¹ Yesu kiyamanyire kubha Amafarisayo bhaurira yesu yabha narangirira no okubhatiza kusaga Yohana, ² (chonka Yesu wenene akabha atakubhatiza sana abhagesibhwa bha wenene), ³ akaruga Judea agaruka Galilaya. ⁴ Chityo chikabha chiseine kurabha Samaria. ⁵ Akagobha omuchigo cha Samaria, ugokweta Sikari, akabha ari ehi ne echibhanja cha Yakobho echiyaehire omwanawe Yusufu. ⁶ Echisima cha Yakobho chikabha chiryaho.Yesu akabha aremirwe obhwo orugendo asitama ehi ne echisima.bhukabha bhuri bhwamusana. ⁷ Omukazi wo omusamaria akeija kutaha ameizi,na Yesu amugambhira, ''Mpa ameizi nywe.'' ⁸ Obhwokubha abhegesibhwa bhawenene bhakabha bhagenzire omuchigo kugura echakurya. ⁹ Ogwo omukazi amugambhia, ''Chakubha chita iwe Omuyuda, kunsabha nyawe omukazi wo Omusamaria, echintu cho okunywa?'' Kubha Abhayuda tibhakutairana na Abhasamaria. ¹⁰ Yesu amuorora, ''Kiwakubha nomanya ekaramaa ya Katonda,nogu akakugambhira 'Mpa amaizi, 'wakumusabhire, yakukuehire ameizi go obhurora.'' ¹¹ Omukazi ahorora, ''Katonda tweine endoa yo kutaisa, echisima ni chireingwa,Nojakugehiyai Ameizi go obhurora.? ¹² Isi iwe oryomukuru, kusaga tata weitu Yakobo, eyatueire echisima echi, na wenene na abhana bhawenene amo ne ebhitunganwa bhyawenene bhanywe ameizi ge echisima echi?'' ¹³ Yesu ahorora, ''Wena wena akunywa ameizi aga taribhona iriho kandi, ¹⁴ Chonka wena wena aranywa ameizi agindamuha taribhona iriho kandi.Chirabha chiti ameizi agindamuha ngajakubha enchuro eira neira.'' ¹⁵ Ogwo omukazi amugambhira, ''Katonda, ningasabha ameizi ago ntaribhona iriho akandi, ntariyegombha kwija aha kutha ameizi.'' ¹⁶ Yesu amugambhira, "Genda oyete omuseija wawe, Arafu ogaruke.'' ¹⁷ Omukazi amugambhira, ''Tinyine museija.''Yesu aorora, Wagambhage, Tinyine museija,'. ¹⁸ Obhwokubha weine abhaseija bhatano,nomo oweine ati timuseija wawe.Ahali echi wagambha amazima!'' ¹⁹ Omukazi amugambhira, ''Katonda nimubhona kubha iwe oryomusurulirwa. ²⁰ Bata bheitu bhakeongera omwibhanga eri. Chonka imwe nimugambha kubha Yerusalemu nicho chichweka echabhantu bhasanire kwehongera.'' ²¹ Yesu amuorora, ''Mkazi, onyesige,akanya nkajakwija akimutarayehongera Tata omukabhanga aka nanga Yerusalemu. ²² Imwe bhantu nimuramya echimutarikumanya, chonka itwe nituramya echitukumanya, kubha obhurokozi mbhuruga omubhayuda.'' ²³ Nangu, akanya nkajakugobha, na ati oryaha, akanya abhokuramya omumazima mbhajakuramya Tata omumwoyo no omumazima, obhwokubha Tata naiga abhantu abhengeri eji kubha abhantu bhawenene abhokumuramya. ²⁴ Katonda ni mwoyo, na bharinya abhokumuramya bhasanirwe kumuramya omumwoyo na amazima.'' ²⁵ Omukazi amugambhira, ''Nimanya okwo Masiya neija, (akwetwa Kristo). Ogu kareija najakutugambhira bhyona.'' ²⁶ Yesu amugambhira, ''Nyawe ndinye.'' ²⁷ Omukanya ako abhegesibhwa bhawenene bhagaruka. nabho bharagara kubhaki nafumora no omukazi, Chonka tariho yarengeise kumubhaza, ''Noyendaki ?'' nanga ''Kubhaki nofumora nawenene.?'' ²⁸ Chityo omukazi asigaho echikeni cha wenene agenda omuchigo abhagambhira abhantu, ²⁹ ''Mwije murebhe omuntu eyangambhira ebhintu bhyange bhyona ebhinkozire, isi chakubhasika kubha niwe Kristo?'' ³⁰ Bharuga omuchigo bheija owawenene. ³¹ Omukanya ko omusana abhegesibhwa bhakamutagiriza mbhagambha, ''Rabhi orye echakurya.'' ³² Chonka wenene, ''Nyawe nyine echakurya echimutakumanya imwe.'' ³³ Abhegesibhwa bhagambhirana, tariho yamuretera echintu chona chona kurya, ''Isi bhakareta?''' ³⁴ Yesu abhagambhira, ''Chakurya change nokukora engonzi za wenene eyantwekire kumara omurimo gwawenene. ³⁵ Isi, timukugambha, 'Achabhuraho emyezi etano okusarura nkujakubha kwabheileo?' Nimubhagambhira murebhe amarimiro gabheireho kusarurwa! ³⁶ Wenene akusharura nakwata echitago narundana ebhirabha obhwo obhurora bhutawaho, akabhyara na akusarura bhasemererwe amo. ³⁷ Kubha engabha eji na amazima, 'Omo nabhyara nondijo nasarura.' ³⁸ Nkamutweka kusarura echimutarasasire, Abhandi bhakozire omurimo neimwe mutahire omumasemererwa go emirimo yabho.'' ³⁹ Abhasamaria bheingi bhakamwesiga omuchigo chirinya obhwe ebhigambho bhyorinya omukazi eyabheire najurira, '' Eyangambhire ebhintu bhyona ebhinakozire.'' ⁴⁰ Nangu Abhasamariha kibheizire bhakamutagiriza eikare amo na bhonene eikala na bhonene ebhilo bhibhil. ⁴¹ Na abhengi bhamwesiga abhechigambho cha wenene. ⁴² Bhamugambhira orinya omukazi, ''Nitwesiga timubhigambho bhyawe,kubha itwe bhenyewe tuhurire, na ati nitumanya niwe omurokozi wensi.'' ⁴³ Ebhiro bhibhili kibhyarabhireho, akagenda kuja Galilaya. ⁴⁴ Kubha wenene akabha arangire kubha omusururirwa nakunirwa omunsi yawenene. ⁴⁵ Kiyeizire kuruga Galilaya, Abhagalilaya bhakamunyegeza.Bhakabha bhabhweine ebhinyu bhyona ebhiyakozire Yerusalemu omubhiro bhikuru, obhwokubha na bhonene bhaka bhari omuchiro chikuru. ⁴⁶ Akeija emara endijo omuri Kana ya Galilaya ahidura ameizi kubha amarwa. Akabha ariyo omuafisa omo eyabheire eine omwana arweire okwo Kapernaumu. ⁴⁷ Kiyahurire Yesu yaruga Judea kuja Garilaya, akagenda owa Yesu kumutagiriza ashuke amwichise omwanawe, akabha arikake kufa. ⁴⁸ Niho yesu yamugambhire, ''Imwe kimutabhweine ebhinkukora ne ebhyokutinisa timwakwesiga. ⁴⁹ Omwebhembhezi agambha, ''Mukamaa oje ahansi omwana wange atakafire.'' ⁵⁰ Yesu amugambhira, ''Ogende omwana wawe eine obhurora.''Ogwo omuntu akesiga echigambho echiyagambhire Yesu ayegendera. ⁵¹ Kiyabheire nasubhayo ,abhakozi bhawenene bhamutangirira bhamugambhira omwana wawe yeichize. ⁵² Abhabhaza ni kanyaki akiyeichamu.Bhamuhorora, ''Nyeigoro omumuda gwe esaa mushanju omuriro gukamuteisura.'' ⁵³ Niho ise yamanyire kubha na akanya konene yesu akiyagambhire, ''Omwana wawe yeichize.' Chityo wenene no oruzaro rwa wenene bhakesiga. ⁵⁴ Echi chikamanyisa kubha no omuujiza gwa kabhiri yesu oguyakora kiyarugire Yudea kuja Galilaya.