¹ Chikabha nko kwo Aporo kiyabheile ali Karintho Paulo akarabha amajaruguru agobha Efeso. akasangayo abhamo omu bhegesibhwa okwo, ² Paulo abhagambhira ''Isi mutora mwoyo arikwera kimwayesigire? bhamugambhira bhati chehi, titurabhasize ngu kuhurira ebhi kwasire ahali mwoyo arikwera.'' ³ Paulo agamba, mbwenu imwe mukabhatizwa muta? ''bhamugambira bhati ''omumubhatizo gwa yohana. ⁴ Paulo ahorora ''Yohana akabhatiza omubhatizo gukwechuza. Agambila bhaliya bhantu ati, ''bhaseine kumwesiga oliya aleija nyuma 'yaani Yesu.'' ⁵ Abhantu kibhahulile amakuru aga, bhabhatizibhwa omwibhara rya Mukama yesu. ⁶ Aho Paulo kiyateile emikono ahiguru yabho, Mwoyo alikwera abheijaho aho bhabhanza kugamba endimi zisya nanukuranga. ⁷ Orubhara rwabho, bhakabha bhali abhaseija ikumi na bhabhiri. ⁸ Paulo akagenda omwiyegesa agamba nanubhumaza omwanya gwemiezi esatu. Akabha nayerekerera abhantu kubhaleta nanukubhereka obhukama bhwa Katonda. ⁹ Chonka Abhayuda abhandi bhakabha bhaliengogani bhateine makuru, bhakabhanza kugamba kubhi ahamuhanda gwa Yesu omumeisoge mbaga. Aho Paulo akabharugao abhasorora abhesigire kuja hale nabho. Nawe akabhanza kugamba bhulichiro omumwanya gurubhugano ogwa Tirano ¹⁰ Akagendalera kubhayo emiaka ebhili, orwecho, bhona abhabheile nibheikara Asia bhakahurira echigambho cha Mukama. Abhayuda hamo na bhayunani. ¹¹ Katonda akabha nakora ebhikorwa bhihango kurabha omumikono ya Paulo. ¹² Kubha nangu nabhabhereile bhakakizibhwa na n'eemizimu ekabhateisura Abhantu kibhabheire nibhatwara emyenda ya Paulo bhakabha nibhakira. ¹³ Chonka hakabha halio Abhayuda abhabheile nibhakoresa ebhisitari bhakabha nibhagenda nibharabha omuhanda ogwo, nibhakoresa ibhara rya Yesu aharwa amagobha gabho bhonka. bhakabha nibhagambhira bharinya abhabheire bhakwasirwe abhazimu, nibhagambha, ''Nibhagambhira mubharugemu omwibhara rya Yesu ogwo arikurangirirwa na Paulo. ¹⁴ Abhabheire nibhakorebhyo bhakabha bhali abhana obhwo omuseija omo mukuru wa Abhayuda eyabheire nayetwa Sikewa. ¹⁵ Abhazimu bhabhagambhira, '' Yesu nitumumanya na Paulo nitumumanya, chonka imwe muribhahi?'' ¹⁶ Gurinya omuzimu gurugamu omumuntu gubhasaga hamani gubhatera, Bheiruka kuruga omunju bhagenda bhajwehire bhusa bhagenda bhauteire. ¹⁷ Amakuru aga gakamanyika omuli bhona, Abhayuda hamo na Abhayunani abhabheire nibhatura omuli Efeso bhakatina muno kurugaho ebhara rya Mukama libhanza kukunirwa. ¹⁸ Kandi abheingi omubhegesibhwa bhakeija kwechuza nibhereka ebhikorwa bhyabho ebhibhabheire nibhakora. ¹⁹ Abheingi abhabheire bhali abhafumu bhakarundana ebhintu bhyabho bhabhyocha omumaisho gabho, Ebhintu bhibhayokize, bhikabha bhine iguzi liseine Enkumi makumi gatano. ²⁰ Orwecho echigambo cha Mukama chikeijura bhuli hantu nanamani geingi. ²¹ Paulo kiyamazire omurimogwe okwo omuri Efeso, mwoyo amwebhembhera kuja Yerusalemu kurabha Makedonia na Akaya; agambha ati, ''Kindamara kurugokwo, chinseine kulebha Roma