¹ chityo mboine nteija okwu rundi kubasasa. ² Aha bhw'okuba kandabasasa, arampa ebhyera n'ohi k'atali ogwo owu nasasa? ³ Niyo nsonga nkabhahandikira ebharua eliya. Nkabhona nteija wanyu abhakumpaire ebhyera bakhaba nibho bansasa. ⁴ Nkabhahandikira obhujune bhundi kubhi, nindira muno. Tinkugendelera kubasasa, sana ninyenda kubhamanyisa obhungi bhw'arukundo nkubhenda. ⁵ K'omuntu arabha akozire ech'okusasa bhanu, tasasize nyawe nyenka. Ntatairemu gungi nakugamba nti na imwe abasasize mwena. ⁶ Omuntu nk'ogwo echibhonabhonyio ech'abhangi bhamuheire nichimumara. ⁷ Chityo mugwelere mumuganyire kandi mumumaramare, chitali chityo obhujune bhwakushagulirana bhumuchiza amani. ⁸ Nimbatagiliza mumwoleke okwu imwe mukumwenda. ⁹ Obhwo nabhahandikiire ebharua eliya, nkabha ninyenda kubhalenga kumanya nk'ebhyo ndikubaragira bhyona nimumpulira. ¹⁰ Wena wena owu mukugarulira, nanyawe nimugarulira. Ebhyo ngarulire, kaharabha haliyo echo ngarulire chona chona, mbilekire aha bhwanyu omu mabona ga Kirisito ¹¹ kutanga Sitani ateija akatwihyaho magoba, ahakubha emitegoye nitujimanya. ¹² Obhwo nagobhire Toroasi kuranga evangeli ya Kirisito, Omukama yantunga akasango; ¹³ chonka omwoyo tigwasemereirwe aha bhw'okutashangayo murumuna wange Tito. Chityo aho nibhwo nabasigireho nkegendera Masedonia. ¹⁴ Chonka Katonda akakora. Tusemereirwe na Kirisito n'iwe atuha amani g'okusinga endwano. Atuha okurandisiliza Kirisito bhuli hantu okw'obona amajuta. ¹⁵ Nobhona itwe nitusana obhunuma obhukununukage obwo Kirisito ahongera katonda bhukagobha abhalikwesiga n'abhalikwanga kwikiliza. ¹⁶ Abhakwanga kwikiliza nibhaitwa echijunde echikunuka chuchuchu; chonka abhakwesiga, akataachu niko kalikubhaha obhurora. ¹⁷ Mbwenu aho n'oha akwemera omurimo nk'ogu? Titukusana bhantu bhandi abhali bhangi, abhalikutundurana echigambo cha Katonda. Katonda ayatutumire n'iwe mujulizi weitu okw tuli bhairu bha Kirisito abhalikugamba amazima.