¹ Uno mwanzo uwa yinjili iya yesu krisito, umwana uwa mwene uwa kumwanya. ² Kama vye shihandikwa nunabaa uyisaya, ''Lola, indamutuma umujimbe wane pankolelo yaho, weka we alayaniya inzila yaho. ³ Isawuti iya muntu wakwita kunyiha, ''Kamilisyini inzila iya bwana; gololini inzila zyakwe''. ⁴ Uyohana ayinzile, enge akubatizya munyiha nuhubili ubhubatizyo ubhwa toba kumusamaha uwi zambi. ⁵ Insi yonsi iya yuduya na bhantu bhonsi abha kuyerusalemu bhapisiye ukwakwe. Aliye bhabatizwa nawo kwihoga ilya yorodani, age bhalanda amazambi gabho. ⁶ Uyohana aliye akuzwala imyenda iya mavumbu aga ngamiya numukanda uwa ngozi mumusana wakwe, na aliye akulya inzige nubhwushi ubhwamwisole. ⁷ Aliye ahuburi nulanda, ''Aliko weka we akwinza ibadala yane uwamaha nkani kuliko nene, na intena ihazi iya kwinama pansi na usapula inkamba izya vilatu vyakwe. ⁸ Nene naliye imbabatizya kuminzi, lakini woyo alabhabatizya mwemwe kuroho umutakatifu.'' ⁹ Aliye yitokeya kumanda igo kwamba uyesu ayinzile ufuma kunazaleti iya galilaya, na aliye abatizwa nuyohana kwihoga ilya yorodani. ¹⁰ pe uyesu aliyeb ayinuluha ufum amuminzi, aliye alola imbingu izigabhanyiha wazi nuroho age akwiha pansi pamwanya yakwe vye nkunda. ¹¹ Nisawuti yifuma kumwanya, ''Wewe mwana wane umupendwa. Inkupendezwa nkano nawe.'' ¹² Habhli lyoka uroho amulazimisya ubhala kunyiha. ¹³ Aliye alikunyiha amanda harobayini, ajaribibhwa nusyetani. Aliye ali poka nabhanyama abha mumusitu, na abhamalayika bhaliye bhamuhudumiya. ¹⁴ Sasa bada iya yohana ulemwa, uyesu ayinzile mugalilaya atangaza iyinjili iya mwene uwa kumwanya, ¹⁵ Aliye ati''umuda iwufiha, nubhufalme ubhwa mwene uwa kumwanya ibhukaribiya. mutubu nukwamini kuyinjili.'' ¹⁶ Na ange akupita mumbali iya Galilaya, amulola usimono nu Andrea undugu uwa simoni bhasumba inyavu zyabho mubahari, nubha bhali bhavuvi. ¹⁷ Uyesu aliye abhabhula, ''Zagini, ndondelini, na mumabha mwemwe bhavuvi abha bhantu.'' ¹⁸ Na lyoka aliye bhaleha inyavu na bhamulondela. ¹⁹ Uyesu pe aliye apita apatali hashe, aliye amulola uyakobo umwana wa zebedayo nuyohana undugu wakwe; bhali mumutumbwi enge bhayaniya inyavu. ²⁰ Aliye abhota nabhopenye bhamuleha ubaba wabho uzebedayo mukasi nia mutumbwi nabhatumishi bhebhahakodibhwa, bhamulondela. ²¹ Na peliye bhafiha kukaperinaumu, ilyanda ilya sabato, uyesu aliye ayinjila musinagogi nufundisya. ²² Aliye bhasangaya ifundisyo lyakwe, kwe aliye akubhafundisya vye muntu we ali nimamulaka na te vye bhandishi. ²³ Uwakati nyuyo bhali numuntu kusinagogi lyabho we aliye ali nuroho umufisu, na aliye ayuma ikelele, ²⁴ Ati, ''nulinashonu ishabhomba nawe, yesu wanazareti? utinza utwangamizye? Ininzile wewe wenu. Wewe mutakatifu weka uwa mwene uwa kumwanya!'' ²⁵ Uyesu aliye umukemeya usyetani nuti , ''Tuzya nufume mukasi yakwe!'' ²⁶ Nuroho umufisu aliye amugwisya pansi na afuma ukwakwe nuku ange akulila kusawuti iya pamwanya. ²⁷ Na abhantu bhonsi aliye bhasangaya, bhabhuzaniya shila muntu, ''Ino yoyonu? Ifundisyo ipya ilya mamulaka? Hdi akwamuru amapepo amachafu gamutii!'' ²⁸ Nihabari uhusu wuyo lyoka zitawala shila sehemu mukasi iya mukowa wonsi uwa galilaya. ²⁹ Na lyoka ibaada iya kufuma panzi iya sinagogi, aliye bhinjila munyumba iya simoni nu andrea ange bhali nuyakobo nuyoha. ³⁰ Sasa umama mukwe uwa simoni aliye atadila mulwale uwa homa, na bhaliye bhamubhula ihabari zyakwe. ³¹ Kwahiyo aliye ayinza, aliye amulema kwihono, na umubhusya pamwanya; ihoma yepa kuliwuyo, na ayanzya ubhahudumiya. ³² Jiwoni nyiyo peliyenge ilanzi lye liswa, aliye bhamuletela ukwakwe bhonsi bhe aliye bhandwale, au bhebhahalemwa na amajini. ³³ Ihaya yonsinye aliye bhakusanyiha poka kumulyango. ³⁴ Aliye bhabhapozya bhonsi bhebhali bhandwale mbalimba li nukwefya amapepo aminji, ila atashila aluhusu ijini uyanga kusababu bhamumanyile. ³⁵ Aliye adamula hatondo lubhilo, pe aliyenge shihsili shanda; Aliye apita nubhala amahali pe pahatuliya na aliye alabha uko. ³⁶ Usimoni na bhonsi bhebhali poka nawo aliye bhamwanza. ³⁷ Aliye bhamwaga na bhamubhula, ''Shila muntu akukwanza'' ³⁸ Aliye abhabhula, ''Tubhalini apanji, kunzi kuhaya zye zilibhizizye, ili inkubili nukonye. yene sababu ye inkinza ipa.'' ³⁹ Aliye apita kugalilaya yonsi, ange akuhubiri kumasinagogi gabho nukemeya amajini. ⁴⁰ Uwa bhukoma weka aliye ayinza ukwakwe. Aliye akumubhula; aliye asugama na amubhula, ''ngu kwanza , unga mbomba imbe safi.'' ⁴¹ Akusukumwa ninkumbu, uyesu aliye abhiha ihono lyakwe numugusa, amubhula, ''Ikwanza. Ubhe safi.'' ⁴² Lyokanye ubhukoma bhwepa, na abhobhwa ubha safi. ⁴³ Uyesu amuwonya kubhuhari na amubhula abhale lubhilo, ⁴⁴ Aliye amubhula, ''uhakikisye utalanda ineno kuli wensi wula, lakini pita, ujiwonyesye kuli kuhani, na utowe izabihu kujili iya bhutakaso bhwe umusa aliye ayajizya, kama bhushuhuda ukwabho.'' ⁴⁵ Lakini aliye apita nukwanzya umubhula shila weka nulanda ineno nkani nuyesunye atashili ayinjile habhili muhaya kubhuhulu. Kwahiyo aliye ayihala amahali apa falaga na abhantu bhaliye bhinza ukwakwe ufuma shila sehemu.