¹ Baada ya igasia okuwa, Paulo abhabhilikiye abheigisibhwa no okubhayana omyoyo. namara nabharaga nasokao nagenda Makedonia. ² Omwene ejire atura emikoa giyo na ku mang'ana mafu na kubhayana omoyo ewabho, engiye Uyunani. ³ Baada yo omwene okubha arya kwa mwanya gwa mesi gasatu, jinjama jaundirwe kumwene na Abhayahudi aliga nakalibia okusokao kwa injira yo omwaro okugenda Shamu, kutyo aramuye okusubha okutura Makedonia. ⁴ Bharubhirene no mwene mpaka Asia bhaliga Sopatro, omwana wa Pirho okusoka Berea; Aristariko na Sekundo, bhone okusoka kubhekilisha bhya Wathesalonike; Gauo wa Derbe; Timotheo; Tikiko na Trofimo okusoka Asia. ⁵ Lakini abhanu bhanu bhatangatire na bhaliga mbakilinda arya troa. ⁶ Kwa injira ya inyanja okusoka Filipi baada ya gisiku je emikate ginu gitasang'araye, na ku nsiku etanu kibhakingira heyo Troa. Chekaye eyo kwa siku saba. ⁷ Hata kurusuku rwo kwamba urwo obhwoyo, chaliga chikumanyishe amwi ili okubhega omukate, Paulo aikire na bhanu bhekilisishe. Aliga napanga okusokao mwejo yaye, kutyo nagenda okwaika mpaka mungeta mubhwire. ⁸ Kwaliga na gitara nyafu musiko cha inguru munu chaliga chikumanyishe amwi. ⁹ Kwidilisha aliga ekaye omumula umwi lisina ryaye Utiko, unu aliga ali na gitiro nsito. Hata Paulo aliga nahutubu kwo omwanya omurera, omumura unu, aliga aongeye, aguye asi okusoka kugorofa ya kasatu na abhojerwe afuye. ¹⁰ Lakini Paulo ekire asi, anyorosishe omwene iguru yaye, namufumbatira. Namala naika, "musige okufwa omutima, kwokubha ni muhoru." ¹¹ Kisha nalinya tena mugorofa no okubhega omukate, nagurya. Baada yo okwaika nabho kwa mwanya murera hadi muruguru nasokao. ¹² Bhamuretere mumura urya alimuhoru nafarijika sana. ¹³ Eswe abhene chatangatire imbele ya Paulo kwa imeri na chigenda Aso, enu eswe chapangire okumugega Paulo eyo. Kinu nicho omwene endere okukora, kwokubha apangire okutura kucharo echumu. ¹⁴ Ejire akikingira eyo Aso, chamugegere kumweri chigenda nawe mitirene. ¹⁵ Kisha eswe kisoka okusoka eyo na kurusuku rwa kabhili chakingire kulubhara rwa kabhili rwa risiga rya Kio. Orusuku runu rwarubhiye, chikinga kwisiga rya Samo, na mwejo chikinga kumsi gwa Milero. ¹⁶ Kwo kubha Paulo ariga aramuye okusafiri okutura Efeso, ili ati okutumia omwanya gwogwone Asia, kwo kubha aliga na bhwangu bhwo okuwai Yerusalemu kwa ajili ya isikukuru ya Pentekoste rabha yakawezekane omwene okukora kutyo. ¹⁷ Okusoka Mileto atumire abhanu mpaka Efeso na okubhabhilikira abhakaruka bha likanisa. ¹⁸ Bhejire bhakinga kumwene, nabhabhwira, emwe abhene mumenyere okwambira orusuku rwo okwamba runu natajire anu Asia, kutyo naliga nemwe mwanya gwone. ¹⁹ Enimukorera Omukama kwo obhunyenyekecvu bhwone na kwa masiga, na inyako inu imbonere anye kwa hila ja abhayahudi. ²⁰ Mumenyere jinsi kutyo naliga nitakwiganya okurasha kwemwe ekinu chone chone kinu chaliga muhimu, na jinsi anye nabheigisishe kubhweru bhweru na pia okugenda musi ku musi. ²¹ Mumenyere anye nagendere okubhaganya Abhayahudi na Abhayunani iguru ya itoba ku Nyamuwanga na okwikilisha kwo Omukama weswe Yesu. ²² Na oli, mwangarire, anye, nikabha nimutii Omoyo omweru okuelekea Yerusalemu, Nisige okumenya amang'ana ganu aganitokea anye eyo. ²³ Ila kwo okubha omyoyo omweru ogunishuhudia anye ku bhuli musi na naika ati eminyororo na ekinyasho kutyo ebhindindirila. ²⁴ Lakini anye niteganilisha ati amaisha gani ni ku njira yoneyone ya ithamani kwanye, ili niture okumara orugendo rwani na hihuduma inu naramiye okusoka ku Mukama Yesu, okushuhudia injiri ye ekigongo cha Nyamuwanga. ²⁵ Na oli, lingira, nimenyere ati bhone, miongoni mwa bharya nagendere okubharasisha Obhukama, mtakundora kwo obhusu tena. ²⁶ Kutyo enibhashuhudia lelo hinu, ati nitana chibhibhi kumanyinga ga munu wone wone. ²⁷ Kwokubha niteganyishe okubhabhwira obhwendwa bhwone bhwa Nyamuwanga. ²⁸ Kutyo mubhe bhaangarifu iguru yemwe emwe abhene, inguru ya likundi ryoryone linu omwoyo omweru abhatuye emwe okubha abhangarisi. Mubhe bhaangarifu okulirebha likusanyiko rya Omukama, linu arigurire kwa amanyinga gaye omwene. ²⁹ Nimenyere ati, baada yo okusokao kwanye, jimbwa mwitujinduru ejindira kwemwe, na bhasige kuryabhira likundi. ³⁰ Nimenyere ati hata miongoni mwemwe abhene baadhi ya abhanu abhajokubha no okwaika amang'ana amabhibhi, ili okubhafuta abheigisibhwa bhabharubhe abhene. ³¹ Kutyo mubhe ameso, mkumbuke ati emiaka esatu nitaturire okusiga okubheigisha bhuli umwi wemwe kwa amasiga mungeta na mumwisi. ³² Na oli anye enibhakabidhi ku Nyamuwanga, na kwa ling'ana rya ekigongo chaye, linu eritura okubbhombaka no okubhayana obhugabhi amwi nabho bhone bhanu bhateywe wakifu ku Nyamuwanga. ³³ Nitatamanishe yela, dhahabu, au ngubho. ³⁴ Mumenyere emwe abhene ati, amabhoko ganu ganaye amahitaji gani omwene na amahitaji ga bharya bhanu bhariga amwi nanye. ³⁵ Ku mang'ana gone nabhayaye ekijegekanyo cha kutyo eyibhenda okubhasakila abhanyonge kwo okukora emilimu, na kutyo omupaswa okukumbuka amang'ana go omukama Yesu, amang'ana ganu omwene aikire; "Ni heri okusosha kuliko okuramila." ³⁶ Baada yo okwaika namna hinu, efukamire no okusabhwa amwi nabho. ³⁷ Bhone bhalilire muno no okumugwila Paulo mubhicha no okumbusu. ³⁸ Bhasurumbaye zaidi ya gone kwo okubha kirya kinu aliga ayikire, ati kamwe mutakubhurora obhusu bhwani tena. Kisha mbamuyeregesha mu merikebu.