¹ Abhavugishwa bhubhubheshi bhalabhonekanye kubha Israeli, nabhigisha bhubhubheshi bhaloza kandi iwanyu. Kubhumpishwa bhalozana amigisho yubhubheshi nabho bhalohakana umukuru wabhaguze. Bhalizanila ubhubhi bwo kwilukankanya hejuru yabhu bhene nyene. ² Bheshi bhalolondela inzila zabhu zi soni nikuhitila bhene bhaloyihakana inzila yukuli. ³ Kubwimanyi bhalomalila abhantu bhakolesha amajambo yubhubheshiulubhanza gwabho nilulotinda, ubhubhi bwabhu bhulobhicha. ⁴ Kuko Imana niyabhaleche abha malaika bhatagiche. Kileche yabhataye muchobho kugilango bhabhonwe imigozi kugeza hulubhaza holulobhasoholela. ⁵ Kandi Imana niyahanganye abhanyisi ya kela. Kileche, yalabhiche Umucho, wumuhamagalo wu kuli, hamwe nabhandi mushanju, mwakadya kanya hoyalekula amazi hejuru yabha nyesi bhubhi. ⁶ Imana hoyatanga ikihano muli Sodoma na Gomora kugela hobhabhaye umunyota nu bhubhi nikigelelanyo kunzila yu bhubhi hagati mwi siku za maso ⁷ Aliko hoyagilantyo, yamukijije Lutu muntu wunyakuli, wali yabhabhajijwe ni ngeso zi ngendo mbii abhatakwilikiye amategeko yi Mana. ⁸ Kuko uyo muntu wukuli, wabhaye nabhene umusi ku musi abhabhazwa numutima wage kulibhene kulibhadya bhumvishije nikuyabhona. ⁹ Kulintyo Imana ilamenya kungene yobhakiza abhantu bhage mukanya kubhubhabhalo ni kwihangana ubhubhi kunzila yulubhanza hagati mumisi yi mpelezo. ¹⁰ Kukwemela uku niko ukuri kwabhadya bhaloguma bhalabha hagati mukwipfuza kumubhili nikuyakengela amategeko. Abhantu nkabha bhali ninkomezi hagati mimitima yabhu, Nibhatinya kubhakengela abhela. ¹¹ Niho amategeko yali nubhushobhozi kusumba umwana wu muntu aliko nibhoshobhola kuzana ulubhanza hejuru yabho, nki ku Mana. ¹² Aliko ibhi bhikoko bhitafise ubwenke bhakozwe ntibhamenya chobhavuga bhalafatwa nikwichwa. ¹³ Bhalabhabhazwa mukanya ku bhubhi bwabhu. Umutaga gose gubhaho kukulondegwa. Bhuzuwemwo imyavu zu bhubhi. Bhishimila ubhubhi bwo kubheshwa hobhabha bhaliko bhalanezegwa nawe. ¹⁴ Amaso yabhu yalafundikiwe nubhu sambanyi,' ntibhaluha kukola ichaha. kubhahendagiza nikubhatula abhihane bhashasha kubhashila muchaha. Bhali nimitima yuzuye ivyipfuzo nabhana bhavumwe. ¹⁵ Bhayileche inzila yukuli. bhatagiche nikwiyikila inzila ya Balam nu mwana wa Beori, wakunze kulonka kunzila yu bhubhi. ¹⁶ aliko yalakankamiwe kunzila yo konona kwage. Intama yali indagi igamvye hagati mwijwi dyu muntu, yalayinumishije ibhigigwa Mana vyubhuvugishwa.. ¹⁷ Abhabhantu ninki amasokwe yatagila amazi. NInkibhichu bhitwagwa nubhuyaga. Nigichu kinini chabhichwe kwi ajili yabho. ¹⁸ Bhagamba kukwishima kusa. Bhalagwisha abhantu kuvyipfuzo vyu mubhili bhalabhahendagiza abhantu abhageza kubhiluka bhadya bhatali hagati muvyaha. ¹⁹ Bhabhasezelana abhantu ukwidegemvya hagati muki bhene nyene nikubha abhakozi bhi vyaha bhibhi. Kuko abhana bhabhantu bhakogwa kubhintumwa kwa kidya kibhaganza. ²⁰ Wene yihangana nu bhubhi bwo kwiyisi kugukolesha ubwenke Bwumukulu nu bwumukiza Yesu Kristo, na kandi akagaluka ubhubhi ubwo kandi, ubhulamvyi bwage bhbha bhubhi kusumba bhudya bwa nyuma. ²¹ Hobhaye abhobhantu abho bhatoyimenyekeje inzila yukuli kuliko kuyimenya nikucha bhazihebha inzila zu bwela bhahawe. ²² Ugu mugani ugu guli nukuli muli bhene. "imbwa ilasubhila kubhitanake vya yene. Ningulubhe yogejwe isubhila kandi muvyondo"