¹ Ahachiro cha kasatu, Omuri kana eya Galilaya bhakabha bheine amagenyi Gokutasya; nanyina wa yesu akabha aliho. ² Yesu nabhegesibhwabhe nabho bhakabha bharaliziibhwe aha bhugenyi obhwo. ³ Edivai ewamu, nyina wa yesu amugambhira ati, ''Tibheine divai'' ⁴ Yesu amubhaza ati ''mawe nonyenzachi? Esaa yange tekagobhire ⁵ Nyina yesu agambira abhaharila ati, ''echarabhagambhira chonachona muchikore.'' ⁶ Akabha ariho enjoga mukaga za amabhare, Ze michochozo ya abhayahudi eyokunabha, bhuli njoga netwara nke elita ibhiri anga isatu. ⁷ Yesu abhagambhira ati, ''mwijuze enjoga ezi amaizi;'' Bhazijuza mpaka ahamunwa. ⁸ Abhagambhira ati, ''mbwenu mutaheo mutwarire omukuru wa amagenyi'' Bhamutwarira. ⁹ Mukuru wa amagenyi kulozao garinya amaizi asanga gabha edivai (tiyamanyire mbari edivai yaruga chonka abhahirira bhe bhakabha nibhamanya), Oriya omukuru wa amagenyi ayeti ayabheire natasya. ¹⁰ Amugambhira ati bhuri muntu abhanza ajunga edivai endungi, nibhwo abhona kureta entabhane; Chonka iwe wabhaiika edivai enungi mpaka hati!'' ¹¹ Echo nicho chitinisa chokubhanza yesu akachikora omuri kana ya Galilaya ayoreka echitinisache na abhegesibhwa bhe bhamwesiga. ¹² Kiyamazire ebhyo yasoka kaperinaumu, hamo na nyina n'abharumuna nabhegesibhwa bhe, bhamarayo ebhiro bhike. ¹³ Pasika y'a Abhayahudi ekabha yeizire kugobha yesu aja yerusalemu. ¹⁴ Omukerezia asangamu abhantu nibhaguza ente amo n'entaama n'ebhiibha,n'abhahigi bha amahera bhasutamire. ¹⁵ Yesu aruka echibhoko cho'rukobha abhabhinga bhona omukerezia, nente zabho hamo n'entama. Obhucheli bhwa abhaigi bha amahera abhusesa n'emeza zabho azikunengura. ¹⁶ Agambhira nabhabheire nibhaguza ebhiibha ati ''Hiyaho ebhiibha bhyanyu aha; Omwa Tata mutahahindura mujajaro.'' ¹⁷ Abhegesibhwa bhaijuka okwo chahandikirwe chiti ''echika cho omunju nyawe chirinyita. ¹⁸ Aho abhayahudi bhamubhaza bhati ''Wakukora echitangaro chi kutworeka okwo oine obhusobhora bhwokukora ebhintu nkebhi?'' ¹⁹ Yesu abhahorora hati ''Mukambhure ekelezia eji nyije ngombeke omubhiro bhisatu'' ²⁰ Abhayahudi bhamusubhamu bhati "ekerezia ekombekerwa emyaka gana na mukaga, Iwe obhe niwe ojombeka ebhilo bhisatu?" ²¹ Chonka ekerezia ei Yesu yabheile nagamba ekabha negamba omubhiligwe. ²² Kayabheire yahimbukile omubhafu, abhegesibhwabhe bhagamba okwo yabheile achigambire, ao bhaikiliza ebhihandiko hamo ne'bhi Yesu yagambire. ²³ Yesu kayabheile ali yerusalemu ahachiro chikuru cha pasika, abantu bhangi bhamwesiga obhwo bhabhweine ebhitangazo ebhi yakora. ²⁴ chonka wenene tiyabhesigire, Abhwokubha akabha nabhamanya bhona. ²⁵ Aha bhokubha akabha hatakwenda muntu kujurira amakuruge, Yesu wenene akabha namanya ebhitekelezo bhyabhuri muntu.