¹ Oli mwikanisa rya Antiokia bhaliga bhalio baadhi ya abharoti na bhalimu. Bhaliga na Barnaba, Simeoni (unu abarikiwe Nigeri). Lukio wa Kirene, Manaeni (Omuhiri hunu hatari wa manyinga ga Herode omutangasha wo Mkoa), na Sauli. ² Bhaliga nibhamulamilisha Omukama no okumubhoya, omyoyo omweru gwaikire, "Mwitegere kumbali Barnaba na Sauli bhakore omulimu gunu nibhabhilikiriye." ³ Baada ya likanisa okubhoya, okusabha, na okutura amabhoko gebhwe inguru ya abhanu bhanu bhabhatatiye mbagenda. ⁴ Kutyo Barnaba na Sauli bhamutiishe omwoyo omweru na bhateremukire no okulingira Seleukia; Okusoka eyo bhaturire mu nyanja no okulingila okusiga Kipro. ⁵ Bhaliga ku musi gwa Selemani bharasishe lingana rya Nyamuwanga ku Masinagogi ga abhayahudi bhaliga amwi na Yohana Marko rwo musakisi webhwe. ⁶ Bhejire bhagenda ku kasiga kone mpaka Pafo, bhabhonele mulosi fulani muyahudi omuroti wa rulimi, hunu lisina ryaye kabhilikirwa Bar Yesu. ⁷ Omulosi hunu bhagwatene na Liwali Sergio Paulus, hunu aliga munu wo bhwenge. Omunu hunu abhalikire Barnaba na Sauli, kokubha bhagendere okungwa ling'ana rya Nyamuwanga. ⁸ Lakini Elima "urya omulkosi" (Kutyo niwo lisina ryaye elitafasiriwa) abhalemeleye; amusakire okumuchusha urya Liwali okusoka ku likilisha. ⁹ Lakini Sauli hunu abhilikiwe Paulo aliga ejuye omwoyo omweru namukazia ameso. ¹⁰ Na naika "awe omwana wa lisabhwa wijuye aina jone je ekijimya na ebhibhibhi. Awe uli adui wa bhuli aina ya ihaki. Hutakusiga okuchusha gi njira jo Omukama, ginu ginyorokere, je outura? ¹¹ Oli lingila, okubhoko kwa omukama kuli inguru yao, na oujokubha mwofu. Hutakutula okulola lisubha kwo mwanya" Mara rumwi chitwi ne ekisute bhyaguye inguru ya Elimas; ambile okwiinda arya nasabha abhanu bhambe okutangasha kwo okumugwata okubhoko. ¹² Baada ya liwali okulora kinu kyasokeye, ekilisishe kwokubha alugurire kwa ameigisho okuhusu Omukama. ¹³ Oli Paulo na abhasani bhaye bhagendere mu manji okusoka Pafo na bhakingire Perge ku Pamfilia. Lakini Yahana abhasigire nasubha Yerusalemu. ¹⁴ Paulo na abhasani bhaye bhagendere Perge na mbakinga Antiokia ya Pisidia. Eyo bhagendere nu sinagogi kulisuku rwa isabhato no okwikala asi. ¹⁵ Baada ya okusoma indagano na abhaloti, abhatangasha bha lisinagogi abhatumiye abhajumbe nibhaika, "abhayili, labha munabhwo obhujumbe bhwo okubhatulamo omwoyo abhanu hanu, mwaike" ¹⁶ Kutyo Paulo emeleguyu na okubhahugila okubhoko; Aikire, "Abharume bha Israeli na emwe bhanu omutii Nyamuwanga, mutegereshe. ¹⁷ Nyamuwanga wa abhanu bhanu bha Israeli abhahuye bharata bheswe na okubhakola abhanu bhafu bhanu bhekaye muchalo cha Misri no kwo kubhoko kwaye kunu kwimusibhwe abhatangasishe anja yaye. ¹⁸ Kwe emyaka makumi gana aliga abhavumiliye mwi jangewa. ¹⁹ Baada yo okunyamula ebhyalo muhugati ku musi gwa Kaanani, abhayaye abhanu bheswe echalo chebhwe kibhe cha kugabha. ²⁰ Amatukio ganu gone gasokere zaidi ya emyaka magana gana na makumi gatanu. Baada ya ebhinu bhinu bhyone Nyamuwanga abhayaye obhulamusi mpaka Samweli omuroti. ²¹ Baada ya ganu, abhanu bhasabhile omukama, kutyo Nyamuwanga abhayaye Sauli omwana wa Kishi, omunu wa likabila rya Benjamini, abhe Omukama kwa emyaka makumi gana. ²² Kutyo baada ya Nyamuwanga okumusoshao Kubhukama, amwisishe Daudi kubha mukama webhwe. Yaliga okuhusu Daudi ati Nyamuwanga agashuhudiye no okwaika nabhona Daudi omwana wa Yese okubha omunu hunu najomewe na omwoyo gwani, hunu kakola kila kinu ninjomerwa.' ²³ Okusoka kuluganaga rwa omunu hunu Nyamuwanga amuletera Israeli omukombozi, Yesu, rwa kutyo ahaidishe