¹ Kibhamazire akabha ariyo echirochikulu cha Abhayuda, na Yesu agenda Yerusalemu. ² Nokwo Yerusalemu akabha ariyo ebhinika amuryango ge entama, akabha nietwa omukugambha kwe Ekiebrania Bethzatha, naryo rine ebhichweka bhitano. ³ Akabha ariho abhantu bheingi bharwehire anka, abhatakurebha, abharema, abhajunzire abhabheire bhanyamire omuchichweka echo. {Kwata:ebhigambho bhye echipapura cha 3 tibhikuzoka mubhihandiko bhya bhyeira. ''Bharinda ameizi kutabhangurwa.') Amazima akanya kabha nkagobha maraika naja omunda ya Katonda navurungura ameizi ⁴ Chityo, eyabheire nabha wa mbhere kutaha omumeizi maraika kiyabheire yamazire kutabhangura ameizi akabha neicha kurengasaniza na chona chona echirabha chimukwasire omukanya ako. ⁵ Omuntu omo eyabheire arweire omukanya ke emyaka gasatu na munana akabha aryaho. ⁶ Yesu kiyamubhweine anyamire hao kiyamanyire kubha abheireho akanya keingi Yesu amugambhira, ''Isi noyenda kwicha?'' ⁷ Ogwo omurweire amuorora, ''Mukama tinyine muntu, wakunta mubhinika omukanya ka ameizi kutabhangurwa. Kikubha ninyenda kutahamu omuntu ondijo nantanguria.'' ⁸ Yesu amugambhira, ''Imuka okwate egodoro yawe ogende.'' ⁹ Aho omuntu ogwo ehicha, akata ebhinyamiro bhya wenene agenda. Chikabha chiri chiro cheirimansi. ¹⁰ Abhayuda bhamugambhira ogwo eyeichiswa, ''Chirechi neirimansi, tichiseine kueka egodoro yawe.'' ¹¹ Ahorora, wenene eyanyisicha niwe yangambhira, ''Kwata egodoro yawe ogende.'' ¹² Bhabhaza, ''Nohi eyakugambhira 'Kwata egodoro yawe ogende?''' ¹³ Tiwakumanya, orinya eyeichiswe taramumanyire, kubha yesu akarugaho omukwesereka. Kubha akabha ariho abhantu bheingi omuchichweka echo. ¹⁴ Kibharugiraho Yesu amusanga orinya omuntu omukanisa amugambhira, ''Rebha,weicha! ''Otarikora bhibhi bhundi oteija okatangwana ebhibhi kusaga.'' ¹⁵ Orinya omuntu agenda agambhira Abhayuda kubha Yesu niwe yamwichisa. ¹⁶ Abhwebhintu ebhyo Abhayuda bhakamuangaisha Yesu, kubha ngu akakora ebhintu ebhyo omwirimansi. ¹⁷ Yesu abhagambhira, ''Tata wange nakora emirimo mpaka ati nanye nikora emirimo.'' ¹⁸ Abhwensonga ejo Abhayuda bhakongera kumuiga bhabhase kumwita tikwita irimansi, nanokweta Katonda Tata wa wenene, kwekora nasana Katonda. ¹⁹ Yesu ahorora, ''Mumanye, mumanye, Omwana takukora chintu echatabhweine ise nakola, kubha chona chona Tata echakukora nicho nomwana akukora. ²⁰ Kubha Tata eine egonzi amwanawe, namwereka bhurichintu echakukora najakumweraka ebhintu bhihango kusaga ebhi mugenderere kurangara.'' ²¹ Nko kwo Tata azikura abhafu nokubhaha obhurora, omugeri echo omwana nawe naha wena wena owakwenda. ²² Kubha Tata naramura wenawena, bado amueire omwana kuramura kwona ²³ Abhase kukunirwa na bhona omwana nkwo Omwana okwa kukunira Tata. Wenene atakukunira omwana takukunira na Tata eyamutumire. ²⁴ Yesige, yesige, wena wena akuurira echigambho change no okwesiga wenene eyantumire eine obhurora obhutariwaho tariramurwa. Sana, yarabhamu kuruga omurufu kuja obhurora. ²⁵ Yesige, yesige, nimbhagambhira akanya nkajakugobha abhafu mbhajakuurira eiraka ryo Omwana wa Katonda, na bhona abharahurira bharagira obhurora. ²⁶ Nko kwo chiri Tata eine obhurora omunda yawenene wenka, ²⁷ Amuheire omwana kugira obhurora omundaye, na Tata amueire omwana ejubhuro abhase kuramura kubha no omwana wa Adamu. ²⁸ Mutasobhezwa nechi, kubha akanya nkajakwija abhafu bhona abharyomubhituro mbhajakuhurira eiraka rya wenene ²⁹ nabho mbhajakuja aheru: abhakozire ebhirungi okuzikurwa okutawaho,na abhakozire ebhibhi okuzikurwa okwo kuramurwa. ³⁰ Timubhasa kukora chintu chona chona kuruga omuri nyawe nyeka. Nko okukuhurira, nkwo nkuramura ne okuramura kwange no obhugororoki kubha tikuhiga egonzi zange, sana engozi zorinya atumire. ³¹ Kidayejurira inye, obhujurizi bhwange tibhweine mazima. ³² Ariyo ondijo akujurira ahali nyawe nimanya obhujurizi obhwakujurira na amazima. ³³ Mtwekire ahali Yohana nawe ajurire amazima. ³⁴ Chiri chiti, obhujulizi obhwokubhona tibhukuruga amuntu. Nigambha ebhi mubhase kurokorwa. ³⁵ Yohana akabha aryetara ekabha neyaka no okumeremeta, mkabha mwenzre kujisemererwa omukanya kake omusana gwawenene. ³⁶ Okujurira okwonyine nikuhango kusaga okwa Yohana, emirimo Tata eyampeire kumara, ezo emirimo ezinkukora nizijuliza nko kwo Tata atumire. ³⁷ Tata atumire wenenen najurira ajurire ahali nyawe. Timukahuriraga eiraka ryawenene nokurebha okwakozire akanya konakona. ³⁸ Timwene echigambho echokwikara omunda yanyu kubha timukwesiga wenene eyantumire. ³⁹ Nimurebha ebhihandikirwe nimumanya omunda yabhyonene arimu obhurora bhutariwaho, nebhyo ebhihandiko nibhijurira nyawe na ⁴⁰ timukwenda kwija owange mbhase kubhona obhurora bhutawaho. ⁴¹ Tikwenda kwebhona kuruga abhantu, ⁴² Chonka nimanya kwambha tarimu ngonzi za Katonda omunda yanyu imwe. ⁴³ Neija abhwe eibhara rya Tata yange, timurabhasize kunyegeza. Kiyakwizire ondijo abhwe eibhara rya wenene mwakumunyegeize. ⁴⁴ Isi mwakubhasa mta kwesiga imwe abhokukwata ebhitangaro kuruga ahali bhuri muntu timukuiga ebhitangaro ebhikuruga owa Katonda obhutakusaniswa? ⁴⁵ Mutamanya ngu nyawe nijakubhatwejera omumeiso ga Tata. Akubhatwejera imwe ni Musa, ohumuteireho okwesiga kwanyu ahali wenene. ⁴⁶ Kimwakubheire nimwesiga Musa, mwakwesigire nanye kubha akahandika ebhigambho bhyange. ⁴⁷ Kimurabha mutakwesiga ebhihandiko bhyawenene, mrabhasa muta kwesiga ebhigambho bhyange.?