¹ None, kondakwandikila wewe, mukunzi lino keti dya kabhili kugilango ndakuvyule mubwenke, ² Kugilango ushobhole kwibhuka ama jambo yavuzwe hatalabheho abhavugishwa bhela nikuvuga ukugobhelezwa Kumukuru wachu numukiza kukukolesha intumwa. ³ Umenye ili dyi ntango, ati abhichanyi bhaloza hagati mumisi zi mpelezo kubhagilila nabhi mwemwe, bhagenda neza neza ni munzila zabhu. ⁴ Nabha vuga "Lili hehe isezelano dyo kugaluka? Bhasowanyu bhala nfuye, Aliko ibhintu vyabho vyalintyo kuva ku ntango yo kulema. ⁵ Bhacha bhigila ukwibhagila yuko isi ni juru vyatanguye kuva mumazi kuhitila amazi mwakadya kanya kakale, kwi jambo dyi Mana, ⁶ nikuhitila nikwidyo jambo dyage na mazi yachiye yabha isi mukanya kadya icha yuzula amazi, yachiye yo nonwa. ⁷ Aliko nonaha ijuru ni sii vyabhichwe kwi jambo lidya nyene kunzila yo kulolela umulilo. Vyalabhichwe kumusi wulubhanza nukuhonywa kwa bhantu bhatafise Imana. ⁸ Ili nti dyop shobhola ukubhaka ukuvuga kwawe, b hakunzi ati ni siku yimwe kumukulu ninkimyaka ijana. Ni myaka ijana ninkulusiku lumwe. ⁹ Sikugilango Umukuru akoze bhukebhuke kukwiza isezerano, ninki ivyishunvigwa kubha, Aliko wene numwihanganyi kwi hajili yachu, wene ntiyipfyuza na umwe atakale, Aliko yipfuza kutanga umwanya kugilango bhose bhalonke ukwihana. ¹⁰ Niho, umusi wi Mana uloza nkumusuma, ijuru lilohita kuku vuga chane. Ibhintu bhilotuligwa kumulilo. Insi nibhintu vyose bhilimwo bhiloselugwa habhona. ¹¹ Kuko ibhintu vyose bhilotuligwa kunzila iyi. None tulobha abhantu bhasusa gute? Ubheho nkubwela nubhu lamvyi nkikwi Mana. ¹² Yadukwiye kumenya nikwiobhuka mukanya kumusi wi Mana. Kumusi woo ijuru lilotuligwa kumulilo. Ni bhindi bhilosambala mumpita ikaze. ¹³ Aliko kuva mwisezelano dyage, tuloleye ijuru lishasha ninsi shasha, aliko abhukuli bhalobha ¹⁴ Kulintyo bhagenzi kuko tugomba kwegela ibhibhintu ibhi, twikaze kubha abhagololochi kutavugwako ama jambo nikubha nama holo hamwe na wene. ¹⁵ Ibhuka kwi hangana kumukuru wachu hagati mukakiza nkumukunzi wachu musaza wachu Paulo, ivyo yabhandikiye mwemwe,kuva mukakenguluko ko yahawe. ¹⁶ Paulo avuga ayo yose hagati mwiketye zage haliho ibhintu, ibhilemeye kumenya. Abhantu bhatafise isoni nikwihagalikila bhalavyononye ivyo bhintu, nikubhigila ivyo vyandichwe. Kugenda kuhonywa kwabhu. ¹⁷ V 17 Kulintyo, bhagenzi kuko muyamenya ayo. Ni mwilinde mwemwe nyene kugilango ntimutakazwe nikuhendagizwa kokubheshwa nikutakaza ukwizigigwa. ¹⁸ Aliko mukule hagati mukigongwe nukumenya Kumukuru wu mukiza ali Yesu Kristo na nonaha ubwela bhuli na wene mubhihe vyose. Amina.