¹ Abhanu fulani bhekire okusoka Uyahudi no okwiigisha abhayiri, mbhaika, "mkarema okusarwas rwa desturi ya Musa, mtakutura okugomborwa." ² Omwanya Paulo na Barnaba bhaliga na inyombo na obhurwaji obhunene qamwi nabho, abhayiri mbaramura ati, Paulo, Barnaba na abhandi kadhaa bhagende Yerusalemu kubhagaya na abhakaruka kwa ajili ya ling'ana linu. ³ Kokubha, kwo kutumwa kwebhwe na likanisa bhaturire Foinike na Samalia nibharasha okuchusibhwa inia kubhebhyaro. Bharetere rijomerwa rinene kubhayiri bhone, ⁴ Bhunu bhejire Yerusalemu. bhakaribhisishwe na likanisa na abhagaya, na abhakaruka, na bhasirire itarifa ya amang'ana gone ganu Nyamuwanga akorere amwi nabho. ⁵ Lakini bhanu fulani bhanu bhekirisishe, bhaliga kwi kundi rya Mafarisayo, bhemereguyu nokwaika, "ni muhimi kubhasara na kubharajimisha okugwata jisheria ja Musa." ⁶ Kutyo abhagaya na abhakaruka bhemereguyu amwi no kuliganilisha ling'ana linu. ⁷ Baada ya amaiko marera, Petro emereguyu no okwayika kwebhwe, " Abhayiri omumenya ati kumwanya mutoto echijomu chaturire Nyamuwanga akorere okwaura agati yemwe, ati kwo omunwa gwani Ebhyari bhyongwe ling'ana rya injili, no okuamini. ⁸ Nyamuwanga, unu amenyere emyoyo, kashuhudia kwebhwe, kabhayana omwoyo omweru, rwas kutyo akorere kweswe; ⁹ na atakorere tofauti kati yeswe na abhene, najikora emyoyo jeswe kubha safi kwe elikirisha. ¹⁰ Kwa kutyo, kwaki omumusaka Nyamuwanga ati muture ginira inguru ye ebhicha bhya abheigisibhwa bhanu hata abharata bheswe wala eswe chitaturire okustahimili? ¹¹ Nawe ekiamini oli ekiokorewa kwe ekigongo cho Omukama Yesu, rwa kutyo bhaliga bhali." ¹² Likusanyiko ryone ryajibhiye bhaliga mbamutegeresha Barnaba na Paulo bhaliga ,mbasosha itarifa ya ekijegekanyo na amaajabu ganu Nyamuwanga akorere amwi nabho agati ya abhanu bha mubhyaro. ¹³ Anu bhasigire okwayika, Yakobo najibu naika, "Bhayiri muntegereshe. ¹⁴ Simoni abheresha kutyo okwamba Nyamuwanga kwe ekigongo abhasakiye ebhyaro ili ati ebhonere okusoka kubhene abhanu kwa ajili ya lisina ryaye. ¹⁵ Amang'ana ga omuroti agafugererana na linu rwa kutyo rwandikirwe. ¹⁶ Baada ya amang'ana ganu enisubha no okumbaka tana lihema rya Daudi, linu ryaguye asi, enilimusha na okuhusisha obhunyamuke bhwaye, ¹⁷ Ili ati abhanu bhanu bhasigaye bhamwagare Omukama, amwi na abhanu bha abheryo bhanu bhabhilikiwe kwa lidsinan ryani.' ¹⁸ Kutya ni kutyo aika Omukama, akorere amang'ana ganu agamenyekana kwambila enzi ja kara. ¹⁹ Kutyo holi, obhushauri bhwani ni, ati kisige okubhayana inyako abhanu bha ebhyaro bhanu bhechusishe ku Nyamuwanga; ²⁰ Lakini kibhandikire okwamba bhekengfe kurano obhunyamuke bhwa lisusano, jinamba jo obhuromeresi, na bhinu bhyanyigirwe, na amanyinga. ²¹ Okusoka kubhibhurwa bhya abhakaruka bhario abhanu ku bhuli musi gunu abharasha no okumusoma Musa ku masinagogi kila bhwoyo." ²² Kwo kutyo yaonekene okubha bhajomerewe abhagaya na abhakaruka, amwi na likanisa ryone, okumwahura Yuda abhilikiwe Barsaba, na Silas, bhanu bhaniga mbatangasha mwi kanisa, na okubhatuma Antiokia amwi na Paulo na Barnaba. ²³ Bhandikire kutya, kwa amabhoko gebhwe, "abhagaya, na abhakaruka na abhayiri ku bhayiri bha mubhyaro bhanu bhali Antiokia, Shamu na Kilikia, Likesha. ²⁴ kwokubha chonguye ati abhanu fulani bhanu kitabhayaye indagano iyo, bhasokere kweswe na bhabhanyasha kwa ameigisho ganu agareta inyako munafisi jemwe. ²⁵ Kwokubha yaonekene bhujomu kweswe bhone okwaula abhanu no okubhatuma kwemwe amwi na abhendwa bheswe Barnaba na Paulo, ²⁶ Abhanubhanu abhanyamura amaisha geswe kwa ajili ya lisina rya Omukama Yesu Kristo. ²⁷ Kwa kutyo chamutuma Yuda na Sila, abhajookubhabhwira amang'ana gayo gauyo. ²⁸ Kwokubha yaonekene bhujomu kwo omwoyo omweru na kweswe, kutokutura inguru yemwe emijigo eminene kulikoamang;'ana ganu gali ga lazima: ²⁹ Ati mwichushe okusoka kubhinu bhinu ebhisosibhwqa kwi susano, amanyinga, ebhinu bhya okunyigwa, na obhuromeresi. Rabha mkatura kura na bhinu, eibha bhujomu kwemwe. kwa herini." ³⁰ Kutyo holi, hunu bhanyaraganyibhwe, bhekire Antiokia; baada ya likumanyiko amwi, bhasirire ibarua. ³¹ Bhaliga bhaisomere, bhajomewe kwa isababu ya okuyanwa omwoyo. ³² Yuda na Sila, na abharoti, bhabhayaye omwoyo abhayiri kwa amang'ana mafu na okubhayana amanaga. ³³ Baada yo okwikaramwanya fulanieyo, bhanyaraganyishwe kwa erikilisha okusoka kubhayiri kubharya bhatumirwe. ³⁴ [Lakini yaonekene bhujomu Sila okusigara eyo] ³⁵ Lakini Paulo na abhandi bhekaye ntiokia amwi na abhandi abhafu, anu bheigisishe no okurasha ling'ana ryo Omukama. ³⁶ Baada ya jinsiku kadhaa Paulo naika ku Barnaba, "Na kisubhe oli no okubharibhatira abhayili ku bhuli musi anu charasishe ling'ana rya Omukama, na okubharora bhali. ³⁷ Barnaba endere okumugega amwi nabho Yohana unu abhilikiwe Marko. ³⁸ Lakini Paulo eganilisishe hitabheye bhujomu okumugega Marko, unu abhasigire eyo Pamfilia na hatagendereye nabho ku milimu. ³⁹ Kisha hao nikusokerera giu mamba nene kwa kutyo mbatamyanya, Barnaba namugega M arko na okusafiri kw aimeri mpaka Kipro, ⁴⁰ Lakini Paulo namwaula Sila na okusokao, baada yo okuyanwa na abhayiri ku ekigongo cha Omukama. ⁴¹ Na agendere okuturira Shamu na Kilikia, akemya amakanisa.