¹ Kare echiro cha mbhere echokubhanza, gukabha guchari omwilima, Mariamu Magdalena akagenda achituro; abhona ririnya ehibhare bharihireho achituro. ² Aho ehiruka muno kuja owa Simoni Petro no owo omwegesibhwa ohu Yesu yabheire nayenda muno, abhagambhira,''Bhatwara Mukama kuruga omuchituro, neitwe titukumanya okwo ahibhamunyamikire.'' ³ Abhwo petro no omwegesibhwa ondijo bhagenda, kuja achituro. ⁴ Bhona bhakeiruka hamo; no orinya omwegesibhwa ondijo akeruka muno kusaga Petro agobha achituro ariwambhere. ⁵ Ayemerera asubha arebha omuchituro; abhona elinya esanda eye ekatani eyamile, Sana tarataire munda. ⁶ Niho Simoni Petro yagobhireho akataha omunda ye echituro. Abhona esanda ye ekatani eyamile alinya ⁷ Na chirinya echitambhara echabheire chiri omumutwe gwawenene chikabha chitanyamire amo na zirinya esanda eze ekatani sana chikabha chinyamile chonka. ⁸ Niho ogwo omwegesibhwa ondijo nawe kiyataire omuchituro; arebha kandi ayesiga. ⁹ Kubha mpaka hao bhakabha bhatakamanyire ebhihandikirwe chikabha chisanire Yesu azikurwe omubhafu. ¹⁰ Abhegesibhwa bhasubha howabho . ¹¹ Nangu chityo, Mariamu akabha ayemereire achituro narila, kiyabheire nagenderera kurira akemerera arebha omuchituro. ¹² Arebha bhamaraika bhabhili abheine esura ekwera bhasitamire omo amutwe no ondijo omumaguru aho yesu yabheire ayamire. ¹³ Nabhonene bhamugambhira, ''Omukazi, kubhaki norila?'' Nawenene abhagambhira, ''NO orwokubha bhatweire Mukama wange, nanyawe tikumanya ahibhamuteire.'' ¹⁴ Kiyamazire kugambha ebhyo, ainduka abhona Yesu ayemereire. Chonka taramanyire karabha yabheire ari Yesu. ¹⁵ Nawe Yesu amugambhira, Mawe, kubhaki norira? Noiga hoi?'' Nawe akamanya ngu nomurebherezi we ebhusitani amugambhira,'' Mukama, karabha niwe amutweire, ngambhira ahomuteire, nanye nijakumutwara.'' ¹⁶ Yesu abhagambhira, Mariamu.''Nawe ahinduka amugambhira omururimi rwe echiaramu,''Raboni,'' oku nikwokugambha Omwegesa.'' ¹⁷ Yesu amugambhira, ''Otankwataho, kubha tinkagenzire kuja owa Tata; sana ogende owa abharumuna bhange obhagambhire nijakuarara kuja owa Tata wange neimwe ni Tata wanyu, Katonda wanyu na Katonda wanyu.'' ¹⁸ Mariamu magadalena agenda abhagambhira abhegesibhwa, ''Nabhona Mukama, ''na amugambhire ebhintu ebhi. ¹⁹ Kiryabheire bhweigoro, echiro echo, echiro cha mbhere echebhiro, ne emiryango ekabha ekomirwe abhegesibhwa ahibhabheire bhari nibhatina Abhayuda, Yesu akeija yayemerera omugati yabho abhagambhira, Emirembhe ebhe omuri imwe.'' ²⁰ Kiyamazire kugambha ebhyo abhereka emikono yawenene no orubhaju rwawenene. Nabho abhegesibhwa kibhamubhweine Mukama bhakashemererwa. ²¹ Akashubha yabhagambhira Yesu, ''Emirembhe ebhe naimwe. Nkwo kwo Tata atumire nyawe, chityo nanye nibhatuma imwe.'' ²² Yesu kiyamazire kugambha ebhyo, abhagarukira abhagambhira, Tora Mwoyo Arikwela. ²³ Wena wena ohumuraganyira etambhara, mbhajakubha bhaganyirwe; na bharinya abhwomurakomera mbhajakubha bhakomeirwe.'' ²⁴ Thomaso, omo omuri bharinya ikumi na bhabhiri, eyabheire nayetwa Didimasi, akabha atari na abhegesibhwa bhataibhe Yesu kiyahizire. ²⁵ Bharinya abhegesibhwa abhandi bhamugambhira akanya kikarabhireho, ''Tubhweine Mukama.'' Nawenene abhagambhira, ''Kitabhweine ahibhamuteire emisumali omumikono yawenene, no okutamu ebhyara bhyange omubhironda ebhyo, no okuteka omukono gwange omurubhaju rwawenene tinakwesiga.'' ²⁶ Ebhiro munana kibhyarabhireho obhegesibhwa bhakabha bhari omuchumbha akandi, nawe Thomasi akabha ari amo nabhonene. Akanya ke emiryango yabheire echingire Yesu akemerera omugati yabho. agambha, "Emirembhe ebhe neinywe.'' ²⁷ Ashubha amugambhira Thomaso,Reta echara chawe orebhe emikono yange; Reta aha emikono yawe oteke omurubhaju rwange; wala otabha atakwesiga sana akwesiga.'' ²⁸ Nawe Thomaso ahorora namugambhira, ''Mukama wange na Katonda wange.'' ²⁹ Yesu amugambhira, kubha wabhona, wayesiga. Bhabhweine emigisha bharinya abhokwesiga, bhatabhweine.'' ³⁰ Obhwo Yesu akereka ebhyerekwa bhingi omumeiso ga abhegesibhwa, ebhitakahandikagwa omuchitabho echi, ³¹ Sana ezi zihandikirwe mubhase kusiga kugira Yesu niwe Kristo, omwana wa Katonda, chisane chiti kimurayesiga mugire obhurora omwibhara ryawenene.