okukola. ²⁴ Kabla ya Yesu okusokera, Yohana okwamba arasishe okubhatija kwa itoba kwa abhanu bhone bha Israeli. ²⁵ Yohana wone bhunu amarishaga omurimu gwaye, ayikire, 'omunyiganilisha kubhaga?' Nanye wurya. Nawe muntegereshe, wunu kaja yinyuma yani, nitakutura kusurumura jingoye jebhitaro bhya amaguru gaye.' ²⁶ Bhayiri, abhana bho ruganda rwa Abrahamu, na bhanu omuramya Nyamuwanga, ni yinguru yemwe ati ying'ana yokuswerurirwa yitumirwe. ²⁷ Kubhekasi bha Yerusalemu, na abhatungi bhebhwe, bhatamusombokeye, bhatamenyere ying'ana yobhuragi yo kufwa kwa Yesu. ²⁸ Japokuwa bhatanyorere yisababu yinjomu yinguru yokumwita, bhasabhire Pilato amire. ²⁹ Bhejire bhakumisha amang'ana gone ganu gandikirwe yinguru yaye, bhamwisishe okusoka kwiti mbamumamya munyombe. ³⁰ Nawe Nyamuwanga amusuruye okusoka kubhafuye. ³¹ Abhonekane siku nyafu kubharya bhasokere nawe okuja Yerusalemu. Abhanu bhanu ni bhayidibhwa abhanu. ³² Kutyo echibharetera ying'ana yinjomu yobhuragi yinu bhayaywe bhajaji bheswe. ³³ Nyamuwanga akumisisheobhuragi b hunu kweswe, abhana bhebhwe, kukusurura Yesu nokumusubhya tena kubhuoru. Rwa kutyo yakaamirwe ku Zaburi ya kabhili: 'Nawe omwana wani, rero nabha esomwana' ³⁴ Eyene yinguru yo kumusurura okusoka kubhafuye, nati omubhili gwaye gusige kubhora, ayikire ati: 'Enikuyana amabhando amajomu ga Daudi' ³⁵ Yinu niyo yakorere nayika ku Zaburi eyindi, 'wutari siga munu mweru wao abhore.' ³⁶ Kwokubha Daudi ejire amara okunyakilila Nyamuwanga kubhwibhurwa bhwaye, amamire, bhamumamishe amwi na bhesemwene, omubhili gwaye gwarorere obhunyamuke. ³⁷ Nawe hunu asururiwe na Nyamuwanga atarorere bhunyamuke. ³⁸ Mbe yimenyekane kwemwe, bhayiri, okutura kumunu wunu, omusamaha gwebhikayo ngurasibhwa. ³⁹ Wunu kekilisha kumwene kabharirwa yihaki ganu amaragiriro ga musa gataka bhayaye okubha na yihaki. ⁴⁰ Mbe wori mwangarire ganu garomerwe na abharagi gasige kukoreka kwemwe: ⁴¹ Mrore, emwe bhanu omujera, murugure nokusingarika, kwokubha enikora emilimu mu siku jemwe, omurimu gunu mutakutura kwikilisha, hata kama munu akabhabhwira." ⁴² Omwanya gunu Paulo na Barnaba bhemukire abhanu mbabhasabha bhayike amang'ana ganu orusuku rwa yisabhato yinu yaga nirubhira. ⁴³ Risangisho rya mwisinagogi ryejire ryawa, Abhayawudi bhafu na bhanu bhekilisishe chimwi chimwi bharubhire Paulo na Barnaba, bhanu bharomere nabho nokubhakomeresha bhagenderere muchigongo cha Nyamuwanga. ⁴⁴ Yisabhato uyinu yartubhiye, musi gwone gwekumanyishe okutegeresha ring'ana rya Nyanuwanga. ⁴⁵ Abhayahudi bhejire bharora obhwafu bhwa abhanu, mbabha no rwiso mbaroma amang'ana ganu agaganya ebhinu bhinu bhyayikirwe na Paulo mbamufuma. ⁴⁶ Nawe Paulo na Barnaba mbaroma na ribhasi mbayika, "Yaga yiri ati ying'ana ya Nyamuwanga yaikwe okwamba kwemwe. Bhunu echirora muli kurakura nokurora ati muteyire okubhona obhuworu bhwa murwire, muringire echija okuyindikira abhanyacharo. ⁴⁷ Rwa kutyo omukama achiragiriye, nayika, 'Nibhateye mubhe bhweru kubhanu bha mucharo, ati murete obhwokovu mbara jone je charo." ⁴⁸ Abhanya charo bhejire okungwa linu, bhajomewe mbemusha ring'ana ryo Mukama. Abhafu bhanu bhasorerwe ku bhuoru bvhwa Murwire bhekirisishe. ⁴⁹ Ring'ana ryo Mukama ndiranda charo chirya chone. ⁵⁰ Nawe abhayahudi mbachochea abhanu bhanu bhesosishe na abhagasi muhimu na abhatangasha bhomusi. Ganu ngasiga yinyako ya Paulo na Barnaba mbabhesa anja ya jimbibhi jo musi. ⁵¹ Nawe Paulo na Barnaba mbakukumra oruteri rwa amaguru gebhwe. Mbamara mbagenda kumusi gwa Ikonia. ⁵² Na abheigisibhwa mbejura omurembe amwi no mwoyo omweru.