¹ Na apita ipo nubhala kumujini ukwabho, na abhanafunzi bhakwe bhamulondela. ² Isababto aliye pe yafiha, aliye ayanza ufundisya kusinagogi. Abhantu abhinji bhaliye bhamwivwa na bhasangaya. bhati, ''atapata kwewki amafundisyo iga?" "Hekima bhili ino ye atapebhwa?" ''Akubhomba bhuli imyugiza ino kumahono gakwe?" ³ "Shene, uno wene uselemala, umwana uwa mariyamu nuwamwabho uyakobo, uyese, uyuda nusimoni? Shene, abhadada bhakwe sibhayishi ipanye poka naswe?" na bhatashili bhashe nu yesu. ⁴ Uyesu abhabhula, ''Unabii atabhulaga iyeshima, isipokuwa kuhaya yakwe na mulibhandugubhakwe na kunyumba yakwe.'' ⁵ Atashili abhombe imyujiza ipo, ila aliye abhabhishila amahono abhalwale bhashe abhapozya. ⁶ Aliuye asangaya nkani kusababu iya hana ukwamini kwabho. alafu aliye avitembelela ivijiji ivya papipi ange akufunzya. ⁷ Aliye abhita abhanafunzi bhala kumina mbili ayanzya ubhatuma bhabhili bhabhili. Aliye abhapa imamulaka kumapepo amabhifu, ⁸ Nubhabhula bhatashisenda shonsi shila pe bhapisiye isipokuwa umukota basi. Bhatashisenda umukate, wala umukoba, wala ihela mushibindoni; ⁹ Lakini bhazwale ivilatu, na te nkanzu zibhili. ¹⁰ Na abhabhula, "inyumba yonsi yila ye mwinila, yihalini ipo npaha pe mupita. ¹¹ Nihaya yonsi yila ngayahana ubhaposhela wala ubhivwa, yepini ukwabho, kung'untini unvumbi iya manama ginyu yibhe bhushuhuda ukwabho.'' ¹² Nabhope bhapita ange bhatangaza abhantu bhatubu nuleshela amazambi gabho. ¹³ aliye bhagabhinga amapepo aminji, naaliye bhabhapaha bhalwale nubhapozya. ¹⁴ Umufalme uherode aliye pe ayivwa igo, kwe izina ilya yesu aliye ilimanyuha nkani. ibaazi iya bhamo bhaliye bhati, ''Uyohana uhabatizya atafufuha na kusababu iyo, amaha iga aga myujiza yibhomba ikazi mukasi yakwe." ¹⁵ ibhaazi iya bhamo bhati, ''Uno uyeliya,'' bado bhamo bhati, ''uno unabii, nga weka uwa bhala abhanabii abha kali.'' ¹⁶ Lakini uherode aliye pe ayivwa iga aliye ati, ''Uyohana, uyohana we atamuputula itwe atamufufuha." ¹⁷ Maana uherode umuhola aliye ayajizya uyohana alemwe na aliye amunyepa mwigereza kusababu iya herode (umangu uwa kaka wakwe ufilipo) kusababu uyo aliye atamubhwezya. ¹⁸ Kimaana uyohana aliye amubhula uherode, ''te halali umubhwezya umangu uwa kaka waho.'' ¹⁹ lakini uherode aliye ayanzya umutubha na aliye akwanza umwumola, lakini atashili abhezye, ²⁰ Maana uherode aliye amwogopa uyohana; aliye amanyile kwamba ali nihaki umuntu umutakatifu, na aliye amuleha salama na aliye pe ayendeleya umubhuzya aliye asikitiha nkani, lakini aliye asha umwivwa. ²¹ Aliye pe wafiha uwakati mwafaka ange ilipalamila ilyanda ilya vyalwa uherode abhandaliya umuafisa wabho ikaramu, na abhakamanda, na abhaviongozi abha kugalilaya ²² Pene umulindu uwa herode Ayinjila nukwanga pankolelo yabho, amufurahisya uherode na abhanji bhe bhebhihala uwakati uwa shakulya isha jioni. Pene umufalme amubhula umulindu, ''Indabhe shonsi she ukwanza nane anamakupa.'' ²³ Amulapila nuti, shoshi she wandabha namakupa, ninusunye iya bhufalme bhwanenye.'' ²⁴ Afuma panzi amubhuzya umama wakwe, ''Indabhe shoshonu?" Ati, ''itwe ilya yohana uhabatizya.'' ²⁵ Lyokanye ayinjila kwa mufalme ayanza uti, ''Ikwanza unpe mukasi iya nsahani, itwe ilya yohana uhabatizya." ²⁶ Umufalme aliye asikitiha sana, lakini kusababu iya shiyapo shakwe na kunzila iya bhanji, atashili amuhaniye iombi lyakwe. ²⁷ Kwahiyo, umufalme atuma uaskari kati iya bhalinzi bhakwe nubhajizya ubhala umuletela itwe ilya yohana. Umulinzi aliye abhala umuputula itwe ange ali mushifungo. ²⁸ Alileta itwe lyakwe munsahani numupa umulimndu, numulindu amupa umama wakwe. ²⁹ Na abhanafunzi aliye pe bhivwa igo, bhaliye bhabhala uwusenda umubhili wakwe bhabhala bhauzyiha muhaburi. ³⁰ Na abhamitume, aliye bhahongana poka pankolelo iya yesu, bhamwelezya gonsi ge bhebhabhomba na ge bhebhafundisya. ³¹ Naope abhabhula, ''Zagini mwebhahola pambali tupuze kumuda.'' abhantu abhinji bhaliye bhakwinza nupita, na bhatashili bhapate inafasi iya kulya. ³² Kwahiyo bhakwela imashuwa bhapita pambali bhokanye. ³³ Lakini bhaliye bhabhalola ange bhakupita na abhinji bhabhamanya, pokanye bhaliye bhashimbila kumanama ihaya yonsi, nabhope bhafiha kabula yabho. ³⁴ Aliye pe bhafiha kunpwani, aliye abhulola ubhumati ubhukulu naabhuhulumiya, kusababu bhali vye nfwele zye zitali nuhashema. na ayanzya ubhafunzya amambo aminji. ³⁵ Umuda aliye pe wendeleya nkani, abhanafunzi bhamwinzila bhamubhula, ''Ipa pepafalaga numuda weupita. ³⁶ ubhalambaliye bhapite ihaya izya papipi nivijiji ili bhebhayikaliye ishakulya.'' ³⁷ Lakini abhajibu ati, ''Bhapini mwemwe ishakulya.'' bhamubhula, ''Tubhezizye ubhala nukala imikate kusamani iya dinari mya mbili nubhapa bhala?'' ³⁸ Abhabhula,'' muli nimikate yinga? pitini mwemulole.'' aliye pe bhapata bhamubhula, ''Imikate yisanu na inswi zibhili.'' ³⁹ Abhabhula abhantu bhihale mumakundi pamwana iya matundu amabhisi. ⁴⁰ Bhabhihazya mumakundi; amakundi aga mamiya na hamisini. ⁴¹ Alafu asenda imikate yisanu ninswi zibhili, lunola kumwanya, akaribisya abhabhula abhanafunzi bhabhihe pankolelo iya bhumati. nahabhili aliye agabha inswi bhabhili kubhantu bhonsi. ⁴² Bhali bhonsi npaha bhatosheha. ⁴³ Aliye bhahonganiha ivipande ivya mikate yeyisyalila, vyizula ivikapu kumina mbili, na alafu ivipande ivya nswi. ⁴⁴ na bhali abhatata elufu tanobhe aliye bhalya imikate. ⁴⁵ Alafu abhabhula bhakwele mumashuwa bhabhale isehemu iyinji, npha kubethsaida, uwakati uyo pe akubhalambaliha abhamakutano. ⁴⁶ Aliye pe bhapita, abhala kumagamba ulabha. ⁴⁷ aliye pe yafiha jioni, na imashuwa yabho uwakati uyoyali pakasi iya bahari, na ali wekanye ihaya akavu. ⁴⁸ Na aliye abhalola bhachula ukuma amakasiya kusababu inpepo yaliye yibhazuwiya. aliye pe yapalamila hatondo abhabhalila, ange akupita pamwanya iya minzi, na aliye akwanza ubhapita. ⁴⁹ Lakini aliye pe bhamulola akupita pamwanya iya minzi, bhinjila niwasiwasi ange bhaminyile muzimu bhangula. ⁵⁰ Kusababu bhaliye bhamulola bhabha nihofu. alafu ayanga nabhoabhabhula, ''Mubhe mwemwe bhajasiri! nene! mutashogopa.'' ⁵¹ Ayinjila mukasi iya mashuwa, ninpepo yileshela upita, nabhope bhamusangya. ⁵² Kwahiyo bhatashili bhelewe imaana iya mikate yila. maana iyachili zyabho zyali nubhwelewa hashe. ⁵³ Nabhope aliye pe bhalamba imbalama, aliye bhafiha ihaya iya genesareti imashuwa yitiya inanga. ⁵⁴ Aliye pe bhafuma panzi nimashuwa, ange bhamumanya. ⁵⁵ bhashimbila utangaza kumukowa umuzima na bhanzya ubhaleta abhalwale na amachela, shila pe bhivwa akwinza. ⁵⁶ Ponsi pe aliye ayinjila kushijiji, ama kumujini, ama kuhaya, aliye bhabhabhiha abhalwale pala pa soko, na bhamubhula, amuruhusu ugusa ipindo ilya mwenda wakwe. nabhonsi bhe aliye bhamugusa bhaliye bhapola.