¹ Kitwagobhize echisuro, kukamanya echisiwa echo kibhakucheta Malta. ² Abhantu bha arinya ti kwambha bhakatua nko kwo chiri, sana bhakacha omuriro bhatunyegeza twena, obhwensonga ye ejura ne ebheho eyabheire eriho. ³ Aho Paulo akabha aronzire omubha gwenku aguta omumuriro, enjoka ento eine esumu aruga omunku obhwensonga yebhuguma ,ayekoma omukono gwe. ⁴ Abhantu abhatuzi bha arinya kibhabhweine echigunju nichikwatira kuruga amukono gwa wenene, bhagambhirana, ''Omuntu ogu nomwisi nangu yajurumbhuka omunyanja, Chonka obhugororoki tibhukwikiriza katura.'' ⁵ Chonka wenene achirasiza echo echigunju omumuriro na tichirabhweine bhusasi bhona bhona. ⁶ Bharinya abharinzire azimbe obhwo omurilo nanga agwe aho afe. Chonka kibhamurebhire akanya karengwa no okubhona tariho chintu chainduka ahali wenene, bakahindura ebhiteko teko bhyabho bhagambha akabha ari Katonda. ⁷ Echichweka chirinya akabha ariho ehitaka eryabheire liri eryomukuru we ekisiwa, omuntu eyayesirwe Pablio. Akatunyegeza atukorerage ebhiro bhisatu. ⁸ Chikarebheka tata wa Pablio akarwala marelia no okuharisha.Na paulo kiyasubhireyo, asabha, atekaho emikono aiguru ya wenene,amwichisa. ⁹ Echi kichamazire kurebheka, na abhantu abhandi arinya omukisiwa bhakabha mubhasasa bhakagenda bheichiswa. ¹⁰ Abhantu bhatukunira na amakune geingi. kitwabheire nitweteka teka kugenda, bhakatuha ebhitwabheire nitwenda. ¹¹ Emyezi esatu kiyarabhireho, tukagenda kurabha omumeli ya Iskanda eyabheire eteirwe embheho omuchisiwa, abhebhembhezi bha yonene bhakabha bhari abharumuna bhabhiri abharongo. ¹² Kitwagobhire omuchigo cha Sirakusa, tukeikara aho ebhiro bhisatu. ¹³ Kuruga arinya tukagenda omuchigo cha Regio. Echiro chimo kichaweire omuyaga gwa kusini gukeija gutapangire,ebhiro bhibhiri tugobha omuchigo cha Putoli. ¹⁴ Okwo tukasangayo abharumuna ¹⁵ tunyegezwa kwikara nabho bharinya abharumuna, kibhahurire okubhayo kweitu, bhakeija kuturebha okwo omumujajaro gwa Apias na Hotel esatu. Paulo kiyabhabhweine bharinya abharumuna asima Katonda aguma. ¹⁶ Kitwajire Roma, Paulo akajubhurwa kukara wenka amo no omuserikali eyabheire namulinda. ¹⁷ Kiyarabhireho ebhiro bhisatu Paulo abheta amo bharinya abhaseija abhabheire bhari abhebhembhezi bha Abhayuda. Kibheizire hamo, agambha nabho, ''Bharumuna, tinkakozire chisabhya chonachona abhantu abha nanga kukora okwokubhitari endengeso za bha tata bheitu abhagenzire, bhakanyiyayo nko omubhowa kuruga Yerusalemu mpaka omumikono ya Abharumi. ¹⁸ Kibhamazire kumbhaza, bhakenda kundeka omubhuge, kubha akabha atariho ensonga yo okunyita. ¹⁹ Bharinya Abhayuda kibhagambhire ebhitarikwo bhyo okwenda kwabho, bhikankora nyende ejubhoro akw Kaisari,igawa tichiraseine ngu ninyenda kutweijera ensi yange. ²⁰ Ensonga yange kwenda ejubhuro, chiri, nkasabha kubharebha no okugambha neimwe. No obhwa nsonga ya chirinya Israeli agumire omurichonene, nkomirwe no enkomwa eji. ²¹ Bhamugambhira, ''Titukatoraga echipapura kuruga owa Yudea kugambha ahali iwe, nangu tariho murumuna eyaizire kutugambhira nanga kugambha echigambho chona chona chibhi echikwasire ahaliwe. ²² Chonka nitwenda tumanye kuruga ahaliwe noyetekerezaki abhwe embhaga ya abhantu abha, obhwokubha nichimanyika omuri itwe nibhigambha ebhitariko bhuri kichweka.'' ²³ Kibhabheire bhateireho echiro abhwa wenene, abhantu bheingi muno bhakamwizira ahiyabheire natura. Akagambha chirnya echintu omuri bhonene ajurira kubhao obhukama bha Katonda. Arengesa kubhaserera abhwa Yesu, omugeri zona ibhili kuruga omumuku gwa Musa no okuruga omubhaereza, kuruga bhwancha mpaka bhwaigoro. ²⁴ Abhandi bhakenda abhwe ebhintu bhiyagambhire, abhanti tibheikirize. ²⁵ Kibharemirwe kwikiririzana bhonene kwa bhonene, bhakagenda paulo kiyagambhire echintu chimo, ''Mwoyo arikwela akagambha amazima kurabha omuri Isaya omuereza abhwa tata bhanyu. ²⁶ Akagambha, 'Genga omubhantu abha ogambhe, ''Obhw amatu ganyu nimujakuurira, Chonka timurisobhokerwa; Na abhwa ameiso ganyu nimujakurebha chonka timurimanya. ²⁷ Obhwe emitima ya abhantu abha eine obhutini, amatu gabho ngahurira kubhi, bhaumise amaiso gabho; bhatabhasa kumanya na amaiso gabho, no okuhurira na amatu gabho, no okumanya ne emitima zabho, kuinduka akandi, na kubheichise.''' ²⁸ Obhwo,musanire mumanye echi obhurokozi bhwa Katonda bhutweirwe omubhantu bha amahanga, mbhajakuhurira.'' (kwata: echipapura echi ²⁹ ''Kiyabheire yagambhire ebhintu ebhi, Abhayuda bhakagenda, bheine okupinga ngana kuhango omuri bhonene.'',tikuri mubhiandiko bhya bhyeira). ³⁰ Paulo eikara omunju ya wenene eyokupangisa emyaka yona ebhili, akabhanyegeza bhona abhabheire nibheija akwawenene. ³¹ Akabha narangirira obhukama bhwa Katonda akabha nayegesa ebhintu ebhya Mukama Yesu kristo omukweyemera kwona. Tariho yamutangire.