¹ Kiyamazire kubhaho obhuchulezi, Paulo ayeta abhegesibhwa abhanza kubhagumisa omutima abhasibhura aja Makedonia. ² Nawe aiya labhire akabha nabhagumisa abhegesibhwa. ³ Kiyamazire kwikaraho emiezi esatu, abhayuda bhamunamira obhuyabheire nateremuka orugendo kurabha omuhanda gwenyanja, kugenda Shamu,orwecho akaramura kugaruka kurabhira Makedonia. ⁴ Abhagenzire nawe mpaka Asia bhakabha bhali Sapatro omwana wa Priho kuruga omuri Berea Astariko, hamo na sekundo, abha bhona bhakabha bharugire Thesoronike; Gayo wa Derbe;Timotheo;Tikiko na Trofimo kuruga Asia. ⁵ Chonka abhantu abha bhebheimbele kandi bhakabha bhatulinzire oku Troa. ⁶ Kurabhira omunyanja kuruga Filipi omubhiro bhyimigate eteine itumbya kandi omubhiro bhitano tukabhago okwo Troa tukaikara okwo ebhiro musanju. ⁷ Namumuchiro cha irimansi, kitwabheire twerundeine hamo ngukubhega omugate, paulo akafumora naabhesiga. Akabha nateka teka kurugayo ahabhuchire bhwaho, orwecho agenderera kufomora kugambha omwitumbi. ⁸ Hakabha haliho etara zingi omuchirugu echahiguru ahitwabheire twerundeine. ⁹ Arubhaju rwe idirisha hakabha hasutamireho omusigazi omo eyabheire nayetwa Utiko eyabheire aremerehirwe hoturo twingi, Paulo kiyarangirire omwanya gureingwa ogwo musigazi akahanantuka omugorofa kurabhira omwidirisha eryegorofa ya kasatu bhakamutorana ahansi afile. ¹⁰ Paulo akashuka ahansi, akerambhika ahiguru yawenene, amufumbata.agambha ati, ''mtafa mitima, obhwokubha narebha.'' ¹¹ Hao akahanama omugorofa, abhega omugate, arya. Kiyamazire kufomora nabho omumwanya gurengwa kugobha omuruchacha, arugayo. ¹² Bhakamuretera oliya omusigazi eyagwire nalebha nabho bhehurirage. ¹³ Itwe twenka tukebhembera omumaiso ga Paulo kagenda n'e meli tukagenda Aso, eyitwapangire kutwara paulo, wenene nikwo yaramwile kukora orukubha akaramula kurabha orukaru(yaani nchi kavu). ¹⁴ Kiyamazire kutugobha, tukamupakira omumeli, tugenda nawe Mitilene. ¹⁵ Aho itwe turugayo okwo, nanechiro cha kabhili, tukagobha orubhaju rwa kabhili orwizinga rya Kio echiro echahondereho, tukagobha omwizinga erya Samo na nabhuchehire bhwaho tukagobha omuchigo cha Miletto. ¹⁶ Orukubha Paulo akabha alamwile kulabhira Efeso, ngu atatwara mwanya gwona gwona omuli Asia; orukubha akabha aine obhwangu obhukuja Yerusalemu orwensonga yichiro chikuru cha Pentekosite kichakusobhokile ahali wenene. ¹⁷ Kuruga Mileto atuma abhantu kuja Efeso ayete abhagurusi bhenteko. ¹⁸ Kibhagobhile abhagambhira, imwe mwenka nimumanya nko kwo kuruga echiro cha mbele kuruga ningobha aha Asia. Okunabheire ndi omwanya gwona. ¹⁹ Nkakorera Mukama omumakune gona kandi nanumumalira, rubhusasi obhunabhweine omubhugobhya bhwa Abhayuda. ²⁰ Nimumanya nko kwo ntarabhasize kwetanga kubhagambhira chona chona echisaine, omurimwe nanukunabheile ninyegesa kubhona nteine cha kusereka kuruga enju kuja ahandijo. ²¹ Nimumanya nko kwo nagendereire kubhahana Abhayuda hamo na Abhayunani ebhikwasire ahakwechuza ahali Katonda na ahamwesigo ahali Mukama yesu weitu Kristo. ²² Nambwenu mulebhe okundukukunira mwoyo arikwera kuja Yerusalemu, tibasa kumanya agarambhaho okwo. ²³ Sana orukubha mwoyo arikwera nanjurira omubhigo bhyona kandi nagambha ngu empingo nanokubhona bhona bhindizire. ²⁴ Chonka, Inye tindukutekereza nko kwo obhurola bhwange nechintu chensonga yonayona ahalinye, ngumbase kugobhesereza orugendo rwange nanumulimo gunaheirwe kuruga ahali mkama Yesu, kujurira gichisa cha mukama katonda. ²⁵ Nambwenu rebha nimanya nko kwo bhoona, omubhariha abhinajire kurangirira Ubhukama, timulibhona bhuso bhwange kandi. ²⁶ Orwecho nibhajurira echirwechi, nko kwo tinyine ichibhi kuruga ahabwamba bhwomuntu wena wena. ²⁷ Orukubha, tindayetangire kurangirirra engonzi zakatonda zona. ²⁸ Orwecho, mwekomye aharwanyu imwe mwenka. ²⁹ Nimanya nko kwo kindamara kurugaho, Emisega neja kwija omuli imwe, kandi etakusasira chikundi ³⁰ Nimanya kandi, nangu nomulimwe abhamo bhaleija nibhagamba ebhyu kuhabhisa, bhabhase kubhahabhisa abhegesibhwa ngu bhabhahondere. ³¹ Orwecho mwelinde. mwijuke nko kwo, omumyaka esatu tindarekeire kubhegesa bhuri muntu omurimwe kandi omumalira echiro n'ehiyangwe. ³² Nahati inye nimbakwa omuli Katonda nanomuchigambho chichisache. echibhasa kubhombeka nanokubhaha obhusika hamo nabhona abhateirweho emikono ahali Katonda. ³³ Tindatengire mahera, ezahabu anga ebhijwaro. ³⁴ Nimumanya nko kwo, Emikono yange eji ekampa ebhyetago bhyange, hamo na nibhya bhagenzi bhange abhinabheire nyine. ³⁵ Omubhintu nkebhyo bhona, nkabhaha akabhonero nko kwo chisanile kubhajuna abhatarukwebhasa, omukukora emilimo nanukubhasa kwijuka ebhigambho bhya Mukama yesu okuyagambhire ati, ''Nabhabherwa kuhayo, kusaga, kutora,'' ³⁶ Kiyamazire kugambha atyo, akatera maju asabha hamo nabho. ³⁷ Bhona bhakarira muno nukumubhandamira Paulo omubhicha bhamunywegera. ³⁸ Bhakajunara muno kusanga orwensonga yachilinya echiyabheire yagambire nko kwo tibhachimubhona nakake na kake ubhusobhwe kandi. Aho bamusendekereza kuja omu meli.