nayo. ²² Paulo atuma abhegesibhwabhe bhabhiri kuja Mekodonia, Timotheo Erasto, abhabheire nibhamukwasa. Chonka wenene akasigara Asia omubhiro bhike. ²³ Omumwanya ogwo hakimuka endwano zingi okwo Efeso ezikwasile aha muhanda. ²⁴ Omuhesi omo arikwetwa Demetrio akabha hali Omufundi wokuhesa ebhisusane ebhya amaela ga katonda omukazi eyabheire nayetwa Diana, akaleta obhuchuluzi bhingi obhafundi. ²⁵ Akarundana abhafundi bhomulimo ogwo agambha, ''Bhakunirwa nimumanya nko kwo itwe kurabhira omukuchuluza oku, nitubhona amahera geingi. ²⁶ Nimurebha nanokuhurira ngu, itwe turi Efeso, sana hona Asia yona, ogu Paulo ahindwire abhantu bheingi. Nagambha ngu tariho bha katonda abhakozirwe n'e emikono ²⁷ Techo chonka nanokuchuruza kweitu nikubha kutachine kwikirizibhwa, Nangu echindi ekanisa lya katonda omukazi omukuru Diana nabha atachine nsonga. Kandi yakubha yabhuza obhukuru bhwa wenene,ogu arukwegasanizibhwa Asia nabhensi zona. ²⁸ Kibhahurire bhatyo, bhakeijura echiniga nibhabhoroga, nibhagambha, ''Diana wa abha Efeso nimukuru.'' ²⁹ Echigo chona chibhura emirembhe, abhantu bhona bheirukila omumwanya gwemizano (ukumbini) bhakwata abhagezi bhona abhabheire bhali na Paulo, Gayo na Aristariko, abhabheire bharugire Makenia. ³⁰ Paulo akabha ayenzire kutaha omugati ye embhaga, chonka abhegesibhwa bhakamutanga. ³¹ Kandi abhamo omubhatwazi bha Asia, bhakabha bhali bhatahi bha Paulo, bhamukengera nibhamugambhira atarengesa kujayo okwo omumwanya gwimizimu. ³² Abhamo bhakabha nibhagamba echi, na nabhandi nibhagambha echo, Emilembe ekabha etariho. Abheingi omuryabho bhakabha bhatakumanya echabhatahamo nechiki. ³³ Abhayuda bhakamureta Isikanda mukuru, bhamuta aheru omumeiso ge embhaga bhamuanamya. Isikanda eimucha omukono gwe nayenda ngu kubasobhorora. ³⁴ Chonka kibhamanyile okwali omuyuda, (owurubhaju rwa Paulo)bhakatele eyobho, omumwaya gwa amasaa abhili, ''Diana ni mukuru omuri Efeso.'' ³⁵ Omuhandiki mukuru wichigo kiyamazire kubhachureza ebhaga yabhantu, agamba,'Imwe bhaseija abhamuri Efeso, Nohi atarukumanya nko kwo echiechigo cha Efeso nicho chilinzire lwensinga ya Diana alimukuru chirinya echisusane echarageile kuruga omwiguru? ³⁶ Kulebha nko kwo ebhintu ebhi tichakubhasika, tusaine kugira obhuchulezi, Kandi mutakora chintu chona chona omubhwangu. ³⁷ Orukubha mwareta abhantu abha omukoti,Kandi tibasuma bha rwensinga zeitu, nangu tibhamugokera katonda weitu omukazi. ³⁸ Orwecho Demetirio hamo na abhandi kibharabha nibha tweijera omuntu wena wena, okoti ekingwere nanabharamuzi bhaliho, bhabhalete bhemerere omukoti. ³⁹ Chonka nkeiwe koraronda chona chona echikwateine ahabhindi, chirakolelwa emilimo omuchisutamo echiseine. ⁴⁰ Omumazima heine obhuturatweijerwa aharwukubhaza bhantu emirembe ehiro cha mbwenu.Tihariho nsonga yukubhuza abhantu emilembe, kandi titurabhase kubhona engeli yukusobhorora aharyechi. ⁴¹ Kiyamazire kugamba ebhyo, Akabhinga abhantu bharugaho.