¹ Uu gwa soko, Kristo wakhasikiee umwiri, giyechi gwa maghemo ayayo. Gwa muntu gikaku niwakhasiywee u mwiri warakanukiee na mahutye. ² Gwa soko, muntu niuginya usuuv ikhondo rakwe niritisaghiee ufuma u mwiri, atiugikhaa kanki u maghemo ni mavi aantu, nyeso ugugikhaa u mafenji nimaja a Mungu. ³ Gwa ikhondo nirakiaa adahikaa utenda mantu niantu nivitimuhuvie Kristo viutenda ufisadi, maghemo nimavi, ughari, uraku, sikunkuu yo kitri na ibada ya miungu niumuhurisya Mungu wa tutri. ⁴ Vikengee ni mbira mbira nimugisasucha utenda mantu asaa itambi rimwe mwinawe, uviuhsnya mantu nimavi gini vanyee. ⁵ Vijofunya mbisia yao gini uiyoo ugufunya iramuou gwaantu ni vafanga nani akuyi. ⁶ Gwa ighemo iriyi ukhani ukatanantywa gwa antu ni vakuee, uvikahukumiwa umiri awe ginya antu, uvidahe ugikhaa ginya Mungu unkhoo. ⁷ Mpeo a mantu ong`e aja. U noo muhange umanya, nirikhondekiee, natrendeki mwina maghemo ni maja umarombi anyu. <sup>8</sup> Gunto a mantu ong`e tendeki mwina uyanjo u mumuntu, u soko uyanjo utufenja urughua mahutye aauya. ⁹ Giaghii ugifa mantu u mumuntu nigutii mwirumo. ¹⁰ Ginya muntu wafokee dahwa, mitendei mwimo ugiariya, niitendeke ginya aimikii nivaja dahwa ninyingi niyafunyiywe ndende na Mungu. ¹¹ Ni mwese muntu waighitiaa niatendeke ginya masiyo a Mungu, nani mpese muntu watumikaa, niatendeke ginya udaho niwafiwee na Mungu, adahe ukurywa ukiria Yesu Kristo. Weeru na udaho gini mweso khae na khae. Amina. ¹² Anyandughu mutavarye isoya niriujaa ginya intu nirighenyi, uni gwina intu nirighenyi niriujaa utendeka guni nyenye. ¹³ Uginya muendelee umanya makhasio ama Kristo, yanji, unoo muyanye naurimanga ugu urughuo wa ueru wakwe. ¹⁴ Uni mwese mwatukwaa gwa soko a rina rama Kristo. Mwafiwee mboto, gwa soko ankhoo autukufu na nkhoo a Mungu iuikhaa gunto a anyu. ¹⁵ Nyeso atagikhee muntu niugukhasywa ginya muuraghi, muhimbi, munyotenda nimavi, unoo munyotenda mantu aauya. ¹⁶ Nyeso nimpese muntu ugukhasywa gina Kristo, ataone minyaa, uamukurie Mungu urina risii. ¹⁷ Gwa soko ikhondo ragheaa gwa irakanuo uandia unyumba a Mungu. Na ginya uandia gini see, ujotendeka uri uguavoo nivituhuviaa uguukhani wa Mungu? ¹⁸ Na ginya "munya tutri uguheywa ukiria ni makaku ijotendeka uri u muntu ni ti watuti na munya mahutye"? ¹⁹ Uavoo nivukhasywa soko a mafenji a Mungu vamufiee Mungu nkhoo yawe viutenda mantu atutri sa kunu viutenda nanimaja.