¹ ''Otajubhura mwoyo gwawe kugira obhusasi. Noyesiga Katonda yesige na nyawe. ² Omunju ya tata wange arimu enju zingi ezokwikaramu; kichitakubheire chityo, nakukugambhire, kubha nigenda kukukorera obhugobhero bhwawe. ³ Kindagenda kubhakorera obhugobhero, nijakugaruka kubhanyegeza owange, ili ahidabhandi neimwe mubheho. ⁴ Nimumanya omuanda ahikuja.'' ⁵ Tomaso akamugambhira Yesu, ''Mukama, titukumanya ahokuja;Isi! Twakumanya tuta omuanda? ⁶ Yesu akamugambhira, ''Nyawe ninye muanda,ogwamazima, no obhurora; tariho eyakwija owa Tata katarabhire owange. ⁷ Kimwakubha nimumanya nyawe, mwakumanyire na Tata wange nawe; kubhandiza akanya aka nokugenderera nimumumanya kandi mwamubhweine.'' ⁸ Philipo akamugambhira Yesu, ''Mukama, twereke Tata, chityo nichijakubha chatutosha.'' ⁹ Yesu amugambhira, ''tinabha neimwe akanya keingi,na tokamanyaga nyawe, Philipo? Wena abhweine nyawe abhweine Tata; Kubhaki nogambha, Twereke Tata'? ¹⁰ Timukwesiga kwambha nyawe ndyomunda ya Tata, na Tata yange omunda yange? Ebhigambho ebhyonkugambha omuri imwe tikugambha obhwe engonzi zange nyawe; sana echindi, ni tata akwikara omunda yange akukora omurimo gwa wenene. ¹¹ Yesige nyawe, kubha ndyomunda ya Tata, na tata aryomunda yange; chiseine kunyesiga nyawe obhwe emirimo zange. ¹² Yesige, yesige, nibhagambhira, wena akunyesiga, nyawe emirimo zirinya ezikukora, najakukora emirimo ezo nawe; na najakukora emirimo ziango orwokubha nagenda owa Tata. ¹³ Chona chona echimurasabha omwibhara ryange, nijakukora ili Tata abhase kwesingiza omu mwana. ¹⁴ Kimurasabha echintu chona chona omwibhara ryange, echo nijakuchikora ¹⁵ Kimuranyenda, nimujakukwata emiango yange. ¹⁶ Na nijakusabha Tata, Nawe najakubhaa arabhakwasa ondijo ili abhase kubha neimwe eila, ¹⁷ Mwoyo wa amazima. Ensi tebhasa kumutora wenene orwokubha tekumubhona, nanga kumumanya wenene. nangu chityo neimwe, nimumumanya wenene, kubha neikara amo neimwe najakubha omunda yeimwe. ¹⁸ Tikwija kubhareka mweka; Nijakugaruka omuri imwe. ¹⁹ Omukanya kake, ensi terimbhona tena, Chonka imwe nimubhona. Orwokubha nitura. neimwe nimujakutura. ²⁰ Omuchiro echo nimwijakumanya okwo nyawe ndyomunda ya Tata, naimwe muri omunda yange, nanye ndyomunda yanyu. ²¹ Wena wena akukwata emiango yange no okujikora, niwe omo akunyenda nyawe; na akunyenda nyawe najakwendwa na Tata wange, na Nijakweyereka nyawe nyenka ahali wenene.'' ²² Yuda(tiwe iskarioti) amugambhira Yesu, "Mukama, Isi! nechiki echirayereka kwambha nojakweyereka omuri itwe na timuri omunsi? ²³ Yesu ahorora amugambhira, Karabha wena wena akunyenda, arakwata echigambho change. Tata wange najakumwenda, nitwija kwija owawenene tukore obhuturo na wenene. ²⁴ Wenawena atarikunyenda nyawe, takukwata bhigambho bhyange. Echigambho echimukuurira tichange sana ne echa Tata eyantumire. ²⁵ Nagambha ebhintu ebhi omuri imwe,aknya kichatura neimwe. ²⁶ Nangu chityo, Omuorerezi, Mwoyo arikwera, owo Tata aratuma obhwe eibhara ryange, najakubhegesa ebhintu bhyona na najakubhegesa mwijuke bhyona ebhinagambhire omuri imwe. ²⁷ Emirembhe nibhaha emirembhe yange imwe.Tikubhaa ebhi nkensi okwekubhaa. Mutakora mitima yanyu kugira okutayaya, no obhutini. ²⁸ Mukaurira bhirinya ebhinabhagambhire, 'nayegendera, nijakugaruka omuri imwe.' Kimwakubha mwanyenzire nyawe, mwakugizire amasemererwa orwokubha nigenda owa Tata, kubha tata ni mukuru kusaga nyawe. ²⁹ Ati nabhagambhire chitakazokire ili kumbha, Kichirazoka, mubhase kwesiga. ³⁰ Tikwija kugambha neimwe ebhigambho bhingi, obhwokubha omukuru we ensi eji neija. Wenene teine mani ahali nyawe, ³¹ Chonka ili kwambha ensi ebhase kumanya kwambha nigonza Tata, nikora chirinya Tata echakundagira nyawe, nko kwo yampeire omuku. Imuka, na turuge aha.