung'e a Kaanani, agavafa antu vetru ng'ee awe gwa urithi. 20 Matukio ayai ong'e egahendeka zaidi ameagha mia nane na hamosini. Baada amantu ayai ong'e,Mungu agavafa aamuzi mpaka Samweli Muoni. Baada ayai, antu vegamuomba motremi, Mungu agavafa Sauli mwana wa Kishi, montu waikabila rama Benjamini, uhendeka motremi wameagha arobaini. Na Mungu nare wamoheya uguutremi, agamuhumbua Daudi uhendeka motremi wawe. Nare uhusu Daudi kwamba Mungu agahanya, 'Namohanga Daudi mwana wa Yese uhendeka montu neuyajiswa na nkhoo ane; nechu ujuhenda mointu neneseghetre.' 23 Ufuma uguukoo wamontu uyui Mungu wameetrea Israeli mochoi, Yesu, ginya nare waahidi uhenda. 24 Erei raandiye uhendeka , nare Yesu ake atrinaja, Yohana tranju wahanyiye ubatizo wa toba gwa antu vong'e va Israeli. 25 Na Yohana nare gumareya mwemo wakwe, wahanya, ' Moghema nene neanyu?nene ntuyo. Lakini ghembi, neujie unyuma ane, ntisitahili ulegeza matru ameeghuu ane.' 26 Monyadughu, ang'inya va ukoo wama Abrahamu, na avoo nechu moghatre anyu momorumba Mungu, ne gwa soko itru kwamba ketri iyei aa uchoi wamotroma. 27 Gwa avoo nevodova Yerusalemu, na anyotrawala, vetrina momanya ijaa, na vetrina manya ketriaa aoni nechu yosomwa mo Sabato; gwa hiyo vatimiziye ketri aaoni gwa gumukumea Yesu. 28 Ila nare vetrina hanga soko nenjija gwa ikuya moghatre akwe, vegamuomba Pilato vemouuraghe. 29 Nare vadaha mantu ong'e nare ehadewe uhusu mweso, vegamosimia ufuma omotre na vamorencha ugikaburi. 30 Lakini Mungu agamochoa ufuma ikuya. 31 Agagighea gwa matriku maingi gwa avoo narevaendie itrambe remwedu nayo ufuma Galilaya uenda Yerusalemu. Antu avai fanui ne masudanga va antu. 32 Oi guvaetrea ghabari njinja uhusu ahadi nevafiwe vatratra vitru. 33 Mungu agaeka ahadi iyii gune see, ang'iya vawe, gwa resee agamoucha Yesu na umosucha kanke uguufanga. Naerei no rahadewe uu Zaburi agavere: 'Veve u Mwanane, reo nahendeka ne Tratra wako' 34 Uhusu trutri wamouuchiye ufuma ugikuya ili kwamba mwere wakwe utraefe, waeghetria vii: 'Nijugufa uweru na baraka nenyeso yama Daudi' 35 Eyei ndi soko wahanya u zaburi mbuya, 'Utrijumoruhusu mweru wako aone ughori.' 36 Gwa soko baada ama Daudi utromekea mafenji aa Mungu uguufafo wakwe, agaraa, agarenchwa itrambe remwedu na tratra vakwe, na aga uona ovee, 37 Lakini newauchiywe na Mungu atrina ona ovee. 38 Oi na emanyeke gune nyee, anyadughu, ukerea montu uyui, mosamaha wa mahutie watranantwa. 39 Gwa mweso momontu neguhuvea uguvareywa haki na mantu ong'e nechu seria ama Musa mwesenare itrina vafa haki. 40 Oi hendeki moanyorava kwamba intu nevareeeghetiye aoni getrajuhendeka gune nyee: 41 'Ravaa, nyenye nemozarau, na mwendo shangaa na mwendo kuya; gwa soko nohenda mwemo gwa matriku anyu, mwemo nemotrodaha uhuvea, hatra kama montu ujuvaera." 42 Ighondo Paulo vina Barnaba narevafwaya, antu vajusegha hata veeghetie nkhani hatra itriku ra Sabato neeijie. 43 Ighondo ra mokutrano wa sinagogi narewahia, Ayahudi vangi na antu nevaokokie vegavasambeya Paulo na Barnaba, nechu nare vaeghetia nayo na vegavahimiza veendele u neema aa Mungu. 44 Sabato neefuatie, ighetri moji wong'e ugagirunda ughemba ukhani wa Mungu. 45 Ayahudi nare vaona mwirundo, vegaijuwa na ovee na vaeghetia nkhani neyohitra mantu neahanyiywe na Paulo na vegamotroka. 46 Lakini Petro vina Barnaba vegaeghetia bila utreja na vahanya, "Nre mohimu kwamba ukhani wa Mungu rehanywe tranju gune nyee. Gwa soko more jughutra kwengi ufuma gune nyee namwagiona kwamba mostahili ufanga wa ghae na ghae, ravii gujuvasukea mataifa. 47 Ginya Bwana neuguamuru, wahanya, 'Navaeka nyenye ginya werugwa antu vamatifa, kwamba muetre uchoi gwa pande yong'e yauremi." 48 Mataifa nare vatregheya ayai, vegahanya navarehumbua ineno rama Bwana. Vingi vegaywanwa gwa ufanga waghae na ghae vegahuvea. 49 Ukhani wama Bwana regaghea ng'ee ong'e. 50 Lakini ayahudi vegavera nevagifunyiye na aghema muhimu, na atrongeri va muji. Ayai neahongee maghaseko gunto ama Paulo Barnaba na vegavajughutra unji aa mefaka aa muji. 51 Lakini Paulo vina Barnaba vegaghununta vumbi umeghuu awe. Navaenda omuji wa Ikonia. 52 Na anafunzi vegaijuwa na uyanjo itrambe remwe na Mwahu Mweru.