¹ Echitabho cho oruganda rwa Yesu Kirisito omwana wa Daudi, omwana wa Ibrahimu. ² Ibrahimu akabha ali tata wa Isaka ,na Isaka tata wa Yakobo,na Yakobo tata wa Yuda na bharumuna bha wenene. ³ Yuda akabha ali tata wa Peresi na sera ahali Tamari, na Peresi tata wa Hezironi, Hezironi tata wa Ramu. ⁴ Ramu akabha ali tata wa Aminadabu, Aminadabu akabha ali tata wa Nahishoni, Nahishoni akabha ali tata wa Solomoni. ⁵ Solomoni akabha ali tata wa bn Boazi ahali Rahabu, kandi Boazi yazara Obedi ahali Ruti. Obedi akazara Yese, ⁶ Yese niwe yazaire Omukama Daudi. Daudi akazara Solomoni ahali muka Uria. ⁷ Solomoni yazara Rehoboamu, Rehoboamu yazara Abiya, Abiya yazara Asa. ⁸ Asa akazara Yehoshafati, Yehoshafati yazara Yoramu, kandi Yoramu yazara Uzia. ⁹ Uzia yazara Yotamu, Yotamu yazara Ahazi, Ahazi yazara Hezekia. ¹⁰ Hezekia akazara Manase, Manase yazara Amosi, Amosi yazara Yosia. ¹¹ Yosia yazara Yekonia n'abharumuna, obhwo Isiraeli yabheire netwarwa Babiloni omu buzahe. ¹² Orwo Isiraeli yabheire yatwerwe Babiloni omu buzahe: Yekonia akazara Shealisieli, Shealisieli yazara Zerubabeli. ¹³ Zerubabeli akazara Abiudi, Abiudi yazara Eliakimu, Eliakimu yazara Azori. ¹⁴ Azori akazara Zadoki, Zadoki yazara Akimu, Akimu yazara Eliudi. ¹⁵ Eliudi akazara Eleazari, Eleazari yazara Matani, Matani yazara Yakobo. ¹⁶ Yakobo niwe yazaire Yozefu iba Maria, Maria ayazaire Yesu owo beta Kirisito. ¹⁷ Mpaho abhagurusi bhona kwema ahali Aburahamu kugobha ahali Daudi bali 14. N'okwema ahali Daudi kugobha obhwo Isiraeli yatweirwe Babiloni omu buzahe bhakabha bhali bhagurusi 14. Kwema orwo Isiraeli yabheire yatweirwe omu buzahe kugoba ahali Kirisito nabo bagurusi 14. ¹⁸ Okuzarwa kwa Yesu Kirisito kukagenda kuti: Obhwo Maria, nyina, yabheire naselerwa Yozefu, batakaikeire hamo, Maria abhoneka aine enda omu bhusobhora bhwa Mwoyo Arikwera. ¹⁹ Yozefu musaijawe, okwu yabheire ali muntu mugorogoki, mara atakugonza kumukwasa nsoni, yaramura kumutaisura omu nselekwa. ²⁰ Kayabheiire achatekeleza echigambo echo, omumalaika w'Omukama amuhabhukira omu kiroto, nagamba ati, “Yozefu mutabhani wa Daudi, otatina kutwara Maria k'abha mukazi wawe; aha bhe'okuba enda ey'atweire ajijizire omu bhusobhora bhwa Mwoyo Arikwera. ²¹ Arazara omwana w'omwojo, eibhara oramweta Yesu, kuba alirokora abhantu omu mafu gabho.” ²² Ebi bhyona bhikabhaho kugobeshleleza echo Omukama yabhaire agambire omu kanwa k'omurangi ati, ²³ “Lebha omubhikira alitwara enda, mara azare omwana w'omwojo, n'eibhara bhalimweta Emanueli” (nikwo kugamba oti Katonda asingiire omuli itwe.) ²⁴ Obhwo Yozefu yasimukire, akora nk'okwu omumalaika w'Omukama yabheire amuhangiire. Atwara omukaziwe, ²⁵ chonka tiyaraire nawe kuhika obhwo yazeire omwana w'omwojo. Yozefu omwana ogwo eibhara akamweta Yesu.