¹ Katonda akatuganyira yatukwasa omurimo ogu katugukora, chityo titukunanukwa. ² Ebhy'ensoni twabhilekeire, ebhy'okugobheza bhanu titukubhyenda, nangu n'okuhindurana echigambo cha Katonda. Chonka amazima nitugagamba orubhona, bhuli muntu asobhore kutusiima ebhyo tulikukora omu meiso ga Katonda. ³ Nangu n'obhwo evangeli yeitu erabha etakusobhoka, telikusobhoka omuli baliya bhonka abhakusilika. ⁴ Abhakusilika abho, bhahumisiibwe katonda w'ensi eji omu mitima yabho, batasamulirwa vangeli y'echitinwa cha Kirisito, ensuso ya Katonda. ⁵ Titukweranga itwe, nituranga okwu Kirisito abha Mukama, kandi itwe tuli bhakozi bhanyu aha bhwa Yesu. ⁶ Manya Katonda n'iwe yagambire ati, “Omu mwilima harugwemu omusana gwake,” n'iwe wenene ayayachize omusana omu mitima yeitu kutumanyisa echitinwa cha Katonda echo tumanyira ahali Kirisito. ⁷ chonka eitunga eli tulibhiikire omu bhikwato bhy'eibhumba, kwoleka okwu obhushobhora obushagulirane bhutabha bhwaitu, bhubha bhwa Katonda. ⁸ Twine enaku za bhuli ngeli, chonka titukufa; twine amasobherwa chonka titukufa mutima; ⁹ nitugingizibhwa chonka titulikunagiranwa; nitubhona ebhiyengo chonkai nituchira. ¹⁰ Nitushasha kughoba aha kufa nka Yesu, twije tubhone kuhimbuka nka wenene. ¹¹ Obhwo tucharora tulebheleire kwitwa kuturwa Yesu, Yesu ogwo aije atunge emibhili yeitu ekwija kufa obhurora. ¹² chityo itwe nitufa, imwe nimujira obhurora. ¹³ Kandi obhwo tukwikiliza nk'oliya ayahandikiire ati, “Ebhyo naikiliize nibhyo nagambire,” ne itwe kutyo nitwikiliza, mara nikwo tulikugamba, ¹⁴ nitumanya okwo na Katonda ayahimbwire Mukama Yesu alituhimbura na Yesu mara atutahye hamo na inmwe omu bhusingebhwe. ¹⁵ Bhyona ebhi n'aha bhwanyu, nk'okwu abhantu bhakweyongera kubhona echisha bhabhe nikwo bhashabha n'esiimi ahali Katonda ow'echitinwa. ¹⁶ Itwe titukufa mutima. N'obhwo aha bhubhili tukugenda nituhwaho, emyoyo yaitu ejo negendelera kujira amani agasya. ¹⁷ Nobhona enaku za kanya aka ezitaina mbali zili nizija kutubhonesa echitinwa ech'eira lyona eechitali cha kugambwa. ¹⁸ Kubha esubhi yaitu teli mu bhintu ebhilikubhoneka; esubi yaitu eli omu bhintu ebhitakubhoneka. Ebhilikuboneka bhihwaho, chonkai ebhitakubhoneka ebhyo bhibha by'eira lyona.