¹ Orwa mbere na mbere echigambo chikabha chirio, Ne echo echigambho chikabha chiri owa katonda, Ne echigambo chikabha chiri katonda. ² Orwa mbere na mbere chikabha chiri hamo na katonda. ³ Ebhintu bhyona bhikatondwa omuli wenene; kandi omubhyakatonzirwe bhyona tariho chintu nachimo echitatonzirwe omuri wenene. ⁴ Omunda ye nimwo abheire hari obhurora,no obhurora obhwo bhukabha bhuri omusana gwa abhantu. ⁵ Omusana ogwo gwaka omumwirima kandi omwirima ogwo tigurabhasize kuraza omusana ogwo. ⁶ Akabha hario omuntu ayatumirwe katonda eibharalye yohana ⁷ Ogwo akaretwa obhujurizi, kujurira omusana ogwo,abhantu bhona bhabhone kwikiriza aharwa wenene. ⁸ Ogwo akabha atari musana sana akaija kujulira omusana ogwo. ⁹ Akabha aliho omusana nyakabhara ogwabheire nigwija omunsi nigwo gwabheire nigwakiza bhuri muntu. ¹⁰ Akabha ali omunsi kandi niwe yatonzire ensi, Chonka ensi tiyamumanyire ¹¹ aAkaija omwa wenene chonka abha wenene tibhamwakire. ¹² Chonka bhona abhamwakire akabhaha obhusobhora bhwokubha abhana bha katonda ¹³ Abhazeirwe tibhwa shagama kandi tirwa kwenda kwo, omubhiri, kandi abhwokwenda kwo omuntu, sana abhwa katonda. ^{15 14} Echigambo akabha mubhiri yasigara omuri itwe ,aijwire echisa namazima.Tukabhona echitinisa che ,echisanire omwana omo aha rise .15 Yohana akamujulira yagamba neiraka lihango atii, ''Ogu niwe nabhagambire nti,arikuruga enyuma yange abheire omumeiso gange ;abhwokubha akabha ariho nyawe ntakabheireo. ¹⁶ Aha kwijura kwe itwe twena tukakira ,ne echisa ahiguru ye echisa. ¹⁷ Abhwokubha amateka gakaretwa, echisa na amazima bhikaretwa aha' mukono gwa yesu kristo. ¹⁸ Taliho omuntu nomo arabhoine katonda; sana omwana omo omukundwa muno ahali ishe, ali omuchifubhache niwe yamanyisize katonda ogwo omubhantu. ¹⁹ Obhu nibhwo bhujulizi bhwa yohana obhwo Abhayahudi bhatumire abhakuhani na abhalawi kumubhaza bhati, ''iwe oli hoi? " ²⁰ Nawe akeikiriza kandi tiyayetongire ati ''Nyawe tindi kristo ²¹ Bhamubaza bhati ''Aho oli hoi ?" isi oli Elia " Bhati "isi oli murangi ?" Ahorora ati "chei". ²² Bamubaza bhati "Oli hoi ? Otuhorore echo turaja kugambira abatutumire iwe noyegambahoki?" ²³ Abhahorora ati nyawe ndi eiraka ly'alikutera enduru omwirungu ati ''Mugorore omuhanda gwa mukama nko omurangi isaya yagambire ". ²⁴ Bhonene abho bhakabha bhatumire abhafarisayo. ²⁵ Bhamubhaza bhati ''Aho obhwo otari kristo,anga Eliya,anga omurangi kubhaki nobhatiza?" ²⁶ Yohana abhahorora ati "Nyawe nimbhatiza na'maizi ;chonka omuri imwe halimu owu mutakumanya, ²⁷ Niwe oliya alikwija enyuma yange,owo ntakubhasa kusumurura emiguha ye'ebhiratwabye ²⁸ Ebhyo bhikabhao omuli Belania buseri bhwa yorodani mbali yohana yabheire nabhatiliza. ²⁹ Echiro cha kabhiri abhona yesu namwijaho agambha ati ''mlebe akataama ka katonda ayetweka ebhibhi bhyensi! ³⁰ Ogu niwe nabhagambire nti arikuruga enyuma yange,abheire ali omumeiso gange; ahabhwokubha akabha ariho ntakabheireo. ³¹ Kandi nyawe tindamumanyire; Chonka inye nkabhatiza na'meizi, aije amanyike omuli isiraeli. ³² Yohana ajulira ati, ''Nkabhona mwoyo nahanantuka omwiguru nasana echibha, echo chaija chamja ahiguru ³³ Nyawe tinamumanyire chonka eyamtwekire kubhatiza na'maizi akangambhira ati oworarebha mwoyo nahanantuka akamja haiguru ogwo niwe alibhatiza na mwoyo Arikwera; ³⁴ Na nyawe nyebhoneire kandi ndi mujulizi oku ogu aliomwana wa katonda. ³⁵ Aachiro cha kabhiri yohana akabha ayemereire nabegesibhwa bhawenene bhabhiri ³⁶ Alebha yesu nagenda agamba ati''Mulebhe entama ya katonda!" ³⁷ Abhegesibhwabhwe bhamuhulira nagamba atyo bhahondera yesu. ³⁸ Yesu okwoyaindukire abhona okwo bhamu hondeire abhabhaza ati ''Nimuiga hoi?" Bhamuhorora bhati,'' Rabhi"(nikwo kugambha omwegesa) noikara nkahi? ³⁹ Abhahorora ati,''Ija nimwija kurebha"Bhagenda bhabhona mbari yabheire naikara, zikabha zili nke'saa ikumi bhagenda bhatobheza nawenene eizobha. ⁴⁰ Omu bhegesibhwa bhabhiri abhahurire yesu nagambha, omo arugaho amuhondera; Niwe Andrea murumuna wa simoni petro. ⁴¹ Andrea owo yabhoire ali wambere ni simoni mukuru wa wenene amugambira ngu''Twabhona masiha" (nikwo kugamba kristo) ⁴² Amuretera yesu .kiyamurebhire amugambhira ati iwe ori simoni owa yohana ;noja kwetwa kefa (nikwo kugamba petro anga orwazi ). ⁴³ Echiro cha kabhiri yesu agenda Galilaya.abhona Filipo amugambhira ati, ''Ompondere" ⁴⁴ Filipo ayabheire naruga bhetisaida omucharo cha Andrea na petro ⁴⁵ Filipo abhona Natanaeli, amugambhira ati ''Twabhona owu musa yagambire omumateka owa abharangi bharangire,niwe yesu owa Nazareti; Mtabhani wa yozefu." ⁴⁶ Natanaeli amugambhira ati, ''Nazareti yakurugwamu echirungi chona chona?'' ⁴⁷ Yesu alebha Natanaeri neija amugambhira ati ''Rebha omunya israeli wenewene ateinemu kankondo omundaye'' ⁴⁸ Natanaeli abhaza yesu ati , ''Wamanyahota?'' yesu amuhorora ati,''Filipo atakakwesire obhwo wabha usutamire ahamuti gwo' omutini nakubhona" ⁴⁹ Natanaeli amuhorora ati, Rabhi ori omwana wa katonda ori omukama wa israeli?'' ⁵⁰ Yesu amugarukamu ati, ''Aharwo kubha nakugambhira okwo nakubhona osutamire aha mutini nicho waikililiza?noija kubhona ebhyamani kusaga ebhi'' ⁵¹ Ashuba amugambhira ati, mazima, mazima ninkugambhira, muribhona eiguru likingukire nabhamalaika bha katonda nibhatemba nibhasoka bhaizire aha mwana wo' muntu.''