¹ Kichabheire chitakabheire chiro chikuru cha pasaka, orwokubha Yesu akamanya akanya ka wenene kagobhire kuruga omunsi kugenda owa tata, kiyabheire abhenzire abhantu bha wenene abhabheire bhari omunsi, akabhenda obhuruga. ² Na ibhilisi akabha yateirwemu omumutima gwa Yuda Isikarioti, omwana wa Simoni, kumwaga Yesu. ³ Yesu akamanya kwambha Tata ateiremu bhuri chintu omumikono yawenene na arugire owa Katonda. ⁴ Akeimuka achakurya ayara echijwaro cha wenene ahansi echijwaro chaeru.Akwata etauro ayekoma wenene. ⁵ Asubha ateka ameizi omubhakuri asubha abhanza kubhoja amaguru abhegesibhwa bha wenene abharagaza ne etauro eiyabheire ayekomire. ⁶ Akagenda owa Simoni Petro,na Petro akamugambhira, ''Mukama, noyenda kunyoja amaguru gange?'' ⁷ Yesu amuorora amugambhira,''Echikukora tokuchimanya ati, chonka nojakuchimanya akanya kareija.'' ⁸ Petro amugambhira, ''Torirekera kunyoja maguru gange.''Yesu amuorora, ''Kidabha ntakwojize, nojakubha weine echoine nanye.'' ⁹ Simoni Petro amugambhira, 'Mukama, otanyoja maguru gonka ,sana ne emikono yange no omutwe gwange.'' ¹⁰ Yesu amugambhira, "Wena wena eyamazire kwoga takwenda kwoga sana amaguru gawenene, na abheire murungi omubhili gwa wenene gwona; imwe mwezire, Chonka timwena.'' ¹¹ Kubha Yesu akamanya orinya aramwetonga; eji niyo nsonga yagambhire, timwena muri kwera.'' ¹² Kiyabheire Yesu yabhogize amaguru gabho kiyakwasire echijwaro cha wenene asubha asitama, abhagambhira, "Isi mwamanya echi echinabhakorera? ¹³ Nimunyeta nyawe''Omwegesa'' Mukama echi mugambha amazima, nichimanyisa nikwo ndi. ¹⁴ Kidabha nyawe ndi Mukama no omwegesa, nabhanabhisa amaguru ganyu,neimwe chibhasanire kunabhisa bhatai bhanyu amaguru. ¹⁵ Orwokubha kibhasanire kwereka ili neimwe mukore nkanyawe okukozire omuri imwe. ¹⁶ Yesige,Yesige,nibhagambhira,omubhowa timukuru kusaga mukama wa wenene;wala norinya atumirwe ni mukuru kusaga orinya amutumire. ¹⁷ Korabha nomanya ebhintu ebhi,weine emigisha kubhikora. ¹⁸ Tikugambha ahali imwe mwena,orwokubha nibhamanya bharinya abhindonzire-sana nigambha bhi ebhiandikirwe bhibhase kugobheserezwa:'Wena wena akurya omugate gwange eimuchize echirenge cha wenene.' ¹⁹ Nibhagambhira echi ati chitakazokire ili kichirazoka, mubhase kwesiga kwambha nyawe NINYE. ²⁰ ''Yesige, yesige, nibhagambhira, akuntora nyawe nabha atoire orinya ohuntwekire, orinya akutora nyawe natora orinya eyantwekire nyawe.'' ²¹ Akanya ki Yesu yagambhire ebhyo, akashasha omumutima, akajurira nagambha, Yesige, yesige, nibhagambhira omo omuri imwe najakunyanda.'' ²² Abhegesibhwa bha wenene bharebha ngana, mbhasobherwa yagambha abhwohi. ²³ Akabha ariho ameza, omwegesibhwa omo ayeegekire omuchifubha cha Yesu ogwo Yesu ohuyabheire nayenda. ²⁴ Simoni Petro akamubhaza omwegesibhwa ogwo agambha, ''Tugambhire noi ahali wenene nagambha.'' ²⁵ Omwegesibhwa ogwo eyabheire ayegamire omuchifubha cha Yesu amugambhira, ''Mukama, nohi?'' ²⁶ Obhwo Yesu ahorora, ''Owomurarebha nikoza echigutuka cho omugate nimuha. "Kiyakorize omugate, akamua Yuda omwana wa Simoni Iskarioti. ²⁷ Kiyamazire omugate, Shetani akamutaamu.ashubha amugambhira Yesu, ''Chirinya echokwenda kukora ochikore bhwangu.'' ²⁸ Tariho omuntu ameza eyamanyire orwokubha Yesu akagambha echintu echi arwohi. ²⁹ Bhake muri bharinya bhakamanya, obhwokubha Yuda akakwata akafuko ka amaera, Yesu akamugambhira, ''Gura ebhintu ebhitukwenda abhwe echiro chikuru, ''nanga asanire kubhaha echintu abhateine kantu. ³⁰ Kiyamazire Yuda kukwata omugate, akaja aheru bhwangu; chikabha chili echiro. ³¹ Akanya ki Yuda yabheire agenzire, Yesu akagambha, "Ati omwana wa Adamu asingizwe, na Katonda asingizwe omuri wenene. ³² Katonda najakumusingiza omuri wenene wenka,naja kumusingiza bhwangu. ³³ Abhana bhato,ndi amo neimwe akanya kake. Nimujakumpiga,nko kwo mbhagambhire Abhayuda, 'Ahikuja, timubhasa kwijayo.' ati nibhagambhira neimwe, nangu. ³⁴ Nibhaa omuango ogusya, kugira ngu mwendangane; nkanye okwombhenzire imwe, neimwe chibhasanire kugonzangana imwe kwe imwe . ³⁵ Abhwechi abhantu nibhajakumanya okwo muri abhegesibhwa bhange, kimurabha mwine egonzi bhuryomo na mutai wawenene.'' ³⁶ Simoni Petro akamugambhira, ''Mukama, nojankahi?'' Yesu ahorora, ''Ahikuja ati tobhasa kupondera, Chonka nojakupondera akanya karaonderaho.'' ³⁷ Petro amugambhira, ''Mukama, kubhaki ntakuondera mpaka ati? Nyawe nitakutao obhurora bhwange ahali iwe.'' ³⁸ Yesu ahorora,''Isi nojakutaho obhurora bhwawe abhwange? Yesige yesige nikugambhira, esaki terakokoroma emirudi isatu otakanyetongire.''